1 SAN JUAN 5:21 - Chatino Zona Alta Occidental

²¹ ꞌWan sñiěnꞌ, ndii ti tiꞌ wan tyiꞌin wan lo chalyuu, chaꞌ ja sten yuꞌwi wan loꞌo xka ta joꞌo. Ngwañaꞌan ka sikwa.

1 SAN JUAN 5:21 ပူးပေါင်းရင်းမြစ်များ

SAN MATEO 6:13

Ja taa chabiyaꞌ chaꞌ jwakii chaꞌ kuxi ꞌwa, kuloo ꞌwa yaꞌ kuneꞌ xaꞌan bra kanꞌ. Nuꞌwin ndloo tñan nchga chaꞌ; nchga chabiyaꞌ nu nsuꞌwi lo chalyuu, nchga chabiyaꞌ nu nsuꞌwi nde niꞌ kwan, nuꞌwin ndiya nchga chabiyaꞌ kanꞌ ꞌiin. Ja tsaa tii ꞌa chaꞌ tlyu la ti nuꞌwin. Ngwañaꞌan ka chaꞌ. Ngwañaꞌan chkwiꞌ wan loꞌo Ndiose.

1 CORINTIOS 10:14

ꞌWan taꞌa suꞌwe nsuꞌwiǐn, suꞌwe ꞌa nka tiyeěn ñaꞌaǎn ꞌwan, kanꞌ chaꞌ nchkwiǐnꞌ ꞌaǎn loꞌo wan ni, chaꞌ ja kuꞌni tnun wan siyaꞌ ti ꞌin nkwin joꞌo ꞌin neꞌ, ja tsaa wan seꞌen ndukwa nkwin joꞌo kanꞌ.

1 CORINTIOS 10:7

Ti kwiꞌ ti chaꞌ, ja suꞌwe kuꞌni tnuan ꞌin nkwin joꞌo, sa ñaꞌan nu yꞌni neꞌ kanꞌ. Nde ñaꞌan nchkwiꞌ kityi kula chaꞌ ꞌin neꞌ kanꞌ: “Sa kuꞌ ti yꞌni neꞌ taꞌa. Xa wa mdyii yku neꞌ yiꞌo neꞌ, bra kanꞌ mdyituun ti neꞌ chaꞌ kuꞌni neꞌ ya ñaꞌan ti loꞌo taꞌa neꞌ” ndukwin kityi kanꞌ.

1 TESALONICENSES 1:9

Ti kwiꞌ neꞌ kanꞌ ytsaꞌ neꞌ ꞌwa sa ñaꞌan ngwa bra nu mdiyan ba seꞌen ndiꞌin wan ti kulo, chaꞌ bra kanꞌ ngulaa yaꞌ wan ꞌin nchga joꞌo nu nsuꞌwi ꞌwan nu ngwa xkanꞌ, chaꞌ kuꞌni wan tñan ꞌin Ndiose nu luꞌu, nu ska ti Ndiose nu chañi nka.

1 SAN JUAN 2:1

Ñaꞌan tiꞌ si lka wan sñiěnꞌ, ngwañaꞌan lka wan, nxkeꞌ tiǎnꞌ, chaꞌ ndiya ꞌa tiǎnꞌ ꞌwan; kanꞌ chaꞌ ndaꞌaǎn kityi re chaꞌ tsaa seꞌen ndiꞌin wan, chaꞌ ja nchka tiǎnꞌ chaꞌ xtya Ndiose kiꞌya ꞌwan. Ni siya ndiꞌin chaꞌ xtya Ni kiꞌya ꞌñaan xa wa msñian chaꞌ ꞌin Jesucristo, ti kwiꞌ Jesucristo lka nu wa mdijin nu tiꞌí chaꞌ ꞌñaan, loꞌo ska nten nu luwi ꞌa lka Jesucristo.

EL APOCALIPSIS 14:11

Tyukwi tyempu nde loo ja tsaa tii ꞌa tyituun sñii kiiꞌ seꞌen ndijin nten kanꞌ nu tiꞌí bra kanꞌ. Loꞌo ja kaja ñaꞌan lyaa neꞌ kanꞌ ꞌin Ndiose; nchga nten nu ngiꞌni tnun ꞌin ꞌni kanꞌ, ni siya nkwin iꞌ ti ngiꞌni tnun neꞌ, ni siya ngaꞌan biyaꞌ iꞌ chkan neꞌ o ta yaꞌ neꞌ, ja lyaa neꞌ kanꞌ ꞌin Ni bra kanꞌ.

EL APOCALIPSIS 9:20

Loꞌo ti ngiꞌni nten chaꞌ kuxi, ti kwiꞌ nten nu ja ngujwi loꞌo kicha kanꞌ; ja xlya neꞌ kulaa yaꞌ neꞌ chaꞌ kuxi nu ngiꞌni neꞌ bra kanꞌ. Ti ngiꞌni tnun neꞌ ꞌin kwiꞌin kuxi loꞌo nkwin joꞌo nu ndyaꞌ loꞌo oro, nu ndyaꞌ loꞌo plata, nu ndyaꞌ loꞌo chkwan kutsi, nu ndyaꞌ loꞌo kee, nu ndyaꞌ loꞌo yka bra kanꞌ; ti ngiꞌni tnun neꞌ ꞌin joꞌo kwityinꞌ nu ja nchka ñaꞌan ꞌñaan, kwiꞌ joꞌo kuꞌun nu ja nnan chaꞌ nchkwianꞌ, kwiꞌ joꞌo nu ja nchka tyaꞌan bra kanꞌ.