1 SAN JUAN 4:21 - Chatino Zona Alta Occidental

²¹ Wa ngulo Ni tñan re ꞌñaan sikwa: Suꞌwe ti xuꞌwi tiye wan ñaꞌan wan ꞌin Ndiose, loꞌo ngwañaꞌan, xkwiꞌ suꞌwe ti xuꞌwi tiye wan ñaꞌan wan ꞌin taꞌa nten wan.

1 SAN JUAN 4:21 ပူးပေါင်းရင်းမြစ်များ

SAN MATEO 5:43

’Wa ynan wan chaꞌ re nu ykwiꞌ ayman sꞌni: “Suꞌwe kuꞌni wan loꞌo taꞌa wan, loꞌo ñaꞌan tiꞌí wan ꞌin nten nu nxuun loꞌo wan.”

SAN LUCAS 10:37

―Nu nchka tꞌnan tiꞌ ꞌin yu tiꞌí kanꞌ ―ndukwin mstru nu nduꞌu chaꞌ joꞌo kanꞌ ꞌin Jesús. Bra kanꞌ ykwiꞌ Jesús loꞌo mstru kanꞌ: ―Yaa lyaa sikwa, kwiꞌ ngwañaꞌan kuꞌnii loꞌo taꞌa nteen.

SAN JUAN 15:12

Nde lka tñan nu taǎn ꞌwan ―ndukwin Jesús―, chaꞌ suꞌwe ti xuꞌwi tiye wan ñaꞌan wan ꞌin taꞌa nten wan, sa ñaꞌan nu suꞌwe ꞌa nsuꞌwi tiyeěn naꞌaǎn ꞌwan.

GÁLATAS 5:14

Bra kanꞌ ka kuꞌnian nchga tñan nu nchka tiꞌ Ndiose chaꞌ kuꞌnian, si kunaan ska ti chaꞌ tiya re: “Ndiꞌin chaꞌ chka tꞌnan tiꞌ wan ꞌin nchga nten, kwiꞌ sa ñaꞌan nu nchka tꞌnan tiꞌ wan ꞌwan, ti ykwiꞌ ti wan.”

GÁLATAS 5:6

Loꞌo ngwañaꞌan, si chañi chaꞌ suꞌwa ndiꞌin chaꞌ ꞌñaan loꞌo Jesucristo, ja nꞌni chaꞌ ni siya nkwaan ni siya ja nkwaan. Ska ti chaꞌ ndloo la ꞌñaan, chaꞌ stean nchga chaꞌ ꞌin Ndiose; kanꞌ ka xuꞌwi chaꞌ suꞌwe tiyean ñaꞌaan ꞌin taꞌaan bra kanꞌ.

1 TESALONICENSES 4:9

Ja nꞌni chaꞌ kwaꞌaǎn laǎn chaꞌ lo kityi re chaꞌ suꞌwe ti xuꞌwi tiye wan ñaꞌan wan ꞌin taꞌa msñi wan chaꞌ ꞌin Ndiose; wa lka suꞌwe ꞌa nka tiye wan ñaꞌan wan ꞌin neꞌ kanꞌ, chaꞌ wa ngwaꞌu Ni ꞌwan sa ñaꞌan nu kuꞌni wan loꞌo taꞌa wan.

1 SAN PEDRO 3:8

Nchga wan ni, ndiꞌin chaꞌ ska ti ka tiye wan loꞌo taꞌa msñi wan chaꞌ ꞌin Krixtu; ndiꞌin chaꞌ kuwe tiꞌ wan ꞌin taꞌa wan, ndiꞌin chaꞌ ñaꞌansiin suꞌwe wan ꞌin taꞌa wan. Kwiꞌ ngwañaꞌan, chka tꞌnan tiꞌ wan ꞌin taꞌa wan, ja kuꞌni liyeꞌ tiꞌ wan ꞌin neꞌ kanꞌ.

1 SAN PEDRO 4:8

Tñan nu ndloo ꞌa chaꞌ kuꞌni wan ni, ndiꞌin chaꞌ xkwiꞌ ka suꞌwe ka tiye wan ñaꞌan wan ꞌin taꞌa nten wan. Si ngwañaꞌan nka tiyean ñaꞌaan ꞌin taꞌaan, bra kanꞌ kuꞌnian chaꞌ tlyu tiꞌ ꞌin taꞌaan bra nu ndiya chaꞌ kuxi nu yꞌni taꞌaan loꞌoan.

1 SAN JUAN 2:7

ꞌWan taꞌa msñian chaꞌ ꞌin Jesús, wa ngwaꞌaǎn chaꞌ lo kityi re chaꞌ xlyaa wan ka suꞌwe tiye wan ñaꞌan wan ꞌin taꞌa nten wan. Siꞌi ska chaꞌ nu ja ya kunan wan lka chaꞌ kanꞌ; wa ynan wan chaꞌ kanꞌ ti bra nu msñi wan chaꞌ ꞌin Jesucristo ti kulo.

1 SAN JUAN 3:11

Nde kwaꞌaǎn ti kwiꞌ chaꞌ nu wa ynan wan bra nu msñi wan chaꞌ ꞌin Jesús ti kulo. Ndiꞌin chaꞌ suꞌwe xuꞌwi tiyean ñaꞌaan ꞌin taꞌa ntean.

1 SAN JUAN 3:14

Xkwiꞌ chaꞌ mnaꞌ ti mdiꞌian lo chalyuu nu ngwa sꞌni siꞌya kiꞌya nu mdiꞌin ꞌñaan; loꞌo ni, wa nda Ndiose xka chalyuu kwi ꞌñaan, kanꞌ chaꞌ suꞌwe ti ka tiyean ni. Suꞌwe ꞌa nka tiyean ñaꞌaan ꞌin xka ta taꞌa ndiꞌin chaꞌ ꞌñaan loꞌo Jesucristo; kanꞌ chaꞌ ka jlyo tianꞌ chaꞌ wa nsuꞌwi xka chalyuu kwi ꞌñaan ni, chaꞌ nten nu ja suꞌwe nka tiye ñaꞌan ꞌin taꞌa nten, chaꞌ mnaꞌ ti ndiꞌin neꞌ lo chalyuu.

1 SAN JUAN 3:18

ꞌWan sñiěnꞌ, bra nu suꞌwe ꞌa nka tiyean ni siya ñaꞌaan ꞌin Ndiose, ni siya ñaꞌaan ꞌin taꞌa ntean, siꞌi ska chaꞌ nu chkwianꞌ tian loꞌo neꞌ kanꞌ; tyukwi ti tiyean ndiꞌin chaꞌ tayaanꞌ ꞌin taꞌa ntean bra kanꞌ.

1 SAN JUAN 3:23

Nde lka tñan nu wa nda Ndiose ꞌñaan chaꞌ kuꞌnian kwenta skaan: Ndiꞌin chaꞌ xñiin suꞌwean chaꞌ ꞌin Jesucristo nu lka Sñiꞌ ykwiꞌ Ndiose; kwiꞌ ngwañaꞌan, ndiꞌin chaꞌ suꞌwe ti xuꞌwi tiyean ñaꞌaan ꞌin taꞌa ntean, sa ñaꞌan nu wa ngwaꞌu Ni ꞌñaan.

1 SAN JUAN 4:11

ꞌWan taꞌaan nu ndiya ꞌa tiǎnꞌ ꞌwan, ndiꞌin chaꞌ suꞌwe ti xuꞌwi tiyean ñaꞌaan ꞌin taꞌa ntean, chaꞌ ngwañaꞌan kaꞌan ꞌa chaꞌ suꞌwe nka tiye Ndiose ñaꞌan Ni ꞌñaan.