1 SAN JUAN 4:18 - Chatino Zona Alta Occidental

¹⁸ Loꞌo ja kutsean chaꞌ ta Ndiose nu tiꞌí ꞌñaan, si chañi chaꞌ suꞌwe nka tiyean ñaꞌaan ꞌin Ni; ti ji xuꞌwi suꞌwe tiyean ñaꞌaan ꞌin Ndiose, si ñaꞌan ti ntsean chaꞌ ta Ndiose nu tiꞌí ꞌñaan. Nten nu ntsen ꞌa ꞌin Ndiose ni, nxkeꞌ tiꞌ neꞌ chaꞌ ta Ndiose nu tiꞌí ꞌin neꞌ.

1 SAN JUAN 4:18 ပူးပေါင်းရင်းမြစ်များ

SAN MATEO 9:34

Xka ñaꞌan ykwiꞌ neꞌ fariseo kanꞌ: ―Nan ndlo Jesús kwa ꞌin kwiꞌin kuxi nu nsuꞌwi ꞌin nten loꞌo chabiyaꞌ ꞌin xꞌnan kuneꞌ xaꞌan, kanꞌ chaꞌ nchka ꞌin yu kuꞌni yu ngwañaꞌan ―ndukwin neꞌ fariseo kanꞌ.

ROMANOS 8:15

Mda Ndiose Tyiꞌi ykwiꞌ Ni ꞌwan, chaꞌ kuꞌni Tyiꞌi Ni chaꞌ ka wan sñiꞌ Ni; kuꞌni Ni chaꞌ ka chkwianꞌ loꞌo Ndiose: “¡Sti ba!” ngwañaꞌan chkwianꞌ loꞌo Ni. Loꞌo siꞌi chaꞌ xaꞌan kuꞌni Tyiꞌi Ni bra nu kulo Ni tñan ꞌwan, siꞌi nan xitsen Ni ꞌwan sa ñaꞌan nu ytsen wan nu ngwa sꞌni, siꞌi ngwañaꞌan ngiꞌni Tyiꞌi Ni.

2 TIMOTEO 1:7

Ja nchka tiꞌ Ndiose chaꞌ kutsean; kanꞌ chaꞌ nda Ni Tyiꞌi ykwiꞌ Ni chaꞌ kanun niꞌ kasiya ꞌñaan, chaꞌ ka ngula la tianꞌ niꞌ kasiya ꞌñaan, chaꞌ suꞌwe ti xuꞌwi tiyean ñaꞌaan ꞌin taꞌa ntean, chaꞌ ka kuꞌnian nchga tñan nu nchka tiꞌ Ni chaꞌ kuꞌnian nchga tsan.

HEBREOS 12:28

Kwiꞌ ngwañaꞌan, ja xaꞌan ꞌa chalyuu kwi nu wa mjwi ꞌñaan chunꞌ Krixtu, ja siyaꞌ tyii chalyuu kanꞌ; kanꞌ chaꞌ tyaan xuꞌwe ꞌin Ndiose sikwa. Kuꞌniin tnuan ꞌin Ni, chaꞌ ngwañaꞌan nchka tiꞌ Ni chaꞌ kuꞌnian. Kuwe ꞌa tianꞌ ꞌin Ni chaꞌ tnun ꞌa chaꞌ ndiꞌin ꞌin Ni; nchga tsan kuꞌniin tnuan ꞌin Ni sikwa.

SANTIAGO 2:19

Wa ndyaa ñaꞌan tiꞌ wan chaꞌ ska ti Ndiose nsuꞌwi chalyuu. Suꞌwe ꞌa, loꞌo nchga kwiꞌin xaꞌan ndyaa ñaꞌan tiꞌ ran chaꞌ kanꞌ; kwiꞌ ngwañaꞌan, lye ꞌa nchkwan kwiꞌin xaꞌan kanꞌ, chaꞌ ngitsen ꞌa ran ꞌin Ndiose.

1 SAN JUAN 4:12

Ja ya ñaꞌan nten chalyuu ꞌin Ndiose; sa kanꞌ ti chaꞌ, bra nu ni ka biyaꞌ tianꞌ chaꞌ suꞌwa nka tiyean loꞌo Ni, bra nu ñaꞌaan ꞌin taꞌaan, chaꞌ suꞌwe ꞌa nka tiyean ñaꞌaan ꞌin taꞌa ntean. Sa ñaꞌan nu suꞌwe ꞌa nka tiye Jesucristo ñaꞌan Ni ꞌin nten chalyuu, kwiꞌ ngwañaꞌan ndiꞌin chaꞌ kuꞌnian loꞌo taꞌa ntean bra kanꞌ.