1 SAN JUAN 3:23 - Chatino Zona Alta Occidental

²³ Nde lka tñan nu wa nda Ndiose ꞌñaan chaꞌ kuꞌnian kwenta skaan: Ndiꞌin chaꞌ xñiin suꞌwean chaꞌ ꞌin Jesucristo nu lka Sñiꞌ ykwiꞌ Ndiose; kwiꞌ ngwañaꞌan, ndiꞌin chaꞌ suꞌwe ti xuꞌwi tiyean ñaꞌaan ꞌin taꞌa ntean, sa ñaꞌan nu wa ngwaꞌu Ni ꞌñaan.

1 SAN JUAN 3:23 ပူးပေါင်းရင်းမြစ်များ

SAN MATEO 22:39

Loꞌo ndiya xka chaꞌ nu ndloo ꞌa ꞌñaan: “Ndiꞌin chaꞌ chka tꞌnan tiꞌ wan ꞌin taꞌa nten wan, sa ñaꞌan lka bra nu nchka tꞌnan tiꞌ wan ꞌwan, ti ykwiꞌ ti wan.”

SAN MARCOS 9:7

Loꞌo mdoꞌo tukwa ska koo nu yuꞌwi nchga seꞌen nduun neꞌ bra kanꞌ, kwiꞌ ynen laja koo kanꞌ nchkwiꞌ Ndiose loꞌo neꞌ: ―Ti kwiꞌ yu re lka ska ti nu lka Sñiěnꞌ ―ndukwin Ndiose―, ndiya ꞌa tiǎnꞌ ꞌin yu re. Kunan suꞌwe wan ꞌin yu re bra nu chkwiꞌ yu loꞌo wan.

SAN JUAN 1:12

Ni siya ngwañaꞌan, ti ndiꞌin chinꞌ nten nu wa yten chaꞌ ꞌin yu, ndyaa ñaꞌan tiꞌ neꞌ kanꞌ ꞌin yu bra kanꞌ; nda Ni chabiyaꞌ ꞌin nten kanꞌ chaꞌ ka neꞌ sñiꞌ Ndiose.

SAN JUAN 13:34

Nde katsaǎnꞌ ꞌwan sa ñaꞌan ka ska tñan kwi nu kuꞌni wan. Ndiꞌin chaꞌ suꞌwe ꞌa xuꞌwi tiye wan ñaꞌan wan ꞌin taꞌa nten wan; sa ñaꞌan nu suꞌwe ꞌa nsuꞌwi tiyeěn naꞌaǎn ꞌwan, kwiꞌ ngwañaꞌan ndiꞌin chaꞌ suꞌwe xuꞌwi tiye wan ñaꞌan wan ꞌin taꞌa nten wan.

SAN JUAN 14:1

’Ja tyaꞌan ꞌa kaꞌan chaꞌ tiye wan chaꞌ ꞌñaǎn ―ndukwin Jesús ꞌin neꞌ bra kanꞌ―. Wa msñi wan chaꞌ ꞌin Ndiose, ngwañaꞌan xñi suꞌwe wan chaꞌ ꞌñaǎn bra kanꞌ.

SAN JUAN 15:12

Nde lka tñan nu taǎn ꞌwan ―ndukwin Jesús―, chaꞌ suꞌwe ti xuꞌwi tiye wan ñaꞌan wan ꞌin taꞌa nten wan, sa ñaꞌan nu suꞌwe ꞌa nsuꞌwi tiyeěn naꞌaǎn ꞌwan.

SAN JUAN 17:3

Chalyuu kwi nu taǎn ꞌin neꞌ kanꞌ ni, kanꞌ lka chaꞌ xuꞌwi lyo neꞌ ꞌiin, chaꞌ nuꞌwin lkaa ska ti nu nka Ndiose ykwiꞌ nu ndiꞌin niꞌ kwan; kwiꞌ ngwañaꞌan, xuꞌwi lyo neꞌ ꞌñaǎn, chaꞌ lkaǎn Jesucristo nu msuꞌwaa ꞌñaǎn bra nu mdiyaǎn lo chalyuu.

SAN JUAN 2:23

Xa nu mdiꞌin Jesús Jerusalén taꞌa pascua kanꞌ, bra kanꞌ mdyisnan kaꞌan nten ndyaa ñaꞌan tiꞌ neꞌ chaꞌ ꞌin yu, xa wa naꞌan neꞌ nchga chaꞌ tnun nu yꞌni yu.

SAN JUAN 3:18

’Ja ta ꞌa Ndiose nu tiꞌí ꞌin nten nu xñi chaꞌ ꞌñaǎn, ni siya wa yꞌni biyaꞌ Ni ꞌin nchga nten nu ja xlyaa xñi chaꞌ ꞌñaǎn; ta Ni nu tiꞌí ꞌin neꞌ kanꞌ, chunꞌ ja mslyaa ꞌa neꞌ tsaa ñaꞌan tiꞌ neꞌ ꞌñaǎn chaꞌ lkaǎn skaǎn tiǎn nu lka Sñiꞌ Ndiose ―ndukwin Jesús―.

SAN JUAN 6:29

―Nde lka tñan nu nchka tiꞌ Ndiose chaꞌ kuꞌni wan ―ndukwin Jesús―. Xñi wan chaꞌ ꞌñaǎn, chaꞌ wa msuꞌwa Ni ꞌñaǎn ndijyaǎn lo chalyuu.

LOS HECHOS 16:31

―Steen chaꞌ ꞌin Jesucristo nu nka Xꞌnaan ―ndukwin Palyu ꞌin yu―, kanꞌ nu ka kulaa ꞌin taꞌa wan, loꞌo ꞌin nuꞌwin, loꞌo sñiiꞌ, loꞌo nchga neꞌ taꞌa ndiꞌian.

EFESIOS 5:2

Suꞌwe ti xuꞌwi tiye wan ñaꞌan wan ꞌin taꞌa nten wan, chaꞌ kwiꞌ ngwañaꞌan suꞌwe ꞌa nka tiye Krixtu ñaꞌan ꞌñaan. Bra nu yan Jesús lo chalyuu, mslyaa yu mda yu tyukwi ñaꞌaan yu chaꞌ ngwa yu ska lomstan ꞌin Ndiose chaꞌ ꞌñaan. Suꞌwe ꞌa ngwa tiye Ndiose bra kanꞌ.

1 TESALONICENSES 4:9

Ja nꞌni chaꞌ kwaꞌaǎn laǎn chaꞌ lo kityi re chaꞌ suꞌwe ti xuꞌwi tiye wan ñaꞌan wan ꞌin taꞌa msñi wan chaꞌ ꞌin Ndiose; wa lka suꞌwe ꞌa nka tiye wan ñaꞌan wan ꞌin neꞌ kanꞌ, chaꞌ wa ngwaꞌu Ni ꞌwan sa ñaꞌan nu kuꞌni wan loꞌo taꞌa wan.

1 TIMOTEO 1:15

Chañi chaꞌ ka xñiin suꞌwean chaꞌ re: Wa yan Jesucristo lo chalyuu chaꞌ kulaa Ni ꞌin nten chalyuu nu ndiꞌin kiꞌya ꞌin. Loꞌoǔn, tnun la kiꞌya ndukwiǐn ke xka ta nten, chaꞌ kuxi ꞌa tñan nu yꞌniǐn loꞌo nten ꞌin Jesucristo nu ngwa sꞌni.

1 SAN PEDRO 1:22

Loꞌo ni, chaꞌ wa ndayaꞌ Tyiꞌi Ndiose ꞌwan, wa ndukwa wan chaꞌ nu ñi nu wa ykwiꞌ Ni loꞌoan, kanꞌ chaꞌ nchka luwi kasiya ꞌwan; loꞌo ni, ka suꞌwe tiye wan ñaꞌan wan ꞌin taꞌa nten wan. Tyukwi ti tiye wan ka suꞌwe tiye wan ñaꞌan wan ꞌin taꞌa wan sikwa.

1 SAN PEDRO 4:8

Tñan nu ndloo ꞌa chaꞌ kuꞌni wan ni, ndiꞌin chaꞌ xkwiꞌ ka suꞌwe ka tiye wan ñaꞌan wan ꞌin taꞌa nten wan. Si ngwañaꞌan nka tiyean ñaꞌaan ꞌin taꞌaan, bra kanꞌ kuꞌnian chaꞌ tlyu tiꞌ ꞌin taꞌaan bra nu ndiya chaꞌ kuxi nu yꞌni taꞌaan loꞌoan.

1 SAN JUAN 2:7

ꞌWan taꞌa msñian chaꞌ ꞌin Jesús, wa ngwaꞌaǎn chaꞌ lo kityi re chaꞌ xlyaa wan ka suꞌwe tiye wan ñaꞌan wan ꞌin taꞌa nten wan. Siꞌi ska chaꞌ nu ja ya kunan wan lka chaꞌ kanꞌ; wa ynan wan chaꞌ kanꞌ ti bra nu msñi wan chaꞌ ꞌin Jesucristo ti kulo.

1 SAN JUAN 3:11

Nde kwaꞌaǎn ti kwiꞌ chaꞌ nu wa ynan wan bra nu msñi wan chaꞌ ꞌin Jesús ti kulo. Ndiꞌin chaꞌ suꞌwe xuꞌwi tiyean ñaꞌaan ꞌin taꞌa ntean.

1 SAN JUAN 4:15

Nten nu xlyaa katsaꞌ ꞌin taꞌa nten chaꞌ Jesucristo lka ska ti Sñiꞌ ykwiꞌ Ndiose, suꞌwa nka tiye Ndiose loꞌo neꞌ kanꞌ bra kanꞌ, loꞌo ngwañaꞌan suꞌwa nka tiye neꞌ kanꞌ loꞌo Ndiose.

1 SAN JUAN 4:21

Wa ngulo Ni tñan re ꞌñaan sikwa: Suꞌwe ti xuꞌwi tiye wan ñaꞌan wan ꞌin Ndiose, loꞌo ngwañaꞌan, xkwiꞌ suꞌwe ti xuꞌwi tiye wan ñaꞌan wan ꞌin taꞌa nten wan.

1 SAN JUAN 5:13

Ndaꞌaǎn kityi re sikwa, chaꞌ tsaa seꞌen ndiꞌin wan, taꞌa wan nu msñi wan chaꞌ ꞌin Jesús, ska ti nu lka Sñiꞌ Ndiose; loꞌo chaꞌ re ka biyaꞌ tiꞌ wan chaꞌ wa mjwi chalyuu kwi ꞌwan, nu wa mda Ndiose ꞌñaan.