1 SAN JUAN 3:10 - Chatino Zona Alta Occidental

¹⁰ Kanꞌ chaꞌ nchka biyaꞌ tiꞌ wan ni, sa ñaꞌan nu lka sñiꞌ Ndiose; kwiꞌ ngwañaꞌan nchka biyaꞌ tiꞌ wan sa ñaꞌan ngiꞌni nten nu lka sñiꞌ kuneꞌ xaꞌan. Siꞌi sñiꞌ Ndiose lka nten nu ngiꞌni chaꞌ kuxi nchga tsan, loꞌo siꞌi sñiꞌ Ndiose lka nten nu ja suꞌwe nka tiye ñaꞌan ꞌin taꞌa nten.

1 SAN JUAN 3:10 ပူးပေါင်းရင်းမြစ်များ

SAN MATEO 13:38

Loꞌo nu lka jyan ꞌñaǎn ni, kanꞌ lka tyukwi ñaꞌaan chalyuu; loꞌo kala trigu nu nguluu la seꞌen ndukwa mta suꞌwe kanꞌ, ngwañaꞌan lka nten nu nda chabiyaꞌ chaꞌ ka Ndiose ndloo la niꞌ kasiya ꞌin neꞌ. Loꞌo kixinꞌ kanꞌ ni, ngwañaꞌan lka nten nu ndiꞌin chaꞌ ꞌin loꞌo kuneꞌ xaꞌan,

SAN LUCAS 6:35

Kanꞌ chaꞌ ꞌwan ni, suꞌwe ti xuꞌwi tiye wan ñaꞌan wan ꞌin taꞌa kusuun wan, kuꞌni wan chaꞌ suꞌwe loꞌo neꞌ kanꞌ. Ta wan nan jñan neꞌ, ja kuwe tiꞌ wan si tya neꞌ xuꞌwe ꞌwan, si ja tya neꞌ ꞌwan. Tlyu ꞌa chaꞌ suꞌwe kaja ꞌwan nde seꞌen ndiꞌin Ndiose si suꞌwe nka tiye wan ñaꞌan wan ꞌin nchga nten, chaꞌ ngwañaꞌan ngiꞌni nten nu lka sñiꞌ Ndiose. Loꞌo Ndiose, nchka tꞌnan ꞌa tiꞌ Ni ꞌin nten, ni siya xaꞌan tiye neꞌ, ni siya ja ndya ꞌa neꞌ xuꞌwe ꞌin Ni;

SAN JUAN 1:12

Ni siya ngwañaꞌan, ti ndiꞌin chinꞌ nten nu wa yten chaꞌ ꞌin yu, ndyaa ñaꞌan tiꞌ neꞌ kanꞌ ꞌin yu bra kanꞌ; nda Ni chabiyaꞌ ꞌin nten kanꞌ chaꞌ ka neꞌ sñiꞌ Ndiose.

SAN JUAN 11:52

kaja yu chaꞌ ꞌin nchga nten chalyuu, chaꞌ suꞌwa ti ka tiye nchga nten nu ndyaa ñaꞌan tiꞌ ꞌin Ndiose, ti kwiꞌ nten nu ngulo suwi Ndiose ꞌin chaꞌ ka sñiꞌ Ni.

SAN JUAN 8:44

Ti kwiꞌ kuneꞌ xaꞌan lka sti wan, loꞌo nchka tiꞌ wan kuꞌni wan ti kwiꞌ tñan nu ngulo nu kanꞌ ꞌwan. Ti bra nu mdyisnan chalyuu, ti bra kanꞌ mdyisnan nu kanꞌ ngiꞌni ñuꞌun ꞌin nten ―ndukwin Jesús―. Ja mdoꞌo nu kanꞌ seꞌen ndukwa kiyaꞌ chaꞌ nu ñi, kanꞌ chaꞌ ja siyaꞌ ndiya chaꞌ nu ñi ꞌin nu kanꞌ ―ndukwin―. Xa nu kwiñi lyoꞌo nu kanꞌ ꞌin nten, chaꞌ ꞌin ti ykwiꞌ ti lka chaꞌ kwiñi nu nchkwiꞌ loꞌo neꞌ. Ska nu kwiñi tnun lka kuneꞌ xaꞌan, ti kwiꞌ kanꞌ lka sti nchga nu kwiñi.

SAN JUAN 8:47

Nchga nten nu nchkwiꞌ chaꞌ Ndiose lka Sti neꞌ, xlyaa neꞌ kanꞌ kunan neꞌ nchga chaꞌ nu nchkwiꞌ Ni loꞌo neꞌ ―ndukwin Jesús ꞌin neꞌ judío kanꞌ―. Loꞌo siꞌi sñiꞌ Ndiose lka wan, kanꞌ chaꞌ ja nchka ꞌa tiꞌ wan kunan wan chaꞌ nu nchkwiǐnꞌ loꞌo wan.

LOS HECHOS 13:10

kanꞌ chaꞌ ykwiꞌ yu loꞌo yu taꞌá kanꞌ: ―¡Lye ꞌa nñilyoꞌoo ꞌin nten! ―ndukwin Palyu ꞌin yu taꞌá kanꞌ―. ¡Kwiꞌ ngwañaꞌan liyeꞌ ꞌa tiiꞌ ꞌware; nuꞌwin ndukwiin chaꞌ msu ꞌin kuneꞌ xaꞌan lka ba ―ndukwin Palyu ꞌin yu―, loꞌo ja ndaa ꞌa chabiyaꞌ ꞌin nten chaꞌ kuꞌni neꞌ chaꞌ suꞌwe! Kanꞌ chaꞌ ni, kuloǔn tñan ꞌiin chaꞌ ja ska chaꞌ kuxi kuꞌni lyoꞌoo ꞌin nten nu nchka tiꞌ sten chaꞌ ꞌin Ndiose nu nka Xꞌnan ba.

ROMANOS 13:8

Ja suꞌwe si kanun tukwi wan tneꞌ. Ska lo ti tñan ndiꞌin chaꞌ kuꞌni wan loꞌo xka la nten, chaꞌ suꞌwe ti kuꞌni wan loꞌo neꞌ; wa lka ngiꞌni wan nchga tñan nu ngulo Ndiose ꞌñaan, xa nu suꞌwe ꞌa nsuꞌwi tiye wan ñaꞌan wan ꞌin taꞌa nten wan.

EFESIOS 5:1

Suꞌwe ꞌa nka tiye Ndiose ñaꞌan Ni ꞌwan, chaꞌ lka wan sñiꞌ Ni; kanꞌ chaꞌ ndiꞌin chaꞌ kuꞌni wan sa ñaꞌan nu ngiꞌni Ndiose.

COLOSENSES 3:14

Kwiꞌ ngwañaꞌan, suꞌwe ꞌa ka tiye wan ñaꞌan wan ꞌin nchga la taꞌa wan, chaꞌ ngwañaꞌan ka suꞌwa ꞌa chaꞌ ꞌwan loꞌo neꞌ bra kanꞌ.

1 TIMOTEO 1:5

Kuloo tñan ꞌin neꞌ chaꞌ suꞌwe ꞌa xuꞌwi tiye neꞌ ñaꞌan neꞌ ꞌin taꞌa nten neꞌ, chaꞌ kanꞌ lka tñan nu ngiꞌni nten nu ngwa luwi kasiya ꞌin loꞌo Ndiose; jlyo tiꞌ neꞌ kanꞌ sa ñaꞌan lka ska chaꞌ suꞌwe, loꞌo ngiꞌni neꞌ chaꞌ suꞌwe kanꞌ bra kanꞌ. Chañi chaꞌ wa msñi nten chaꞌ ꞌin Ndiose si suꞌwe nka tiye neꞌ ñaꞌan neꞌ ꞌin taꞌa nten neꞌ.

1 SAN JUAN 2:29

Wa nchka biyaꞌ tiꞌ wan ni, chaꞌ luwi ꞌa kasiya ꞌin Jesucristo, kanꞌ chaꞌ suꞌwe si ka biyaꞌ tiꞌ wan chaꞌ nchga nten nu kuꞌni chaꞌ suꞌwe sa ñaꞌan nu ngiꞌni Jesús, lka neꞌ kanꞌ sñiꞌ Ndiose.

1 SAN JUAN 3:1

Tnun ꞌa chaꞌ suꞌwe lka chaꞌ suꞌwe ꞌa nka tiye Ndiose Stian ñaꞌan Ni ꞌin taꞌaan nu ndiꞌin chaꞌ ꞌñaan loꞌo Jesucristo; kanꞌ chaꞌ nchkwiꞌ Ndiose chaꞌ ꞌñaan chaꞌ lkaan sñiꞌ Ni, loꞌo chañi lka chaꞌ kanꞌ. Ja xlyaa nten chalyuu xuꞌwi lyo ꞌñaan chaꞌ sñiꞌ Ni lkaan; kwiꞌ ngwañaꞌan, bra nu mdiꞌin Jesucristo lo chalyuu, ja mslyaa neꞌ xuꞌwi lyo neꞌ ꞌin yu bra kanꞌ.

1 SAN JUAN 3:2

ꞌWan neꞌ taꞌaan nu ndiya ꞌa tiǎnꞌ ꞌwan, wa lkaan sñiꞌ Ndiose ni, ni siya ja ya ka biyaꞌ tianꞌ sa ñaꞌan ka suꞌwe la chaꞌ ꞌñaan, bra nu tyiꞌian loꞌo Ndiose nde loo la. Sa ñaꞌan lka ykwiꞌ Jesucristo, kwiꞌ ngwañaꞌan kaan bra nu kwaꞌu tloo Jesucristo ꞌñaan xa wa mdyii chalyuu re; bra kanꞌ ka ñaꞌaan ꞌin Jesucristo sa ñaꞌan nu lka ykwiꞌ Ni. Sa kanꞌ ti chaꞌ nchka biyaꞌ tianꞌ ni.

1 SAN JUAN 4:21

Wa ngulo Ni tñan re ꞌñaan sikwa: Suꞌwe ti xuꞌwi tiye wan ñaꞌan wan ꞌin Ndiose, loꞌo ngwañaꞌan, xkwiꞌ suꞌwe ti xuꞌwi tiye wan ñaꞌan wan ꞌin taꞌa nten wan.

1 SAN JUAN 4:6

Nten ꞌin Ndiose lkaan. Bra nu ndiꞌin chaꞌ ꞌin nten loꞌo Ndiose, kunan neꞌ nchga chaꞌ nu chkwianꞌ loꞌo neꞌ bra kanꞌ; nten nu ja ndiꞌin chaꞌ ꞌin loꞌo Ndiose siyaꞌ ti, kanꞌ lka nu ja nnan chaꞌ nu nchkwianꞌ. Ngwañaꞌan ka tyija lyo chaꞌ ꞌñaan ti ka lka nu chañi ndiꞌin chaꞌ ꞌin loꞌo Ni, ti ka lka nu chaꞌ kwiñi ti nchkwiꞌ chaꞌ ꞌin Ni.

1 SAN JUAN 4:8

Nten nu ja suꞌwe nka tiye ñaꞌan ꞌin taꞌa nten siyaꞌ ti, ja ndyiji ñaꞌan nu xuꞌwi chaꞌ ꞌin neꞌ kanꞌ loꞌo Ndiose, chaꞌ Ndiose ni, suꞌwe ꞌa nka tiye Ni ñaꞌan Ni ꞌin nten.

1 SAN JUAN 5:19

Jlyo tianꞌ chaꞌ nten ꞌin Ndiose lkaan, chunꞌ wa msñian chaꞌ ꞌin Jesucristo; xka ta nten chalyuu nu ja ndukwa chaꞌ ꞌin Ni siyaꞌ ti, ñaꞌan ti lka kuneꞌ xaꞌan xꞌnan neꞌ kanꞌ.

1 SAN JUAN 5:2

Bra nu suꞌwe nka tiyean ñaꞌaan ꞌin Ndiose Stian, bra nu tukwaan nchga tñan nu ndlo Ni ꞌñaan, bra kanꞌ ka suꞌwe xuꞌwi tiyean ñaꞌaan ꞌin xka ta sñiꞌ Ndiose.

3 SAN JUAN 1:11

Nuꞌwin Gayu, ja sten yuꞌwii loꞌo chaꞌ kuxi nu nsuꞌwi lo chalyuu; suꞌwe la si tsaa ñaꞌan tiiꞌ chaꞌ nchkwiꞌ nchga nten nu ngiꞌni tñan suꞌwe. Nchga nten nu xkwiꞌ ndaꞌan naan sa ñaꞌan chaꞌ suꞌwe nu tayaꞌ ꞌin xka la nten, ndiꞌin chaꞌ ꞌin neꞌ kanꞌ loꞌo Ndiose; nchga nten nu xkwiꞌ ndaꞌan naan chaꞌ kuxi nu kuꞌni, ja siyaꞌ tyiꞌin chaꞌ ꞌin neꞌ kanꞌ loꞌo Ndiose.