1 SAN JUAN 2:16 - Chatino Zona Alta Occidental

¹⁶ Nchga chaꞌ kuxi nu ngiꞌni chaꞌ ja xñi suꞌwe nten chaꞌ ꞌin Ndiose, siꞌi seꞌen ndiꞌin Ndiose Stian ndyoꞌo chaꞌ kanꞌ. Nchga chaꞌ kuxi nu ndiya tiꞌ nten, chaꞌ kalaꞌ chinꞌ tiꞌ neꞌ, loꞌo nchga chaꞌ kuxi nu nchka tiꞌ neꞌ kuꞌni neꞌ xa nu ñaꞌan neꞌ ꞌin ran, loꞌo nchga nan nu nchka tiꞌ neꞌ kaja ꞌin neꞌ, chaꞌ kuꞌni siyeꞌ neꞌ loꞌo taꞌa nten neꞌ, lo chalyuu ti ndyoꞌo nchga chaꞌ kuxi kanꞌ.

1 SAN JUAN 2:16 ပူးပေါင်းရင်းမြစ်များ

SAN MATEO 4:8

Bra nu mdyii ykwiꞌ neꞌ, xiyaꞌ ndyaa loꞌo kuneꞌ xaꞌan ꞌin Jesús ska lo kiꞌya nu kwan ꞌa. Ngwaꞌu kuneꞌ xaꞌan nchga nasiyun ñaꞌaan chalyuu ꞌin Jesús bra kanꞌ, chaꞌ suꞌwe ꞌa ñaꞌan chalyuu kanꞌ.

SAN MATEO 5:28

Loꞌo ni, kaꞌan la chaꞌ chkwiǐnꞌ loꞌo wan: Ni siya ñaꞌan kwiꞌya ska yu kiꞌyu ꞌin ska nu kunaꞌan, loꞌo bra kanꞌ xitukwi tiꞌ yu ꞌin nu kunaꞌan kanꞌ, suꞌwa ndiꞌin chaꞌ kanꞌ loꞌo yu sa ñaꞌan si wa lka yꞌni yu ska chaꞌ nu kuxi loꞌo nu kunaꞌan kanꞌ, ni siya tiye ti yu nsuꞌwi chaꞌ kuxi kanꞌ.

SAN LUCAS 4:5

Bra kanꞌ ndyaa loꞌo kuneꞌ xaꞌan kanꞌ ꞌin yu ska lo kiꞌya kwan. Ska bra ti ngwaꞌu kuneꞌ xaꞌan tyukwi ñaꞌaan chalyuu ꞌin Jesús.

ROMANOS 13:14

Ta wan chabiyaꞌ chaꞌ ka ndloo la Jesucristo nu nka Xꞌnaan tyukwi ñaꞌaan wan, loꞌo ja kuꞌnian ꞌaan ya ñaꞌan ti chaꞌ kuxi nu mdiya ꞌa tianꞌ nu ngwa sꞌni chunꞌ lkaan nten chalyuu.

1 CORINTIOS 10:6

Loꞌo nan ni, ka tyaa yuꞌwi tianꞌ sa ñaꞌan nu yꞌni ayman kanꞌ nu ngwa sꞌni. Ja suꞌwe si xkwiꞌ chaꞌ kuxi xuꞌwi tiyean, chaꞌ kwiꞌ ngwañaꞌan yꞌni neꞌ kanꞌ ti bra kanꞌ.

GÁLATAS 5:17

Chaꞌ xaꞌan nu ndiya ꞌa tianꞌ ni, nxuun ran loꞌo chaꞌ suꞌwe nu nda Tyiꞌi Ndiose chaꞌ xuꞌwi niꞌ kasiya ꞌñaan. Kwiꞌ ngwañaꞌan Tyiꞌi Ndiose ni, kanꞌ nu nxuun loꞌo chaꞌ xaꞌan nu ndiya tianꞌ kuꞌnian, chaꞌ lkaan nten chalyuu. Ja suꞌwa tyukwaa chaꞌ kanꞌ siyaꞌ ti; kanꞌ chaꞌ ja ka kuꞌni wan nchga chaꞌ kuxi nu ndiya tiꞌ wan, kwiꞌ sa ñaꞌan nu yꞌni wan nu ngwa sꞌni.

GÁLATAS 5:24

Wa ngujwi Krixtu lo wsi chaꞌ katin kiꞌya nu ndukwian; kanꞌ chaꞌ wa yꞌni tyian nchga chaꞌ kuxi nu yuꞌwi niꞌ kasiya ꞌñaan sꞌni la; wa ngula yaanꞌ nchga chaꞌ kuxi nu mdiya tianꞌ sꞌni, wa mdyii nchga chaꞌ kanꞌ chunꞌ ndiꞌin chaꞌ ꞌñaan loꞌo Krixtu, wa yꞌni tyian ꞌin ran ñaꞌan tiꞌ si loꞌoan wa ngujwian lo wsi.

EFESIOS 2:3

Nchgaan ni, chañi chaꞌ sa ñaꞌan nu ngiꞌni neꞌ kanꞌ chaꞌ kuxi, kwiꞌ ngwañaꞌan yꞌnian nu ngwa ti sꞌni; yꞌnian nchga chaꞌ kuxi nu mjñan kasiya ꞌñaan. Tñan nu ngwa tianꞌ kuꞌnian, ti ykwiinꞌ tian, xkwiꞌ tñan kanꞌ yꞌnian bra kanꞌ; nchga chaꞌ kuxi nu yan kean ti ykwiinꞌ tian, yꞌnian chaꞌ kanꞌ. Kanꞌ chaꞌ mdiꞌin chaꞌ ta Ndiose nu tiꞌí ꞌñaan, chaꞌ msinꞌ ꞌa tiꞌ Ni siꞌya chaꞌ kuxi nu yꞌnian; loꞌo suꞌwa ti ta Ndiose nu tiꞌí ꞌñaan loꞌo nchga nten chalyuu bra kanꞌ.

TITO 2:12

kwiꞌ ngwañaꞌan, wa ngwaꞌu Ni ꞌñaan sa ñaꞌan ka tyiꞌiin suꞌwean lo chalyuu. Nchka tiꞌ Ni chaꞌ kulaa yaanꞌ nchga chaꞌ nu ja suꞌwe, nchga chaꞌ kuxi nu ndiya tianꞌ kuꞌnian, chaꞌ lkaan nten chalyuu, chaꞌ suꞌwe ti kuꞌnian loꞌo taꞌa ntean. Bra kanꞌ ka kuꞌniin tnuan ꞌin Ndiose suꞌwe ti.

TITO 3:3

Nu ngwa sꞌni la, ja ndiꞌyaan kwenta siyaꞌ ti sa ñaꞌan nu ndiꞌin chaꞌ ꞌin Ndiose; ja ndukwaan ꞌaan chaꞌ ꞌin Ni bra kanꞌ, chaꞌ wa mñi lyoꞌo kuneꞌ xaꞌan ꞌñaan chaꞌ kuꞌnian nchga chaꞌ kuxi nu jñan kasiya ꞌñaan chaꞌ kuꞌnian. Mdiya ꞌa tianꞌ ngiꞌnian chaꞌ kuxi kanꞌ bra kanꞌ, liyeꞌ ꞌa tianꞌ ꞌin taꞌa ntean. Naꞌan tiꞌí nten ꞌñaan, kwiꞌ ngwañaꞌan nan, naꞌan tiꞌian ꞌin nten.

SANTIAGO 3:15

Siꞌi nde seꞌen ndiꞌin Ndiose ndyoꞌo chaꞌ kuxi nu nchkwiꞌ wan, ska chaꞌ kuxi nu nsuꞌwi lo chalyuu re lka chaꞌ kanꞌ; ska chaꞌ nu wa ytsaꞌ ykwiꞌ kuneꞌ xaꞌan ꞌwan lka chaꞌ nu nchkwiꞌ wan bra kanꞌ.

SANTIAGO 4:16

Loꞌo siꞌi ngwañaꞌan nchkwiꞌ wan ni, chaꞌ siyeꞌ ꞌa wan nchkwiꞌ wan loꞌo taꞌa nten wan. Nchga yaꞌ nu chkwiꞌ wan chaꞌ siyeꞌ ngwañaꞌan, chaꞌ kuxi lka chaꞌ kanꞌ.

1 SAN PEDRO 1:14

Tukwa suꞌwe wan chaꞌ nu ykwiꞌ Ndiose, chaꞌ ka wan sñiꞌ nu suꞌwe ꞌa ngiꞌni; ja kuꞌni wan ya ñaꞌan ti chaꞌ kuxi nu ndiya tiꞌ wan, sa ñaꞌan nu yꞌni wan ti sꞌni, xa nu ja ya ka biyaꞌ tiꞌ wan chaꞌ suꞌwe nu ngiꞌni Ndiose.

1 SAN PEDRO 2:11

ꞌWan taꞌa suꞌwe ndiꞌian, ndiꞌin chaꞌ tyiꞌian nde seꞌen ndiꞌin Ndiose nu ndyaa nde loo la, kanꞌ chaꞌ suꞌwe si tyiꞌian lo chalyuu sa ñaꞌan si lkaan nten nu mdoꞌo tijyuꞌ nu ja nsuꞌwi naꞌan tyi nde re. Lye ꞌa chkwiǐnꞌ loꞌo wan ni, chaꞌ ja kuꞌni wan ya ñaꞌan ti chaꞌ kuxi nu jñan tiye wan chaꞌ kuꞌni wan; ja tukwa wan chaꞌ kuxi kanꞌ, loꞌo ngwañaꞌan ja ka ꞌin ran kuꞌni ñuꞌun ran ꞌwan.

2 SAN PEDRO 2:10

Loꞌo nten nu xkwiꞌ chaꞌ chen ñaꞌan ngiꞌni, lye la ta Ndiose nu tiꞌí ꞌin neꞌ kanꞌ, chaꞌ ja ndukwa neꞌ kanꞌ chaꞌ nu nchkwiꞌ nu nka ndloo ꞌin neꞌ; ja nduwe tiꞌ neꞌ kanꞌ, chaꞌ siyeꞌ ꞌa neꞌ. Ja ntsen neꞌ kanꞌ, ni siya chkwiꞌ lyoꞌo neꞌ ꞌin angajle ꞌin Ndiose.

2 SAN PEDRO 2:18

Jlyo ꞌa tiꞌ neꞌ kwiñi kanꞌ chaꞌ chkwiꞌ loꞌo nten sa ñaꞌan ka kwiñi lyoꞌo neꞌ kanꞌ ꞌin nten nu tka msñi ti chaꞌ suꞌwe ꞌin Jesucristo. Nchka ꞌa tiꞌ neꞌ kwiñi kanꞌ chaꞌ loꞌo nten kanꞌ kuꞌni chaꞌ chen ñaꞌan. Sa ñaꞌan yꞌni neꞌ chaꞌ kuxi ti kulo, bra nu ja ya kunan neꞌ chaꞌ suꞌwe ꞌin Ndiose, kwiꞌ ngwañaꞌan nchka tiꞌ neꞌ kwiñi kanꞌ kuꞌni neꞌ xiyaꞌ.