1 CORINTIOS 9:18 - Chatino Zona Alta Occidental

¹⁸ ¿Ta ja kaja liyaꞌ ꞌñaǎn loo tñan nu ngiꞌniǐn bra kanꞌ a? Chañi chaꞌ kaja ran ꞌñaǎn, ni siya xka ñaꞌan chaꞌ suꞌwe kaja ꞌñaǎn, chaꞌ nu suꞌwe ꞌa ka tiyeěn chaꞌ nchkwiǐnꞌ chaꞌ suꞌwe ꞌin Jesús loꞌo nten. Kanꞌ chaꞌ suꞌwe ꞌa nxkeꞌ tiǎnꞌ, ni siya ja ta neꞌ liyaꞌ ꞌñaǎn. Ja nchka tiǎnꞌ jñaǎn ran ꞌwan, ni siya ndiꞌin chabiyaꞌ ꞌñaǎn, chaꞌ ngiꞌniǐn tñan ꞌin Ndiose.

1 CORINTIOS 9:18 ပူးပေါင်းရင်းမြစ်များ

SAN JUAN 4:36

Kaja siyaꞌ msu ꞌñaǎn nu kuꞌni kwa kanꞌ, loꞌo ja tsaa tii ꞌa tñan nu yꞌni msu kanꞌ. Chunꞌ ndiꞌin la suꞌwa ti ka suꞌwe ka tiye taꞌa tyukwaa ta nten re ꞌñaǎn: loꞌo neꞌ nu nsnen chaꞌ suꞌwe ꞌin Ndiose seꞌen ndiꞌin nchga nten, loꞌo neꞌ nu ñaꞌan sa ñaꞌan wa yten nten chalyuu chaꞌ ꞌin Ndiose ―ndukwin Jesús ꞌin neꞌ nu ngiꞌni xaꞌan chaꞌ ꞌin yu―.

LOS HECHOS 18:3

Nten nu nñan naꞌan teꞌ ngwa neꞌ kanꞌ, loꞌo Palyu ngwa kuꞌni tñan kanꞌ, kanꞌ chaꞌ nganun yu seꞌen ndiꞌin neꞌ, chaꞌ suꞌwa ti kuꞌni yu tñan loꞌo neꞌ.

ROMANOS 14:15

Loꞌo neꞌ taꞌa ndiꞌin chaꞌ ꞌwan loꞌo Jesús, si ñaꞌan neꞌ chaꞌ nchku wan ska nan nu ja nsuꞌwi chabiyaꞌ ku ykwiꞌ neꞌ, nxkeꞌ tiꞌ neꞌ, chen ñaꞌan chaꞌ tyaꞌan tiye neꞌ kanꞌ bra kanꞌ; xkeꞌ tiꞌ neꞌ chaꞌ ja suꞌwe nka tiye wan ñaꞌan wan ꞌin neꞌ, kanꞌ chaꞌ nchku wan nan kanꞌ, xkeꞌ tiꞌ neꞌ. Loꞌo ja suꞌwe ngwañaꞌan. Ja suꞌwe ku wan nan lka nu nchka ti tiꞌ wan, si ngwañaꞌan kuꞌni wan chaꞌ kulaa yaꞌ neꞌ taꞌa wan chaꞌ ꞌin Krixtu chunꞌ nchku wan nan kanꞌ. Loꞌo neꞌ kanꞌ, lka neꞌ nten ꞌin Ndiose, ngujwi Krixtu chaꞌ ꞌin neꞌ kanꞌ.

1 CORINTIOS 10:33

Nchga seꞌen ngiꞌniǐn tñan nduwe tiǎnꞌ ꞌin xka ta nten, si ka suꞌwe kasiya ꞌin neꞌ bra nu kuꞌniǐn tñan kanꞌ. Ni siya ja kaja chaꞌ suꞌwe ꞌñaan ti ykwiǐnꞌ tiǎn, nchka tiǎnꞌ chaꞌ ka suꞌwe kasiya ꞌin nchga nten, chaꞌ kaja ñaꞌan lyaa neꞌ ꞌin chaꞌ kuxi bra kanꞌ.

1 CORINTIOS 3:8

Suꞌwa ti ngiꞌni ba tñan loꞌo taꞌa ndaꞌan ba, ni siya ykwiꞌ ba loꞌo wan kulo ndukwa la, ni siya nduꞌu suꞌwe la ba chaꞌ kanꞌ ꞌwan chunꞌ ndiꞌin la. Loꞌo Ndiose ni, kanꞌ nu tya chaꞌ suꞌwe ꞌwa, sa ñaꞌan tñan suꞌwe nu ngiꞌni skaa ba chaꞌ ꞌin Ni.

1 CORINTIOS 7:31

ni siya ndiꞌin ꞌa chaꞌ suꞌwe ꞌwan lo chalyuu, ja tyijin wan kaꞌan ꞌa tyempu lo chaꞌ suꞌwe kanꞌ. Wa tiya ti bra nu tyii tyukwi ñaꞌaan chalyuu, kwiꞌ ngwañaꞌan nchga nan nu nsuꞌwi chalyuu ndiꞌin chaꞌ tyii ran bra kanꞌ.

1 CORINTIOS 8:9

Kanꞌ chaꞌ kiꞌya wan kwenta sa ñaꞌan kuꞌni wan seꞌen ndiꞌin nten nu ti nduwe ꞌa tiꞌ siꞌya chaꞌ kanꞌ. Chañi nsuꞌwi chabiyaꞌ ꞌñaan chaꞌ kuan nchga nan; sa kanꞌ ti chaꞌ, ja chan tyoꞌo tsuꞌ neꞌ kanꞌ ꞌin tuwiin nu ñi si ja suꞌwe ti kuꞌni wan tloo neꞌ, si ku wan lomstan nu wa mdukwa tloo joꞌo ti kulo.

1 CORINTIOS 9:12

Xka la taꞌa ngiꞌni ba tñan ndyiji nan lka nu lyiji ꞌin neꞌ bra nu nda wan chinꞌ siyaꞌ neꞌ kanꞌ. ¿Ta ja suꞌwe si ti kwiꞌ ti chaꞌ kaja ꞌwa, sa ñaꞌan nu ndyiji ꞌin neꞌ kanꞌ a? Sa kanꞌ ti chaꞌ, ja ska bra mjñan ba chaꞌ suꞌwe kanꞌ ꞌwan. Ndalo ꞌa ba nchga nu tiꞌí nu ndijin ba chaꞌ ja siyaꞌ nchka tiꞌ ba tukunꞌ ba chaꞌ suꞌwe ꞌin Krixtu nu nchkwiꞌ ba loꞌo wan; nchka tiꞌ ba chaꞌ kunan wan chaꞌ kanꞌ.

1 CORINTIOS 9:15

Loꞌo ja siyaꞌ mjñaǎn nan kuǔn ꞌin nten nchga seꞌen mdaꞌaǎn. Ni siya ni ti, ja ndaꞌaǎn kityi re chaꞌ jñaǎn nan kuǔn ꞌwan. ¡Ni siya kajaǎn ykwiǐnꞌ, ja nchka ꞌa tiǎnꞌ sñiǐn nan ꞌin nten! ¡Suꞌwe la nxkeꞌ tiǎnꞌ chaꞌ ngiꞌniǐn tñan re ngwañaꞌan ti, ja loꞌo liyaꞌ!

1 CORINTIOS 9:17

Bra nu kuꞌniǐn ska tñan chaꞌ ꞌñaǎn tiǎn, xkeꞌ tiǎnꞌ chaꞌ kaja liyaꞌ ꞌñaǎn bra kanꞌ. Loꞌo ni, ska loo tñan mda Ni ꞌñaǎn; wa nganun tñan kanꞌ ꞌñaǎn chaꞌ kanꞌ ti tñan kuꞌniǐn, chaꞌ wa ndatsaa Ni ꞌñaǎn chaꞌ kuꞌniǐn ꞌin ran. Kanꞌ chaꞌ ngiꞌniǐn tñan kanꞌ.

2 CORINTIOS 4:5

Chaꞌ nu nchkwiꞌ ba loꞌo nten ni, siꞌi chaꞌ ꞌwa ti ykwiꞌ ti ba nchkwiꞌ ba. Nde ndiya chaꞌ nu nchkwiꞌ ba loꞌo neꞌ: Jesucristo lka Xꞌnan tyukwi ñaꞌaan nde niꞌ kwan, kwiꞌ ngwañaꞌan nka Ni ndloo tyukwi ñaꞌaan lo chalyuu. Kanꞌ chaꞌ nchkwiꞌ ba chaꞌ chabiyaꞌ ꞌin Jesús nu nka Xꞌnaan ngiꞌni ba tñan chaꞌ ꞌwan.

1 TESALONICENSES 2:6

Ja nchka tiꞌ ba chaꞌ kuꞌni tnun wan ꞌwa, ni siya chabiyaꞌ ꞌin Jesucristo yaa ba seꞌen ndiꞌin wan; ni siya yuꞌwi chabiyaꞌ ꞌwa chaꞌ ka ba ndloo ꞌwan, ja ykwiꞌ ba chaꞌ tnun ꞌa loꞌo wan, loꞌo ja yꞌni siyeꞌ ba chaꞌ lka ba ndloo ꞌin xka ta nten.