1 CORINTIOS 8:5 - Chatino Zona Alta Occidental

⁵ Chañi chaꞌ kaꞌan ꞌa joꞌo nsuꞌwi lo chalyuu, kwiꞌ ngwañaꞌan nde niꞌ kwan nsuꞌwi xka ta joꞌo, ndukwa ran chaꞌ ꞌin nten chalyuu. Nchkwiꞌ neꞌ chaꞌ ꞌin joꞌo kanꞌ, chaꞌ lka ran joꞌo chaꞌ ꞌin neꞌ; nchkwiꞌ neꞌ chaꞌ lka ran xꞌnan neꞌ.

1 CORINTIOS 8:5 ပူးပေါင်းရင်းမြစ်များ

SAN MATEO 27:17

Loꞌo kaꞌan ꞌa neꞌ judío ni, ndyoꞌ tiꞌin neꞌ tuꞌ naꞌan ꞌin gobierno, loꞌo mnichaꞌ Pilato ꞌin neꞌ bra kanꞌ: ―¿Ti lka nchka tiꞌ wan chaꞌ kulaǎn ni a? ¿Ta suꞌwe la lyaa Barrabás a? ¿O ta suꞌwe la lyaa Jesús nu nchkwiꞌ wan chaꞌ lka Krixtu a? ―ndukwin Pilato ꞌin neꞌ.

GÁLATAS 4:8

Sꞌni la, bra nu ti ji ka biyaꞌ suꞌwe tiꞌ wan chaꞌ ꞌin Ndiose, msñi wan chaꞌ ꞌin xka ta joꞌo, chaꞌ kuꞌni wan tñan ꞌin ran, joꞌo nu siꞌi Ndiose nu chañi lka.

2 TESALONICENSES 2:4

Kanꞌ lka nu nchka tiꞌ kuꞌni tyii chaꞌ ꞌin nchga lo joꞌo, chaꞌ ja kuꞌni tnun nten ꞌin ran; kwiꞌ ngwañaꞌan, nchka tiꞌ yu xaꞌan kanꞌ chaꞌ ja kuꞌni tnun nten ꞌin Ndiose, chaꞌ kuꞌni tnun neꞌ ꞌin ykwiꞌ yu. Sten yu niꞌ lyaa tnun, tsaa tukwa yu la kanꞌ; bra kanꞌ chkwiꞌ yu loꞌo nchga nten chaꞌ kuꞌni tnun neꞌ ꞌin ykwiꞌ yu, chaꞌ Ndiose lka ykwiꞌ yu, nchkwin yu.