1 CORINTIOS 7:7 - Chatino Zona Alta Occidental

⁷ Chaꞌ ꞌñaǎn nxkeꞌ tiǎnꞌ chaꞌ suꞌwe la si kanun nten ska ti neꞌ, ti kwiꞌ ñaꞌan nu ndiꞌiǐn tiǎn. Wa nka ska ñaꞌan ndukwin Ndiose chaꞌ tyiꞌian kwenta skaan; nda Ni chabiyaꞌ chaꞌ ska ñaꞌan tyiꞌin ska nten, xka ñaꞌan tyiꞌin xka nten.

1 CORINTIOS 7:7 ပူးပေါင်းရင်းမြစ်များ

LOS HECHOS 26:29

―Ni siya ndla ti, ni siya ti xꞌni la ―ndukwin Palyu―, suꞌwe ꞌa si xñi taꞌa wan chaꞌ kanꞌ, loꞌo ꞌwan, ree Agripa, loꞌo nchga wan nu ynan wan chaꞌ nu ykwiǐnꞌ loꞌo wan tsan ni; suꞌwe ꞌa si ka suꞌwa chaꞌ ꞌwan loꞌoǔn chaꞌ sten wan chaꞌ kanꞌ bra kanꞌ. Ska ti chaꞌ ja suꞌwe, si skanꞌ nten ꞌwan loꞌo karenan chkwan sa ñaꞌan nu mskanꞌ neꞌ ꞌñaǎn.

ROMANOS 12:6

Ska lo tñan ka kuꞌnian skaan, ya ñaꞌan ti tñan nu nda Ndiose chabiyaꞌ chaꞌ kuꞌnian skaan, chaꞌ suꞌwe ꞌa nka tiye Ndiose ñaꞌan Ni ꞌñaan. Bra nu ndiya ska neꞌ taꞌa wan nu nchka nchkwiꞌ ska chaꞌ nu nchka tiꞌ Ndiose chkwiꞌ loꞌo wan, kanꞌ tñan kuꞌni neꞌ kanꞌ sikwa. Sa ñaꞌan nu nnan neꞌ kanꞌ chaꞌ nu nchkwiꞌ Ndiose, sa ñaꞌan nu yten neꞌ chaꞌ kanꞌ, kwiꞌ ngwañaꞌan chkwiꞌ neꞌ kanꞌ loꞌo wan.

1 CORINTIOS 12:11

Ska ti Tyiꞌi Ndiose ngiꞌni chaꞌ nchka ꞌin nten kuꞌni nchga tñan kanꞌ; kanꞌ lka nu nda ska loo tñan kuꞌni skaan, sa ñaꞌan nu nka tiye Ni chaꞌ ka ꞌñaan.

1 CORINTIOS 12:4

Tyun loo chaꞌ tiya nda Ndiose ꞌñaan chaꞌ ka kuꞌnian ska tñan ꞌin Ni, loꞌo ska ti Tyiꞌi Ndiose ngiꞌni chaꞌ ka kuꞌnian tñan kanꞌ.

1 CORINTIOS 7:8

Nde lka chaꞌ nu chkwiǐnꞌ loꞌo wan nu ja ya kaja kwilyoꞌo wan, kwiꞌ ngwañaꞌan loꞌo neꞌ taꞌaan nu nganun chaꞌ tiꞌi. Suꞌwe la ka ꞌwan si tyiꞌin wan sa ñaꞌan nu ndiꞌiǐn tiǎn, nxkeꞌ tiǎnꞌ.

1 CORINTIOS 9:15

Loꞌo ja siyaꞌ mjñaǎn nan kuǔn ꞌin nten nchga seꞌen mdaꞌaǎn. Ni siya ni ti, ja ndaꞌaǎn kityi re chaꞌ jñaǎn nan kuǔn ꞌwan. ¡Ni siya kajaǎn ykwiǐnꞌ, ja nchka ꞌa tiǎnꞌ sñiǐn nan ꞌin nten! ¡Suꞌwe la nxkeꞌ tiǎnꞌ chaꞌ ngiꞌniǐn tñan re ngwañaꞌan ti, ja loꞌo liyaꞌ!

1 CORINTIOS 9:5

Kwiꞌ ngwañaꞌan, ka ꞌñaǎn kaja kwilyoꞌoǔn loꞌo ska nu kunaꞌan taꞌa msñian chaꞌ ꞌin Jesús, chaꞌ tyaꞌan loꞌoǔn tuwiin nchga seꞌen ndaꞌaǎn tijyuꞌ, nchkwiǐnꞌ loꞌo neꞌ kanꞌ. Ngwañaꞌan ngiꞌni taꞌa ndaꞌaǎn tñan, ni siya taꞌa ykwiꞌ nu nka Xꞌnaan, ni siya Tyu, ndiꞌin kwilyoꞌo neꞌ kanꞌ.