1 CORINTIOS 7:40 - Chatino Zona Alta Occidental

⁴⁰ Sa kanꞌ ti chaꞌ, naꞌ nxkeꞌ tiǎnꞌ chaꞌ suꞌwe la xuꞌwi tiye wan si ja kaja kwilyoꞌo wan xiyaꞌ, si kanun wan ska ti wan. Ngwañaꞌan nxkeꞌ tiǎnꞌ, loꞌo ndiꞌin Tyiꞌi Ndiose niꞌ kasiya ꞌñaǎn, kanꞌ chaꞌ nchkwiǐnꞌ ngwañaꞌan.

1 CORINTIOS 7:40 ပူးပေါင်းရင်းမြစ်များ

1 CORINTIOS 7:1

Loꞌo ni, kwaꞌaǎn chinꞌ chaꞌ re, chaꞌ xkweěn ꞌwan chaꞌ ꞌin kityi nu ngwaꞌan wan, nu ngula seꞌen ndiꞌiǐn nu ngwa sꞌni la. Nan ni, taꞌa kiꞌyuan, suꞌwe la si ja kaja kwilyoꞌoan; kanuan ngwañaꞌan ti, nxkeꞌ tiǎnꞌ.

1 CORINTIOS 7:35

Nchka ꞌa tiǎnꞌ tayaǎnꞌ ꞌwan, kanꞌ chaꞌ nchkwiǐnꞌ loꞌo wan ngwañaꞌan. Siꞌi nan ndatsaǎn ꞌwan chaꞌ ja kaja kwilyoꞌo wan; ndiꞌin chaꞌ kuꞌni wan sa ñaꞌan nu suꞌwe la chaꞌ ꞌin skaa wan. Nchka tiǎnꞌ chaꞌ tyukwi ti tiye wan kuꞌni wan tñan ꞌin Ndiose, loꞌo kanꞌ ja ka wñuꞌun tuwiin nu ngwaꞌu Jesús ꞌwan.

1 CORINTIOS 7:6

Siꞌi ska tñan nu ndloǔn ꞌwan lka kanꞌ, bra nu nchkwiǐnꞌ chaꞌ kaja kwilyoꞌo wan; nde lka ska chaꞌ nu nchkwiǐnꞌ tiǎn loꞌo wan.

1 CORINTIOS 7:8

Nde lka chaꞌ nu chkwiǐnꞌ loꞌo wan nu ja ya kaja kwilyoꞌo wan, kwiꞌ ngwañaꞌan loꞌo neꞌ taꞌaan nu nganun chaꞌ tiꞌi. Suꞌwe la ka ꞌwan si tyiꞌin wan sa ñaꞌan nu ndiꞌiǐn tiǎn, nxkeꞌ tiǎnꞌ.

2 CORINTIOS 12:11

ꞌWan yꞌni loꞌo wan ꞌñaǎn chaꞌ nchkwiǐnꞌ chaꞌ mnaꞌ re, ni siya ndiꞌin chaꞌ chkwiꞌ suꞌwe wan ꞌñaǎn. Ndiya ꞌa tiꞌ wan ngiꞌni wan tñan ꞌin neꞌ kwiñi kanꞌ; ni siya xkeꞌ tiꞌ wan chaꞌ chinꞌ la tñan ngiꞌniǐn loꞌo kaꞌan la tñan ngiꞌni yu kwiñi kanꞌ.

2 CORINTIOS 13:3

Loꞌo bra kanꞌ ka biyaꞌ tiꞌ wan chaꞌ ti kwiꞌ Krixtu lka nu nda chabiyaꞌ chaꞌ chkwiǐnꞌ; loꞌo siꞌi chinꞌ ti tñan nchka ꞌin Krixtu xa nu ta Ni nu tiꞌí ꞌwan, ni siya lye la kuꞌni Ni tñan chaꞌ kaja nu tiꞌí ꞌwan bra kanꞌ.

2 CORINTIOS 8:10

Nde ñaꞌan nxkeꞌ tiǎnꞌ sikwa, chaꞌ suꞌwe la ni siya kuꞌni ji lya wan tñan nu ngiꞌni wan kanꞌ. Ti yijan nan wa suꞌwe ꞌa ngiꞌni wan tñan kanꞌ. Siꞌi chaꞌ ngiꞌni ti wan ꞌin ran, ni siya loꞌo ndiya ꞌa tiꞌ wan chaꞌ ngiꞌni wan ngwañaꞌan.

1 TESALONICENSES 4:8

Siꞌi ska chaꞌ nu nchkwiꞌ nten chalyuu ti lka chaꞌ nu nchkwiǐnꞌ loꞌo wan ni; ska chaꞌ nu ñi nu wa ykwiꞌ Ndiose loꞌoan lka chaꞌ re; kanꞌ chaꞌ si ja tukwa wan chaꞌ re, kulaa yaꞌ wan ꞌin Ndiose nu nda Tyiꞌi ykwiꞌ Ni chaꞌ kanun niꞌ kasiya ꞌñaan.