1 CORINTIOS 7:38 - Chatino Zona Alta Occidental

³⁸ Ngwañaꞌan ka chaꞌ ꞌin nu kunaꞌan kuneꞌ sñiꞌ taꞌa wan sikwa; suꞌwe si ta wan ꞌin sñiꞌ wan chaꞌ kaja kwilyoꞌo neꞌ, kwiꞌ ngwañaꞌan suꞌwe ngiꞌni nten nu ja nda ꞌin sñiꞌ, nxkeꞌ tiǎnꞌ.

1 CORINTIOS 7:38 ပူးပေါင်းရင်းမြစ်များ

SAN MATEO 5:32

Loꞌo ni, kaꞌan la chaꞌ chkwiǐnꞌ loꞌo wan: Chaꞌ kuxi ngiꞌni ska yu kiꞌyu loꞌo kwilyoꞌo yu bra nu kulaa tiꞌin yu ꞌin kwilyoꞌo yu, loꞌo ja ndukwi nu kunaꞌan kanꞌ kiꞌya. Chunꞌ ndiꞌin bra nu kaja kwilyoꞌo nu kunaꞌan kanꞌ loꞌo xka nten, ngiꞌni yu kanꞌ chaꞌ ndukwi nu ngwa kunaꞌan ꞌin yu kiꞌya bra kanꞌ. Kwiꞌ ngwañaꞌan, loꞌo xka nten kanꞌ ndukwi kiꞌya, chaꞌ kwilyoꞌo xka yu kiꞌyu kanꞌ lka nu kunaꞌan kanꞌ, ni siya tlyu la kiꞌya ndukwi yu kiꞌyu kanꞌ nu ngwa kwilyoꞌo ti kulo.

1 CORINTIOS 7:26

Lye ꞌa lka lo chalyuu seꞌen ndiꞌian ni, kaꞌan ꞌa nu tiꞌí ndijian; kanꞌ chaꞌ suꞌwe la si kanuan sa ñaꞌan nu ndiꞌiin tian, nxkeꞌ tiǎnꞌ.

1 CORINTIOS 7:37

Kwiꞌ ngwañaꞌan, suꞌwe kuꞌni xka neꞌ taꞌa wan nu xkeꞌ tiꞌ chaꞌ suꞌwe la ni siya ja kaja kwilyoꞌo sñiꞌ siyaꞌ ti. Ja suꞌwe si tatsaa neꞌ ꞌin ska nten chaꞌ ta sñiꞌ chaꞌ kaja kwilyoꞌo loꞌo sñiꞌ neꞌ. Ndiꞌin chabiyaꞌ ꞌin ska nten chaꞌ kuꞌni sa ñaꞌan nu suꞌwe la nchka tiꞌ yu chaꞌ ka ꞌin sñiꞌ yu.

1 CORINTIOS 7:39

ꞌWan neꞌ kunaꞌan nu wa mjwi kwilyoꞌo wan, ja ndiꞌin chabiyaꞌ kaja kwilyoꞌo wan loꞌo xka nu kiꞌyu xa nu ti luꞌu kwilyoꞌo wan. Ska ti si wa ngujwi kwilyoꞌo wan, kanꞌ ndiꞌin chabiyaꞌ kaja kwilyoꞌo wan xiyaꞌ. Bra kanꞌ ka kaja kwilyoꞌo wan xiyaꞌ loꞌo ñaꞌan nu kiꞌyu nu nchka tiꞌ wan, ska ti si loꞌo yu kanꞌ lka yu nten taꞌa msñian chaꞌ ꞌin Jesús.

1 CORINTIOS 7:8

Nde lka chaꞌ nu chkwiǐnꞌ loꞌo wan nu ja ya kaja kwilyoꞌo wan, kwiꞌ ngwañaꞌan loꞌo neꞌ taꞌaan nu nganun chaꞌ tiꞌi. Suꞌwe la ka ꞌwan si tyiꞌin wan sa ñaꞌan nu ndiꞌiǐn tiǎn, nxkeꞌ tiǎnꞌ.

HEBREOS 13:4

Taꞌa wan ndiꞌin chaꞌ tyiꞌin suꞌwe wan loꞌo kwilyoꞌo wan; ja kuꞌni wan chaꞌ kuxi loꞌo kwilyoꞌo wan, kwiꞌ ja tyiꞌin chaꞌ ꞌwan loꞌo xka nten nu ja lka kwilyoꞌo wan. Ta Ndiose nu tiꞌí ꞌin nchga nten nu kuꞌni chaꞌ kuxi ngwañaꞌan, ta Ndiose nu tiꞌí ꞌin nten nu sten yuꞌwi loꞌo kwilyoꞌo xka nten.