1 CORINTIOS 7:33 - Chatino Zona Alta Occidental

³³ ꞌWan nu kiꞌyu nu nsuꞌwi kwilyoꞌo wan ni, wa nsuꞌwi ꞌa tñan ꞌwan chaꞌ kaja ñaꞌan nu tyijin yuꞌwi ꞌwan lo chalyuu, chaꞌ kuꞌni wan sa ñaꞌan nu suꞌwe la nchka tiꞌ kwilyoꞌo wan. Tukwa loo chaꞌ kanꞌ nꞌni chaꞌ kuꞌni wan kwenta bra kanꞌ.

1 CORINTIOS 7:33 ပူးပေါင်းရင်းမြစ်များ

SAN LUCAS 12:22

Bra kanꞌ ykwiꞌ Jesús loꞌo neꞌ nu ngiꞌni xaꞌan chaꞌ ꞌin yu: ―Nde lka chaꞌ nu chkwiǐnꞌ loꞌo wan ni: Ja kaꞌan ꞌa chaꞌ tyaꞌan tiye wan nan lka nu lyiji ꞌwan chaꞌ ku wan seꞌen ndiꞌin wan lo chalyuu, loꞌo ja tyaꞌan ꞌa chaꞌ tiye wan chaꞌ ꞌin steꞌ wan.

SAN LUCAS 14:20

Bra kanꞌ ykwiꞌ xka yu: “Tka mjwi ti kwilyoꞌoǔn, kanꞌ chaꞌ ja ka ꞌñaǎn kaǎn seꞌen ndiꞌiin ni.”

SAN JUAN 10:13

Nxnan msu tijyuꞌ chaꞌ tñan ꞌin nten ti ndaꞌan yu, siꞌi slyaꞌ ꞌin yu lka iꞌ.

1 CORINTIOS 7:3

Ndiꞌin chaꞌ tyiꞌin suꞌwe nu kiꞌyu loꞌo kwilyoꞌo, sa ñaꞌan nu ndiꞌin chaꞌ ka; kwiꞌ ngwañaꞌan nu kunaꞌan, ndiꞌin chaꞌ tyiꞌin suꞌwe loꞌo kwilyoꞌo neꞌ sa ñaꞌan nu ndiꞌin chaꞌ ka.

1 CORINTIOS 7:32

Nchka tiǎnꞌ chaꞌ ja ka xka la chaꞌ ꞌwan, loꞌo siꞌya chaꞌ kanꞌ, ja ka kuꞌni suꞌwe wan tñan. ꞌWan nu kiꞌyu nu ja ya kaja kwilyoꞌo wan, ka laja la ꞌwan chaꞌ kuꞌni wan ska loo ti tñan ꞌin Ndiose bra kanꞌ; ka kuꞌni wan sa ñaꞌan nu nchka tiꞌ Ndiose Xꞌnaan chaꞌ kuꞌnian bra kanꞌ.

1 CORINTIOS 7:34

Kwiꞌ ngwañaꞌan ꞌwan neꞌ kunaꞌan nu ndukwa ska ti ni, loꞌo ꞌwan nu kunaꞌan kuneꞌ nu ja ya kaja kwilyoꞌo wan, ka laja la ꞌwan chaꞌ kuꞌni wan ska loo ti tñan ꞌin Ndiose Xꞌnaan; loꞌo kanꞌ ka wan nten ꞌin Ndiose tyukwi ñaꞌaan ska wan, tyukwi ti tiye wan. ꞌWan nu nsuꞌwi kwilyoꞌo wan ni, wa ndiꞌin ꞌa chaꞌ nduwe tiꞌ wan chaꞌ kaja ñaꞌan nu tyijin yuꞌwi ꞌwan lo chalyuu, chaꞌ kuꞌni wan nchga chaꞌ nu suꞌwe la nchka tiꞌ kwilyoꞌo wan.

COLOSENSES 3:19

ꞌWan yu kiꞌyu, ndiꞌin ꞌa chaꞌ ka suꞌwe tiye wan ñaꞌan wan ꞌin kwilyoꞌo wan; ja kuꞌni tlá wan ꞌin kwilyoꞌo wan.

1 TIMOTEO 5:8

Ja suꞌwe ngiꞌni nten nu ja nduwe tiꞌ ꞌin taꞌa, ni siya sti, ni siya jyaꞌan, ni siya sñiꞌ; chaꞌ kwiñi nchkwiꞌ neꞌ kanꞌ bra nu nchkwiꞌ neꞌ chaꞌ wa msñi neꞌ chaꞌ ꞌin Jesucristo, loꞌo ja ñaꞌansiin neꞌ ꞌin taꞌa neꞌ; suꞌwe la ngiꞌni xka ta nten nu ja nnan ꞌa chaꞌ ꞌin Jesucristo.

1 SAN PEDRO 3:7

Kwiꞌ ngwañaꞌan ꞌwan yu kiꞌyu, suꞌwe ti tyiꞌin wan loꞌo kwilyoꞌo wan, ñaꞌansiin suꞌwe wan ꞌin kwilyoꞌo wan; ni siya kti la chinꞌ chaꞌ ꞌin neꞌ kunaꞌan, ska nka ti tyukwaa wan chaꞌ ꞌin Ndiose, chaꞌ wa nda Ni chalyuu nu ja tsaa tii ꞌa ꞌin taꞌa tyukwaa wan. Si ngwañaꞌan xkwiꞌ suꞌwe ti kuꞌni wan, suꞌwe ti tyiꞌin wan naꞌan tyi wan sikwa; bra kanꞌ ja kaja ꞌa chaꞌ kuxi nu kuꞌni tukwi ꞌwan chaꞌ chkwiꞌ wan loꞌo Ndiose.