1 CORINTIOS 7:31 - Chatino Zona Alta Occidental

³¹ ni siya ndiꞌin ꞌa chaꞌ suꞌwe ꞌwan lo chalyuu, ja tyijin wan kaꞌan ꞌa tyempu lo chaꞌ suꞌwe kanꞌ. Wa tiya ti bra nu tyii tyukwi ñaꞌaan chalyuu, kwiꞌ ngwañaꞌan nchga nan nu nsuꞌwi chalyuu ndiꞌin chaꞌ tyii ran bra kanꞌ.

1 CORINTIOS 7:31 ပူးပေါင်းရင်းမြစ်များ

SAN LUCAS 21:34

’Kiꞌya wan kwenta ꞌwan, ti ykwiꞌ ti wan, chaꞌ tiya ti tiꞌ tyiꞌin wan bra nu tiya tsan kanꞌ; si kwiji ti wan chaꞌ suꞌwe ꞌwan ya ñaꞌan ti chaꞌ ndaꞌan yuꞌwi ti wan lo kichen, chaꞌ kuꞌwi ti wan, kwiꞌ ngwañaꞌan, si nsuꞌwi tyun ꞌa chaꞌ nu nduwe ꞌa tiꞌ wan lo chalyuu, ja ka tyiꞌin wan ndii ti tiꞌ wan bra kanꞌ. Sa ñaꞌan nchka tiꞌ ska soꞌo,

1 CORINTIOS 7:29

ꞌWan taꞌa msñian chaꞌ ꞌin Jesús, nde lka chaꞌ nu chkwiǐnꞌ loꞌo wan. Chinꞌ ti bra ti tyiꞌiin lo chalyuu. Kanꞌ chaꞌ kuꞌni ndla wan seꞌen ndiꞌin wan lo chalyuu: ni siya nsuꞌwi kwilyoꞌo wan, siꞌi xkwiꞌ chaꞌ ꞌin kwilyoꞌo wan xuꞌwi tiye wan;

1 CORINTIOS 7:30

ni siya nganan wan, ja chkwiꞌ wan chaꞌ xiꞌin ꞌa tiꞌ wan; ni siya ndiꞌin styi wan, ja chkwiꞌ wan chaꞌ suꞌwe ꞌa nka tiye wan; ni siya xiꞌi wan ska yuꞌwa, ja xkeꞌ tiꞌ wan chaꞌ nan ꞌwan lka ran;

1 CORINTIOS 9:18

¿Ta ja kaja liyaꞌ ꞌñaǎn loo tñan nu ngiꞌniǐn bra kanꞌ a? Chañi chaꞌ kaja ran ꞌñaǎn, ni siya xka ñaꞌan chaꞌ suꞌwe kaja ꞌñaǎn, chaꞌ nu suꞌwe ꞌa ka tiyeěn chaꞌ nchkwiǐnꞌ chaꞌ suꞌwe ꞌin Jesús loꞌo nten. Kanꞌ chaꞌ suꞌwe ꞌa nxkeꞌ tiǎnꞌ, ni siya ja ta neꞌ liyaꞌ ꞌñaǎn. Ja nchka tiǎnꞌ jñaǎn ran ꞌwan, ni siya ndiꞌin chabiyaꞌ ꞌñaǎn, chaꞌ ngiꞌniǐn tñan ꞌin Ndiose.

HEBREOS 12:27

Bra nu ndukwin Ni “Xiyaꞌ ti”, ngwañaꞌan ka biyaꞌ tianꞌ chaꞌ ndiꞌin chaꞌ xñan Ni nchga nan nu wa ngwiñan Ni, kulo tsuꞌ Ni ꞌin nan kanꞌ bra kanꞌ. Sa kwa ti nan nu nsuꞌwi ꞌin Ndiose ykwiꞌ, kanꞌ ti nan nu kanun bra kanꞌ, chaꞌ ja ka katin ran siyaꞌ ti.

SANTIAGO 4:14

Ja ska chaꞌ jlyo tiꞌ wan siyaꞌ ti sa ñaꞌan chalyuu nu kaja ꞌwan la tyaa la wcha la. Chalyuu seꞌen ndiꞌian ni, sa ñaꞌan lka ska koo ngaten nu sa ndijin ti ndyoꞌo tukwa, ngwañaꞌan lka chalyuu re; sa bra ti ndukwi koo ngaten, kwiꞌ ngwañaꞌan bra ti ndijin yuꞌwi ran ndyaa ran.

1 SAN PEDRO 1:24

Kwiꞌ ngwañaꞌan nchkwiꞌ chaꞌ nu ndukwa lo kityi ꞌin Ndiose re: Ñaꞌan tiꞌ kixinꞌ, ngwañaꞌan lka nten chalyuu. Loꞌo nchga nan nu suꞌwe ñaꞌan nu nsuꞌwi ꞌin nten, lka ran ñaꞌan tiꞌ ska keé nu nsuꞌwi niꞌ kixinꞌ ti; nganaan kixinꞌ kanꞌ, bra kanꞌ tsaa tii keé kanꞌ, kityi ran siyaꞌ ti. Kwiꞌ ngwañaꞌan lka nten loꞌo nchga chaꞌ suꞌwe nu nsuꞌwi ꞌin neꞌ lo chalyuu, suꞌwa ti tyii chaꞌ ꞌin neꞌ loꞌo nchga chaꞌ suꞌwe ꞌin neꞌ.

1 SAN PEDRO 4:7

Wa tyii ti chaꞌ ꞌin nchga nan nu nsuꞌwi lo chalyuu; kanꞌ chaꞌ suꞌwe la si kuꞌni wan kwenta ꞌwan, ti ykwiꞌ ti wan, chaꞌ tiya ti tiꞌ tyiꞌin wan lo chalyuu chaꞌ ka kuꞌni wan chaꞌ suꞌwe, chaꞌ taꞌa ti ka chkwiꞌ wan loꞌo Ndiose.

1 SAN JUAN 2:17

Ndla ti tyii chalyuu re, ya ñaꞌan ti tyii nchga chaꞌ kuxi nu ndiya la tiꞌ nten chalyuu; loꞌo nten nu tukwa chaꞌ nu nchkwiꞌ Ndiose ni, ja tsaa tii ꞌa chalyuu ꞌin neꞌ kanꞌ siyaꞌ ti.