1 CORINTIOS 7:29 - Chatino Zona Alta Occidental

²⁹ ꞌWan taꞌa msñian chaꞌ ꞌin Jesús, nde lka chaꞌ nu chkwiǐnꞌ loꞌo wan. Chinꞌ ti bra ti tyiꞌiin lo chalyuu. Kanꞌ chaꞌ kuꞌni ndla wan seꞌen ndiꞌin wan lo chalyuu: ni siya nsuꞌwi kwilyoꞌo wan, siꞌi xkwiꞌ chaꞌ ꞌin kwilyoꞌo wan xuꞌwi tiye wan;

1 CORINTIOS 7:29 ပူးပေါင်းရင်းမြစ်များ

SAN LUCAS 14:20

Bra kanꞌ ykwiꞌ xka yu: “Tka mjwi ti kwilyoꞌoǔn, kanꞌ chaꞌ ja ka ꞌñaǎn kaǎn seꞌen ndiꞌiin ni.”

1 CORINTIOS 7:28

Ti kwiꞌ ti chaꞌ, siꞌi kiꞌya lka ni siya kaja kwilyoꞌo wan. Kwiꞌ ngwañaꞌan ska nu kunaꞌan nu ja ya kaja kwilyoꞌo ni, siꞌi kiꞌya lka ni siya kaja kwilyoꞌo kanꞌ. Sa kanꞌ ti chaꞌ nduwe tiǎnꞌ chaꞌ ꞌwan, chaꞌ ꞌin nchga nu tiꞌí nu ndiꞌin chaꞌ tyijin wan nde loo la seꞌen ndiꞌin wan lo chalyuu. Ja nchka tiǎnꞌ chaꞌ tyijin wan kaꞌan ꞌa nu tiꞌí chunꞌ chaꞌ nsuꞌwi kwilyoꞌo wan, chunꞌ chaꞌ ndiꞌin sñiꞌ wan bra kanꞌ.

1 CORINTIOS 7:30

ni siya nganan wan, ja chkwiꞌ wan chaꞌ xiꞌin ꞌa tiꞌ wan; ni siya ndiꞌin styi wan, ja chkwiꞌ wan chaꞌ suꞌwe ꞌa nka tiye wan; ni siya xiꞌi wan ska yuꞌwa, ja xkeꞌ tiꞌ wan chaꞌ nan ꞌwan lka ran;

1 CORINTIOS 7:31

ni siya ndiꞌin ꞌa chaꞌ suꞌwe ꞌwan lo chalyuu, ja tyijin wan kaꞌan ꞌa tyempu lo chaꞌ suꞌwe kanꞌ. Wa tiya ti bra nu tyii tyukwi ñaꞌaan chalyuu, kwiꞌ ngwañaꞌan nchga nan nu nsuꞌwi chalyuu ndiꞌin chaꞌ tyii ran bra kanꞌ.

1 SAN PEDRO 1:24

Kwiꞌ ngwañaꞌan nchkwiꞌ chaꞌ nu ndukwa lo kityi ꞌin Ndiose re: Ñaꞌan tiꞌ kixinꞌ, ngwañaꞌan lka nten chalyuu. Loꞌo nchga nan nu suꞌwe ñaꞌan nu nsuꞌwi ꞌin nten, lka ran ñaꞌan tiꞌ ska keé nu nsuꞌwi niꞌ kixinꞌ ti; nganaan kixinꞌ kanꞌ, bra kanꞌ tsaa tii keé kanꞌ, kityi ran siyaꞌ ti. Kwiꞌ ngwañaꞌan lka nten loꞌo nchga chaꞌ suꞌwe nu nsuꞌwi ꞌin neꞌ lo chalyuu, suꞌwa ti tyii chaꞌ ꞌin neꞌ loꞌo nchga chaꞌ suꞌwe ꞌin neꞌ.

1 SAN PEDRO 4:7

Wa tyii ti chaꞌ ꞌin nchga nan nu nsuꞌwi lo chalyuu; kanꞌ chaꞌ suꞌwe la si kuꞌni wan kwenta ꞌwan, ti ykwiꞌ ti wan, chaꞌ tiya ti tiꞌ tyiꞌin wan lo chalyuu chaꞌ ka kuꞌni wan chaꞌ suꞌwe, chaꞌ taꞌa ti ka chkwiꞌ wan loꞌo Ndiose.

1 SAN JUAN 2:17

Ndla ti tyii chalyuu re, ya ñaꞌan ti tyii nchga chaꞌ kuxi nu ndiya la tiꞌ nten chalyuu; loꞌo nten nu tukwa chaꞌ nu nchkwiꞌ Ndiose ni, ja tsaa tii ꞌa chalyuu ꞌin neꞌ kanꞌ siyaꞌ ti.