1 CORINTIOS 7:24 - Chatino Zona Alta Occidental

²⁴ ꞌWan taꞌa msñian chaꞌ ꞌin Krixtu, nde ñaꞌan ndiꞌin chaꞌ tyaꞌan chaꞌ tiye wan kwenta skaa wan, chaꞌ tyiꞌin wan lo chalyuu sa ñaꞌan nu mdiꞌin ti wan bra nu ngulo suwi Jesús ꞌwan ti kulo, loꞌo ñaꞌan ti xñi suꞌwe wan chaꞌ ꞌin Ndiose.

1 CORINTIOS 7:24 ပူးပေါင်းရင်းမြစ်များ

SAN MATEO 12:45

Bra ti tsaa kwiꞌin xiyaꞌ, tsaa naan ꞌin xa kati kwiꞌin nu xaꞌan la, chaꞌ suꞌwa ti xuꞌwi nchga kwiꞌin ꞌin nten kanꞌ, chaꞌ kaja seꞌen tyiꞌin kwiꞌin kanꞌ loꞌo nten, nchka tiꞌ kwiꞌin kanꞌ. Ka kuxi la chaꞌ ꞌin nten kanꞌ bra kanꞌ, chaꞌ kaꞌan la kwiꞌin nsuꞌwi ꞌin neꞌ bra kanꞌ. Kwiꞌ ngwañaꞌan kuxi ꞌa ka chaꞌ ꞌin nten nu ndiꞌin lo chalyuu ni, chaꞌ xaꞌan ꞌa neꞌ.

1 CORINTIOS 10:31

Suꞌwe sikwa, ni siya ku wan, ni siya koꞌo wan, ni siya kuꞌni wan ya ñaꞌan ti tñan nu ngiꞌni wan, tyuꞌwi tiꞌ wan ꞌin Ndiose tyukwi laja nu kuꞌni wan tñan kanꞌ, chaꞌ ka biyaꞌ tiꞌ nten bra kanꞌ chaꞌ suꞌwe ꞌa lka chaꞌ ꞌin Ndiose, ti kwiꞌ chaꞌ nu wa yten wan.

1 CORINTIOS 7:17

Bra nu ti ji kulo suwi Ndiose ꞌñaan, ti bra kanꞌ wa lka mda Ni chabiyaꞌ ꞌñaan sa ñaꞌan tyiꞌian kwenta skaan lo chalyuu. Ndiose lka nu mda chalyuu kanꞌ ꞌñaan ti kulo, kwiꞌ ngwañaꞌan Ndiose lka nu ngulo suwi ꞌñaan chaꞌ xñian chaꞌ ꞌin Ni. Ti kwiꞌ chalyuu kanꞌ nsuꞌwi ꞌñaan ni, sa ñaꞌan chalyuu nu mjwi ꞌñaan ti kulo; sa kanꞌ ti chaꞌ, suꞌwe la nsuꞌwi tiyean tyiꞌian lo chalyuu kanꞌ ni. Ti kwiꞌ chaꞌ re lka sa ñaꞌan nu nchkwiǐnꞌ loꞌo neꞌ nchga kichen seꞌen ndiꞌin neꞌ nu msñi chaꞌ ꞌin Krixtu.

1 CORINTIOS 7:20

Kanꞌ chaꞌ ni, ñaꞌan ti ndiꞌin chaꞌ tyiꞌian lo chalyuu, sa ñaꞌan nu mdiꞌiin tian ti bra nu ngulo suwi Ni ꞌñaan chaꞌ kaan nten ꞌin Ni.