1 CORINTIOS 7:15 - Chatino Zona Alta Occidental

¹⁵ Ska ti chaꞌ ꞌin nten nu ja xlyaa xñi chaꞌ ꞌin Jesús, si nchka tiꞌ neꞌ kulaa tiꞌin neꞌ ꞌin kwilyoꞌo neꞌ, si liyeꞌ ꞌa tiꞌ neꞌ ꞌin kwilyoꞌo neꞌ chaꞌ msñi kwilyoꞌo neꞌ chaꞌ ꞌin Jesús, bra kanꞌ ta wan chabiyaꞌ chaꞌ tyaa neꞌ nu ja msñi chaꞌ ꞌin Jesús. ꞌWan taꞌa msñian chaꞌ ꞌin Jesús ni, ni siya yu kiꞌyu, ni siya neꞌ kunaꞌan, ndiꞌin chabiyaꞌ ꞌwan chaꞌ kulaa tiꞌin wan ꞌin kwilyoꞌo ska ti si ja ka tyiꞌin tiin ti wan lo chalyuu. Wa nchka tiꞌ Ndiose chaꞌ tyiꞌiin suꞌwean lo chalyuu.

1 CORINTIOS 7:15 ပူးပေါင်းရင်းမြစ်များ

SAN MATEO 12:50

Taꞌaǎn lka nchga nten nu ngiꞌni sa ñaꞌan nu nchka tiꞌ Stiǐn Ndiose nu ndiꞌin niꞌ kwan; nten kanꞌ lka sa ñaꞌan lka jyaꞌaǎn, sa ñaꞌan lka taꞌaǎn, ni siya kiꞌyu neꞌ, ni siya kunaꞌan neꞌ.

SAN LUCAS 9:39

Ndiya tsan nxlyuu kwiꞌin ꞌin yu, ngiꞌni kwiꞌin kanꞌ chaꞌ kwen ꞌa nxiꞌya yu bra kanꞌ; nxlyuu kwiꞌin kanꞌ ꞌin yu sa ñaꞌan yaꞌ ndyoꞌo ngoꞌ tuꞌwa yu. Kuxi ꞌa ngiꞌni kwiꞌin kanꞌ loꞌo yu, chaꞌ ja xlyaa kulaa ran ꞌin yu.

ROMANOS 12:18

Tsaa naan wan ska ñaꞌan nu suꞌwe ti tyiꞌin wan loꞌo nchga nten, chaꞌ ja kaja nu xuun loꞌo wan.

ROMANOS 14:19

Suꞌwe sikwa. Taꞌaan ndiꞌin chaꞌ tsaa naan ñaꞌan nu tyiꞌin suꞌwean loꞌo taꞌa nten nan, ñaꞌan nu ka tayaanꞌ ꞌin taꞌa ntean, chaꞌ suꞌwe tyiꞌian loꞌo Krixtu;

1 CORINTIOS 14:33

Nchka tiꞌ Ni chaꞌ suꞌwe ti kuꞌnian loꞌo taꞌaan bra nu tyoꞌ tiꞌian; ja suꞌwe nka tiye Ni si mxtiyaaꞌ ꞌa ñaꞌan ngiꞌnian, si kwen ꞌa nxiꞌyaan ndiꞌian. Nde ndukwa tñan nu ngiꞌni nchga neꞌ taꞌa msñian chaꞌ ꞌin Jesús nchga kichen, bra nu tyoꞌ tiꞌin neꞌ.

2 CORINTIOS 13:11

ꞌWan taꞌa msñian chaꞌ ꞌin Jesucristo, nslaǎnꞌ loꞌo wan ni, xa wa tyii ti kwaꞌaǎn kityi re. Kuꞌni ji wan sa ñaꞌan nu ndiꞌin chaꞌ kuꞌni wan chaꞌ lka wan nten ꞌin Ndiose. Kunan suꞌwe wan nchga chaꞌ nu nchkwiǐnꞌ lo kityi re. Ka suꞌwa ka tiye wan loꞌo xka ta taꞌa nten wan. Suꞌwe ti tyiꞌin wan loꞌo nchga nten. Loꞌo bra kanꞌ ti kwiꞌ Ndiose, tyiꞌin Ni loꞌo wan nchga tsan; suꞌwe ꞌa ka tiye Ni ñaꞌan Ni ꞌñaan, kwiꞌ ngiꞌni Ni chaꞌ tiin ti tyiꞌian niꞌ kasiya ꞌñaan.

GÁLATAS 5:22

Loꞌo xka ñaꞌan ngiꞌni Tyiꞌi Ndiose niꞌ kasiya ꞌñaan xa nu ndyaa ñaꞌan tianꞌ ꞌin Jesús: ngiꞌni Ni chaꞌ nchka tꞌnan tianꞌ ꞌin taꞌa ntean; kwiꞌ ngiꞌni Ni chaꞌ nka suꞌwe ka tiyean chaꞌ ꞌin Ni, ngiꞌni Ni chaꞌ tiin ti tyiꞌian, ngiꞌni Ni chaꞌ taloan ꞌin taꞌa ntean; ngiꞌni Ni chaꞌ ka suꞌwean loꞌo taꞌa ntean, chaꞌ tyiꞌin ñi neꞌ loꞌo taꞌa nten neꞌ;

HEBREOS 12:14

Lye kuꞌni wan tñan chaꞌ suꞌwe ti tyiꞌin wan loꞌo nchga nten; kuꞌni luwi wan kasiya ꞌwan, chaꞌ nu ja ta Ndiose chabiyaꞌ ñaꞌaan ꞌin Ni si ti ji ka luwi kasiya ꞌñaan.

SANTIAGO 2:15

Ja chan ndiya neꞌ taꞌa ndyoꞌ tiꞌin wan nu lyiji ꞌa steꞌ neꞌ, nu lyiji ꞌa nan ku neꞌ, ni siya yu kiꞌyu, ni siya neꞌ kunaꞌan.