1 CORINTIOS 7:14 - Chatino Zona Alta Occidental

¹⁴ Ndukwa Ndiose chaꞌ nu nchkwiꞌ nu kunaꞌan kanꞌ loꞌo Ni chaꞌ ꞌin kwilyoꞌo, suꞌwe chaꞌ kanꞌ chaꞌ ꞌin Ndiose chaꞌ lka neꞌ kwilyoꞌo. Kwiꞌ ngwañaꞌan nu kunaꞌan nu ti ji xñi chaꞌ ꞌin Jesús, taꞌa chaꞌ nu wa msñi kwilyoꞌo, ndukwa Ndiose chaꞌ nu nchkwiꞌ nu kiꞌyu kanꞌ loꞌo Ndiose chaꞌ ꞌin kwilyoꞌo; suꞌwe chaꞌ kanꞌ chaꞌ ꞌin Ni chaꞌ lka neꞌ kwilyoꞌo. Ndiꞌin chaꞌ ka ngwañaꞌan chaꞌ ꞌin nu xuwe sñiꞌ wan. Ja lka nu xuwe kanꞌ sa ñaꞌan nu lka sñiꞌ xka ta nten nu ja ndukwa chaꞌ ꞌin Ndiose siyaꞌ ti, chaꞌ nsñi Ni kwenta ꞌin nu xuwe kanꞌ chaꞌ ꞌwan.

1 CORINTIOS 7:14 ပူးပေါင်းရင်းမြစ်များ

LOS HECHOS 10:23

―Tyan wan ñaꞌan ―ndukwin Tyu ꞌin neꞌ―. Ndiya seꞌen kajaꞌ wan nde re. La tyaa tsaan nde kwa. Ngwiꞌya xaa xka tsan, bra kanꞌ mdoꞌo neꞌ kichen Jope ndyaa neꞌ bra kanꞌ. Loꞌo tukwa snan nten ꞌin Jesucristo nu taꞌa kichen tyi Simón ndyaa loꞌo neꞌ kanꞌ.

ROMANOS 11:16

Wa lka neꞌ judío ñaꞌan tiꞌ jaxlya nu mdyaꞌ kulo ndukwa la, nu nda neꞌ ꞌin sti joꞌo chaꞌ ka lomstan ꞌin Ndiose. Nda neꞌ nan, chaꞌ ka ran nan ꞌin Ndiose, chaꞌ kwiꞌ ngwañaꞌan ka ñaꞌaan skwan tlyu ꞌin jaxlya kanꞌ nan ꞌin Ndiose. Loꞌo ka chkwianꞌ chaꞌ lka neꞌ judío sa ñaꞌan lka ska yka nu wa mda neꞌ chaꞌ ka ꞌin Ndiose; bra nu ka yka kanꞌ nan ꞌin Ndiose, loꞌo nchga stanꞌ yka nu kaluu chunꞌ ndiꞌin la ka nan ꞌin Ndiose. Ngwañaꞌan ndyoꞌo taꞌa tyukwaa chaꞌ kanꞌ, chaꞌ sa ñaꞌan nu ngwa ayman Abraham nten ꞌin Ndiose kulo ndukwa la, kwiꞌ ngwañaꞌan nchga nten chalyuu ka nten ꞌin Ndiose chunꞌ ndiꞌin la.

1 CORINTIOS 7:13

Ti kwiꞌ ti chaꞌ chkwiǐnꞌ loꞌo wan neꞌ kunaꞌan taꞌaan nu nsuꞌwi kwilyoꞌo nu ja ya xñi chaꞌ ꞌin Jesús, taꞌa chaꞌ nu msñi wan: ja suꞌwe kulaa tiꞌin wan ꞌin kwilyoꞌo wan si ndiꞌin suꞌwe yu loꞌo wan.

1 TIMOTEO 4:5

Ngwañaꞌan chkwianꞌ loꞌo Ndiose chaꞌ wa nda Ni nchga nan nu suꞌwe chaꞌ kuan; lkwaan ꞌin nchga nan nchkuan bra kanꞌ, chaꞌ chabiyaꞌ ꞌin Ndiose kuan ꞌin ran.

TITO 1:15

Luwi ꞌa nchga loo nan, lka chaꞌ nu ndaꞌan tiye nchga nten nu luwi kasiya ꞌin tloo Ndiose; loꞌo nten nu kuxi kasiya ꞌin, ja ska nan luwi ndiya lo chalyuu, nxkeꞌ tiꞌ neꞌ, chunꞌ ja ndyaa ñaꞌan tiꞌ neꞌ chaꞌ nu ñi ꞌin Ndiose. Ngiꞌni neꞌ kanꞌ chaꞌ kuxi, loꞌo ja ndiꞌya yu kwenta chaꞌ kuxi ran, chunꞌ ndiꞌin ꞌa chaꞌ kuxi niꞌ kasiya ꞌin neꞌ.