Mxkwen Jesús ꞌin neꞌ bra kanꞌ: ―Wa mda Ndiose chabiyaꞌ ꞌwan chaꞌ ka biyaꞌ tiꞌ wan ska chaꞌ nu yuꞌwi kutsiꞌ ꞌin ayman sꞌni, sa ñaꞌan ka xa nu ka Ndiose ndloo la niꞌ kasiya ꞌin nten. Nten nu ja msñi chaꞌ ꞌin Ndiose ni, ja kiꞌya neꞌ kwenta bra nu kunan neꞌ ska chaꞌ nu nchkwiǐnꞌ; tukwi ꞌa chaꞌ kanꞌ, xkeꞌ tiꞌ neꞌ.
1 CORINTIOS 2:10 - Chatino Zona Alta Occidental10 Loꞌo nan ni, taꞌa msñian chaꞌ ꞌin Krixtu, wa ngwaꞌu Ni ꞌñaan sa ñaꞌan ka chaꞌ suꞌwe kanꞌ loꞌo Tyiꞌi Ndiose nu wa nda Ni chaꞌ kanun niꞌ kasiya ꞌñaan. Wa ytsaꞌ suꞌwe Tyiꞌi Ndiose ꞌñaan nchga chaꞌ nu nka tiye Ndiose chaꞌ kuꞌni Ni lo chalyuu, ni siya tukwi ꞌa chaꞌ kanꞌ. အခန်းကိုကြည့်ပါ။ |
1 CORINTIOS 2:10
27 ပူးပေါင်းရင်းမြစ်များ
Ska bra ti kanꞌ suꞌwe ꞌa yuꞌwi tiye Jesús chaꞌ ndiꞌin Tyiꞌi Ndiose loꞌo yu. Kanꞌ chaꞌ ykwiꞌ Jesús loꞌo Ndiose Sti yu bra kanꞌ: ―Stiǐn, kuꞌni tnuǔn ꞌin nuꞌwin ni. Nuꞌwin lkaa Ndiose nu lka ndloo la ti nde niꞌ kwan, ngwañaꞌan nuꞌwin lkaa ndloo la lo chalyuu. Wa yuꞌwi kutsiꞌ ti chaꞌ kanꞌ, chaꞌ ꞌin nten nu ngwa ti sꞌni la, chaꞌ ja ngwa biyaꞌ tiꞌ siyaꞌ ti nten nu ngwa ꞌa ꞌin chaꞌ joꞌo; ngwa xuꞌwe ꞌiin chaꞌ sa bra ni, wa ngwaꞌuu suꞌwe chaꞌ kanꞌ ꞌin nten nu ja siyeꞌ, nten nu ja jlyo suꞌwe tiꞌ. Ngiꞌni tnuǔn ꞌiin chaꞌ ngwañaꞌan ngwa tiiꞌ chaꞌ ka ―ndukwin Jesús ꞌin Ndiose.
Bra nu kan Tyiꞌi Ndiose, ti kwiꞌ nu tyoꞌo nde seꞌen ndiꞌin Ndiose, bra kanꞌ kwaꞌu Ni kanꞌ nchga chaꞌ nu ñi ꞌwan; chkwiꞌ ñi Ni nchga chaꞌ ꞌñaǎn loꞌo wan bra kanꞌ ―ndukwin Jesús―. Ja chkwiꞌ Ni kanꞌ chabiyaꞌ ꞌin Ni, ti ykwiꞌ ti Ni; sa ñaꞌan chaꞌ nu wa ynan Ni nde seꞌen ndiꞌin Ndiose, kanꞌ lka chaꞌ nu chkwiꞌ Ni loꞌo wan ―ndukwin Jesús―. Loꞌo katsaꞌ Ni ꞌwan nchga chaꞌ nu ka ꞌñaǎn nde loo la bra kanꞌ.
Wa ytsaꞌ Ni ꞌñaǎn sa ñaꞌan nu nchka tiꞌ Ni chaꞌ kuꞌni Ni lo chalyuu. Ni siya ja ytsaꞌ Ni ꞌin nten sꞌni sa ñaꞌan nan kuꞌni Ni lo chalyuu, sa la ni wa ytsaꞌ Ni chaꞌ kanꞌ ꞌñaǎn, ti kwiꞌ chaꞌ nu ndukwa lo kityi ti sꞌni, chaꞌ ka chalyuu ni, kanꞌ lka chaꞌ nu ndaꞌaǎn lo kityi re chaꞌ tsaa seꞌen ndiꞌin wan.
Loꞌo Tyiꞌi Ndiose nchka biyaꞌ tianꞌ sa ñaꞌan ka chaꞌ tyempu nde loo la, chaꞌ ndiya nten nu wa msñi tuwiin ꞌin Jesucristo ti kulo, loꞌo chunꞌ ndiꞌin la tyoꞌo tsuꞌ neꞌ kanꞌ tuwiin ꞌin nu nka Xꞌnaan. Kulaa yaꞌ neꞌ kanꞌ ꞌin Ndiose bra kanꞌ, chaꞌ kwiñilyoꞌo kwiꞌin kuxi ꞌin neꞌ, ti kwiꞌ kwiꞌin kuxi nu ngiꞌni tñan chabiyaꞌ ꞌin kuneꞌ xaꞌan; tyijin lyo kwiꞌin kuxi kanꞌ ꞌin neꞌ kanꞌ bra kanꞌ.
Loꞌo ja ngwa biyaꞌ tiꞌ neꞌ bra kanꞌ; ska ti chaꞌ ykwiꞌ Ndiose loꞌo neꞌ, chaꞌ siꞌi ykwiꞌ neꞌ nu ndiꞌin chaꞌ ka biyaꞌ suꞌwe tiꞌ neꞌ sa ñaꞌan ka chaꞌ kanꞌ nu ndyaa nde loo la. ꞌWan ni, nu ndijyan chalyuu chunꞌ ndiꞌin la ꞌin ayman kanꞌ, nchka biyaꞌ tiꞌ wan ni, chaꞌ wa ynan wan nchga chaꞌ tnun nu yꞌni Jesucristo. Wa ytsaꞌ ñi ba chaꞌ kanꞌ ꞌwan; chabiyaꞌ ꞌin Tyiꞌi Ndiose ngwaꞌu ba chaꞌ kanꞌ ꞌwan, chaꞌ wa nda Ndiose Tyiꞌi ykwiꞌ Ni mdiyan niꞌ kasiya ꞌwa lo chalyuu re. Kwiꞌ ngwañaꞌan nchga angajle nu ndiꞌin seꞌen ndiꞌin Ndiose, nchka ꞌa tiꞌ ka biyaꞌ tiꞌ sa ñaꞌan ngwa nchga chaꞌ ꞌin Krixtu xa nu yan Ni lo chalyuu.
ꞌWan ni, wa nganun Tyiꞌi Ndiose niꞌ kasiya ꞌwan, kanꞌ chaꞌ ja ndiꞌin chaꞌ kwaꞌu xka ta nten ꞌwan; Tyiꞌi Ndiose, kanꞌ lka nu kwaꞌu ꞌwan nchga chaꞌ nu ti ji kuꞌni xaꞌan wan chaꞌ ꞌin Ni. Bra nu nduꞌu Tyiꞌi Ndiose ꞌwan, ñi ꞌa lka chaꞌ kanꞌ; siꞌi chaꞌ kwiñi nduꞌu Ni. Kanꞌ chaꞌ sikwa, sa ñaꞌan nu nduꞌu Tyiꞌi Ndiose ꞌwan chaꞌ xñi wan chaꞌ ꞌin Jesús, kwiꞌ ngwañaꞌan ndiꞌin chaꞌ kuꞌni wan.
Nde ndaꞌaǎn ska chaꞌ nu ngwaꞌu Jesucristo ꞌñaǎn. Xuwa lkaǎn. Ska chaꞌ nu ngwa kutsiꞌ ti nu ngwa ti sꞌni lka chaꞌ nu ndaꞌaǎn re. Ti kulo ytsaꞌ Ndiose chaꞌ kanꞌ ꞌin Jesús, chaꞌ kwaꞌu Ni ꞌin nten ꞌin Ni sa ñaꞌan chaꞌ tnun nu wa ndijyan chaꞌ ka lo chalyuu re bra kanꞌ. Loꞌo Jesús, wa ytsaꞌ Ni chaꞌ kanꞌ ꞌñaǎn bra nu msuꞌwa Ni ska angajle ꞌin Ni nu mdoꞌo nde niꞌ kwan yan lo chalyuu seꞌen ndiꞌiǐn re, chunꞌ ngiꞌniǐn tñan ꞌin Ni.
“Chkwiǐnꞌ la chinꞌ loꞌo wan taꞌa msñi wan chaꞌ ꞌñaǎn, nu nganun wan nde Tiatira, ꞌwan nu ja msñi wan chaꞌ kuxi nu nduꞌu nu kunaꞌan kuxi kwa. Ja jlyo tiꞌ wan kuꞌni wan chaꞌ kuxi nu nchkwiꞌ neꞌ kanꞌ, chaꞌ ska chaꞌ tukwi ꞌa nu ndiꞌin ꞌin Satanás lka chaꞌ kuxi kanꞌ. Suꞌwe ꞌa ngiꞌni wan sikwa. Ja taǎn xka tñan nu kuꞌni wan” ndukwin Ni,
ကြော်ငြာတွေ