1 CORINTIOS 16:20 - Chatino Zona Alta Occidental

²⁰ Nchga neꞌ taꞌa msñian chaꞌ ꞌin Jesús, nchka tiꞌ neꞌ chkwiꞌ suꞌwe neꞌ loꞌo wan; tyukwi ti tiye wan xñi wan siꞌ taꞌa wan chabiyaꞌ ꞌin Krixtu.

1 CORINTIOS 16:20 ပူးပေါင်းရင်းမြစ်များ

SAN MATEO 5:47

Bra nu chkwiꞌ suꞌwe wan ska ti loꞌo taꞌa suꞌwe nsuꞌwi wan, ja suꞌwe kanꞌ, chaꞌ kwiꞌ ngwañaꞌan ngiꞌni nchga nten; loꞌo nten nu ja ndiꞌin chaꞌ ꞌin loꞌo Ndiose, loꞌo nten kanꞌ nchkwiꞌ suꞌwe loꞌo taꞌa suꞌwe ndiꞌin neꞌ. Ti kaꞌan la chaꞌ suꞌwe kuꞌni wan, nchka tiꞌ Ndiose.

ROMANOS 16:16

Bra nu chkwiꞌ wan loꞌo taꞌa wan, tyukwi ti tiye wan xñi siꞌ taꞌa wan chabiyaꞌ ꞌin Krixtu. Nchga ta nten nu ndiꞌin chaꞌ ꞌin loꞌo Krixtu nde re, nchka tiꞌ neꞌ ta neꞌ kasiya ꞌin wan.

ROMANOS 16:21

Loꞌo Timu taꞌa ndaꞌaǎn tñan, loꞌo Lucio, loꞌo Jasón, loꞌo Sosípater neꞌ taꞌa kichen tyiǐn, nchka tiꞌ neꞌ ta neꞌ kasiya ꞌwan.

ROMANOS 16:23

Loꞌo Gayu nchkwiꞌ yu loꞌoǔn chaꞌ chkwiǐnꞌ loꞌo wan chaꞌ ꞌin yu; kwiꞌ naꞌan tyi yu nda yu chaꞌ ndiꞌiǐn, loꞌo nda yu naꞌan tyi yu chaꞌ ndyoꞌ tiꞌin nchga neꞌ re nu ndiꞌin chaꞌ ꞌin loꞌo Krixtu. Bra kanꞌ loꞌo Rastu nu nka ndloo ꞌin tñi kichen re, nchka tiꞌ yu ta yu kasiya ꞌwan; ti kwiꞌ ti chaꞌ nchka tiꞌ Cuarto, yu taꞌaǎn.

FILIPENSES 4:22

Loꞌo nchga neꞌ nu msñi chaꞌ ꞌin Ndiose kichen re, loꞌo neꞌ nu ndiꞌin ngiꞌni tñan niꞌ ñaꞌan tlyu chaꞌ ꞌin xꞌnaan nu nka ndloo la nu nka emperador, nchka ꞌa tiꞌ neꞌ chkwiꞌ neꞌ suꞌwe loꞌo wan.

1 TESALONICENSES 5:26

Nchga tsan chkwiꞌ suꞌwe wan loꞌo taꞌa wan.

HEBREOS 13:24

Ta wan kasiya ꞌñaǎn ꞌin nchga neꞌ nu nka ndloo ꞌwan chaꞌ ꞌin Ndiose, kwiꞌ ngwañaꞌan ta wan kasiya ꞌñaǎn ꞌin nchga neꞌ taꞌa wan nu msñi chaꞌ ꞌin Ndiose. Nchga neꞌ nu ndiꞌin chaꞌ ꞌin loꞌo Ndiose nu ndiꞌin nde Italia re, loꞌo neꞌ kanꞌ nchka tiꞌ neꞌ ta neꞌ kasiya ꞌwan.

1 SAN PEDRO 5:14

Chkwiꞌ suꞌwe wan loꞌo nchga taꞌa wan; xñi wan ynin taꞌa wan tyukwi ti tiye wan, chaꞌ chañi suꞌwe ꞌa nka tiyean ñaꞌaan ꞌin taꞌaan. Ti kwiꞌ Ni kuꞌni Ni chaꞌ tiin ti tyiꞌin kasiya ꞌin nchga wan nu ndiꞌin chaꞌ ꞌwan loꞌo Krixtu.