1 CORINTIOS 15:7 - Chatino Zona Alta Occidental

⁷ Loꞌo bra kanꞌ ngwaꞌu tloo Jesús ꞌin Santiago, loꞌo taꞌa nten nu ndaꞌan nchkwiꞌ chaꞌ ꞌin Jesús loꞌo nten tijyuꞌ la.

1 CORINTIOS 15:7 ပူးပေါင်းရင်းမြစ်များ

SAN LUCAS 24:33

Bra kanꞌ chinꞌ ti bra ngunun neꞌ, bra ti msñi neꞌ tuwiin ndyaan neꞌ nde Jerusalén xiyaꞌ. Bra kanꞌ ngala neꞌ nde seꞌen ndyoꞌ tiꞌin taꞌa tii xka neꞌ nu yꞌni xaꞌan chaꞌ ꞌin Jesús kanꞌ, loꞌo chinꞌ xka ta taꞌa ndaꞌan neꞌ ndiꞌin neꞌ kanꞌ.

SAN LUCAS 24:36

Ti nchkwiꞌ ti neꞌ chaꞌ kanꞌ loꞌo taꞌa neꞌ, loꞌo bra kanꞌ mdiyan ykwiꞌ Jesús. Mdyituun yu jluꞌwe la seꞌen ndiꞌin neꞌ chaꞌ chkwiꞌ yu loꞌo neꞌ: ―Tiin ti tyiꞌin kasiya ꞌwan ―ndukwin yu ꞌin neꞌ kanꞌ bra kanꞌ.

SAN LUCAS 24:50

Bra kanꞌ mdoꞌo Jesús kichen Jerusalén kanꞌ, ndyaa loꞌo Ni ꞌin neꞌ nde tuꞌwa kichen Betania kanꞌ. Nde kanꞌ mskwen Jesús yaꞌ chaꞌ lkwan Ni ꞌin neꞌ.

LOS HECHOS 12:17

Yꞌni yaꞌ yu ꞌin neꞌ bra kanꞌ, chaꞌ tiin ti tyuun neꞌ. Ytsaꞌ yu ꞌin neꞌ sa ñaꞌan ngwa chaꞌ ngulo Xꞌnaan Ndiose ꞌin yu niꞌ ñaꞌan chkwan bra kanꞌ. ―Chkwiꞌ wan loꞌo Santiago loꞌo nchga neꞌ taꞌa ndaꞌaan ―ndukwin Tyu ꞌin neꞌ―, katsaꞌ wan ꞌin neꞌ ni ñaꞌan tñan yꞌni Ndiose loꞌoǔn chaꞌ ngulo Ni ꞌñaǎn niꞌ ñaꞌan chkwan. Mdoꞌo yu ndyaa yu xka seꞌen bra kanꞌ.