1 CORINTIOS 15:34 - Chatino Zona Alta Occidental

³⁴ Ndiꞌin chaꞌ kulaa yaꞌ wan chaꞌ kuxi nu ngiꞌni wan, chaꞌ tyisnan wan tyaꞌan chaꞌ suꞌwe tiye wan bra kanꞌ, chaꞌ suꞌwe ti kuꞌni wan loꞌo taꞌa nten wan. Wa jlyo tiǎnꞌ chaꞌ ndiya chinꞌ taꞌa wan nu ja ya ka biyaꞌ suꞌwe tiꞌ chaꞌ ꞌin Ndiose, kanꞌ chaꞌ nchkwiǐnꞌ loꞌo wan ngwañaꞌan chaꞌ ka jyuꞌu tiꞌ wan.

1 CORINTIOS 15:34 ပူးပေါင်းရင်းမြစ်များ

SAN MATEO 22:29

Mxkwen Jesús ꞌin neꞌ kanꞌ bra kanꞌ: ―Ja ska chaꞌ jlyo tiꞌ wan, ja ya ka biyaꞌ tiꞌ wan chaꞌ nu nchkwiꞌ kityi ꞌin Ndiose; ja nchka biyaꞌ tiꞌ wan chaꞌ nchka ꞌa ꞌin Ndiose kuꞌni Ni nchga chaꞌ tnun nu nchka tiꞌ Ni.

SAN JUAN 5:14

Xa wa msiin la, xiyaꞌ mdukwa taꞌa Jesús loꞌo nu ngwa tiꞌí kanꞌ bra nu mdaꞌan yu niꞌ lyaa. Ykwiꞌ Jesús loꞌo yu bra kanꞌ: ―Wa nchkaa ni ―ndukwin ꞌin yu―, kanꞌ chaꞌ kulaa yaꞌ chaꞌ kuxi kwa ꞌiin chaꞌ ja tyukwa ꞌaa xka chaꞌ tnun la.

SAN JUAN 8:11

―Ja tukwin nduun nu mstya kiꞌya ꞌñaǎn, neꞌ kula ―ndukwin nu kunaꞌan kanꞌ. ―Suꞌwe sikwa ―ndukwin Jesús ꞌin nu kunaꞌan kanꞌ―. Ngwañaꞌan naꞌ, ja ndiꞌin kiꞌya nu xtyaǎn ꞌiin. Tyaa lyaa ni ―ndukwin―, ja kuꞌnii ꞌaa ngwañaꞌan xiyaꞌ.]

LOS HECHOS 26:8

¿Ni chaꞌ ndiꞌin nten taꞌa wan re nu ja ndyaa ñaꞌan tiꞌ chaꞌ ka ꞌin Ndiose kuꞌni Ni chaꞌ tyuꞌu ayman xiyaꞌ? ―ndukwin Palyu―.

ROMANOS 1:28

Ngwañaꞌan ndiꞌin chaꞌ ꞌin nten chalyuu, chaꞌ ja nchka tiꞌ neꞌ xuꞌwi lyo neꞌ ꞌin Ndiose; kanꞌ chaꞌ ngulaa yaꞌ Ndiose ꞌin neꞌ chaꞌ kuꞌni neꞌ chaꞌ xaꞌan kanꞌ, nda Ni chinꞌ tyempu ꞌin neꞌ chaꞌ kuꞌni neꞌ ñaꞌaan chaꞌ kuxi nu nchka tiꞌ neꞌ kuꞌni neꞌ.

ROMANOS 13:11

Tyaa yuꞌwi tiꞌ wan nchga chaꞌ kanꞌ. Wa jlyo tiꞌ wan chaꞌ wa ndiya bra nu tsaa naan ꞌin Ndiose; kanꞌ chaꞌ ni, xaa tiꞌ wan sikwa, chaꞌ ndii ti tiꞌ wan tyiꞌin wan lo chalyuu. Wa kan ti ykwiꞌ Jesús xiyaꞌ chaꞌ kulaa ji Ni ꞌñaan ꞌin nchga chaꞌ xaꞌan. Bra nu tka msñian chaꞌ ꞌin Jesús ti kulo, bra kanꞌ mskeꞌ tianꞌ chaꞌ ti ji ꞌa tiya tsan kanꞌ bra nu kan Jesús xiyaꞌ; loꞌo ni, wa ndla ti tiya tsan kanꞌ.

1 CORINTIOS 4:14

Chaꞌ nu ndaꞌaǎn kityi re, ja nchka tiǎnꞌ chaꞌ ka jyuꞌu tiꞌ wan; sa kanꞌ ti chaꞌ nchka tiǎnꞌ chaꞌ ja kuꞌni siyeꞌ ꞌa wan loꞌo ba. Ndiya ꞌa tiǎnꞌ ꞌwan, sa ñaꞌan si lka wan sñiěnꞌ.

1 CORINTIOS 6:5

Nchkwiǐnꞌ chaꞌ re chaꞌ ka jyuꞌu tiꞌ wan tloo Ndiose. ¿Ta ja ndiya ska nten taꞌa wan nu ka ꞌin kuꞌni biyaꞌ chaꞌ ꞌwan loꞌo taꞌa wan a?

1 CORINTIOS 8:7

Loꞌo siꞌi nchga nten nchka biyaꞌ tiꞌ chaꞌ kanꞌ. Ndiya neꞌ taꞌa msñian chaꞌ ꞌin Jesús nu ja nchka ku ska nan nu wa mdukwa tloo joꞌo ti kulo. Ti sꞌni, wa ndyaꞌan ꞌa tiꞌ neꞌ kanꞌ ꞌin joꞌo kanꞌ; loꞌo ni, ñaꞌan ti nsuꞌwi tiꞌ neꞌ kanꞌ chaꞌ nan nchku joꞌo lka nan nu wa ku ti neꞌ kanꞌ. Kanꞌ chaꞌ ja ndalo neꞌ kanꞌ siyaꞌ ti chaꞌ ku neꞌ kunaꞌ nu ngwa lomstan kanꞌ; chaꞌ kuxi lka ran chaꞌ ꞌin neꞌ kanꞌ.

EFESIOS 5:14

Kanꞌ chaꞌ nchkwiꞌ kityi kula chaꞌ re: Xaa tiꞌ wan, chaꞌ ñaꞌan tiꞌ si lajaꞌ wan, ñaꞌan tiꞌ si ngujwi wan, ngwañaꞌan ngiꞌni wan siꞌya kiꞌya nu ndiꞌin ꞌwan. Ja xuꞌwi ꞌa chaꞌ ꞌwan loꞌo chaꞌ kuxi, chaꞌ bra kanꞌ ta Krixtu xaa nu xuꞌwi niꞌ kasiya ꞌwan. Ngwañaꞌan nchkwiꞌ kityi kanꞌ.

1 TESALONICENSES 4:5

chaꞌ ja nchka tiꞌ Ndiose chaꞌ kuꞌni wan chaꞌ chen ñaꞌan loꞌo kwilyoꞌo wan, sa ñaꞌan nu ngiꞌni nten nu ja ya kunan chaꞌ ꞌin Ndiose siyaꞌ ti.