1 CORINTIOS 15:31 - Chatino Zona Alta Occidental

³¹ Loꞌoǔn, nchga tsan wa kajaǎn tiǎn lo tñan ꞌin Krixtu; ja taloǔn ꞌaǎn kuꞌniǐn tñan kanꞌ si ja ndyuꞌu Jesús xiyaꞌ. Loꞌo ni, suꞌwe ꞌa nka tiyeěn chaꞌ msñi wan chaꞌ ꞌin Xꞌnaan Jesucristo, tyun ꞌa ꞌwan neꞌ Corinto.

1 CORINTIOS 15:31 ပူးပေါင်းရင်းမြစ်များ

LOS HECHOS 20:23

Sa kanꞌ ti chaꞌ jlyo tiǎnꞌ, chaꞌ nchga kichen seꞌen ndaꞌaǎn nchkwiꞌ neꞌ chaꞌ xñi nten xaꞌan ꞌñaǎn, chaꞌ suꞌwa neꞌ ꞌñaǎn niꞌ ñaꞌan chkwan; nchkwiꞌ neꞌ chaꞌ lye ꞌa tyijiǐn nu tiꞌí nde kichen Jerusalén kanꞌ. Sa kwa ti chaꞌ jlyo tiǎnꞌ, chaꞌ ngwañaꞌan lka chaꞌ nu ytsaꞌ Tyiꞌi Ndiose ꞌñaǎn.

ROMANOS 8:36

Nde ndiya ska chaꞌ nu ndukwa lo kityi ꞌin Ndiose: Chunꞌ nu ytean chaꞌ ꞌin Ndiose, nchga bra ndujwi neꞌ ꞌñaan. Ngiꞌni neꞌ loꞌoan sa ñaꞌan si lkaan slyaꞌ, ti kwiꞌ slyaꞌ nu ndaꞌan loꞌo nten ꞌin iꞌ seꞌen ndiꞌin nu ndujwi ꞌin iꞌ.

2 CORINTIOS 1:12

Suꞌwe ꞌa nka tiye ba chaꞌ tyukwi ti tiye ba ndiꞌin chaꞌ ꞌwa loꞌo wan, nchkwiꞌ ba xkwiꞌ chaꞌ nu ñi loꞌo wan, ti kwiꞌ sa ñaꞌan nu ngiꞌni ba loꞌo xka ta nten; ngwañaꞌan nka tiye ba. Nchka ꞌwa ngiꞌni ba ngwañaꞌan loꞌo wan chunꞌ lye ꞌa nchka tꞌnan tiꞌ Ndiose ꞌñaan xuꞌwe ti; loꞌo ja ngiꞌni ba ngwañaꞌan chunꞌ chaꞌ nu ngwiꞌya ke ti ba ti ykwiꞌ ti ba.

2 CORINTIOS 11:23

Ndukwin neꞌ kanꞌ, chaꞌ tñan ꞌin Krixtu ngiꞌni neꞌ; ti kwiꞌ tñan kanꞌ ngiꞌniǐn. Ni siya ja nsuꞌwi ꞌa chaꞌ tiya ꞌñaǎn chaꞌ chkwiǐnꞌ ngwañaꞌan, suꞌwe la tñan ngiꞌniǐn ke tñan nu ngiꞌni neꞌ kanꞌ; lye la yꞌniǐn tñan, taꞌa ti msuꞌwa neꞌ ꞌñaǎn niꞌ ñaꞌan chkwan, tyun yaꞌ wa mjiꞌin neꞌ ꞌñaǎn loꞌo kijin, taꞌa ti nchka chaꞌ wa kajaǎn tiǎn chaꞌ ꞌin Krixtu.

2 CORINTIOS 2:14

Lye ꞌa tyaan xuꞌwe ꞌin Ndiose chaꞌ ska ti chaꞌ ꞌñaan loꞌo Krixtu. Sa ñaꞌan lka si ndaꞌaan loꞌo Ndiose tuwiin sa tlyu ti chaꞌ ngiꞌniin tnuan ꞌin Jesucristo, chaꞌ wa mdijin lyo yu ꞌin nu kuxi. Ngwañaꞌan loꞌo ꞌñaan ta Ni seꞌen tyaꞌaan laja nten kanꞌ, chaꞌ loꞌoan nchkwianꞌ chaꞌ ꞌin Krixtu seꞌen ndiꞌin neꞌ nchga kichen; ngitsaanꞌ chaꞌ ꞌin Ndiose seꞌen ndiꞌin nten, ni siya nchkwianꞌ loꞌo nten nu nchka ꞌa tiꞌ tyoꞌo laa ꞌin chaꞌ kuxi, ni siya nchkwianꞌ loꞌo xka ta nten nu ja nchka tiꞌ kunan chaꞌ suꞌwe kanꞌ. Ñaꞌan tiꞌ ska nan nu xi tyiꞌi nu ndyukwa ꞌa tyiꞌi nchga seꞌen, kwiꞌ ngwañaꞌan lka tñan nu ngiꞌnian chabiyaꞌ ꞌin Ndiose. Ndiya ꞌa tiꞌ Ndiose ꞌin ran, kwiꞌ ngwañaꞌan ndiya tiꞌ Ni tñan nu ngiꞌni Krixtu lo chalyuu loꞌoan.

FILIPENSES 3:3

Nan ni, chañi lka chaꞌ nkwan Ndiose ꞌñaan, ni siya xka ñaꞌan nchkwiꞌ neꞌ kanꞌ. Ngiꞌni tnuan ꞌin Ndiose chabiyaꞌ ꞌin Tyiꞌi Ni; suꞌwe ꞌa nka tiyean ndiꞌian lo chalyuu ni, xa wa mjwi chalyuu kwi ꞌñaan nu nda Jesucristo, loꞌo ja ndyaa ñaꞌan tianꞌ xka la chaꞌ nu ndatsaa ꞌa ꞌin nten chalyuu taꞌaan.

1 TESALONICENSES 2:19

Suꞌwe ꞌa nka tiye ba chaꞌ ꞌwan, chaꞌ loꞌo wan ndiꞌin chaꞌ tyuun wan loꞌo ba tloo Jesucristo nu nka Xꞌnaan bra nu kan Jesús lo chalyuu xiyaꞌ. Bra kanꞌ suꞌwe ꞌa ka tiye Ni ñaꞌan Ni ꞌwa, chaꞌ suꞌwe ꞌa msñi wan chaꞌ ꞌin Ni nu wa ykwiꞌ ba loꞌo wan.

1 TESALONICENSES 3:9

Loꞌo ja nchka tyii chaꞌ tyaa ba xuꞌwe ꞌin Ndiose Stian chaꞌ ꞌwan, chaꞌ suꞌwe ꞌa nka tiye ba chaꞌ ꞌwan.