1 CORINTIOS 14:6 - Chatino Zona Alta Occidental

⁶ Bra nu tiyaǎn seꞌen ndiꞌin wan, ja ka ꞌa tayaǎnꞌ ꞌwan si xkwiꞌ chaꞌ nu nchkwiꞌ xka ta nten chkwiǐnꞌ loꞌo wan; ska ti si kaja ska chaꞌ ꞌñaǎn, ska chaꞌ nu nchka tiꞌ Ndiose chkwiꞌ loꞌo wan, ka tayaǎnꞌ ꞌwan bra kanꞌ. Ska ti si kwaꞌuǔn ñi ꞌwan chaꞌ ka kuꞌni xaꞌan suꞌwe la wan chaꞌ ꞌin Ni, ngwañaꞌan ka tayaǎnꞌ ꞌwan bra kanꞌ.

1 CORINTIOS 14:6 ပူးပေါင်းရင်းမြစ်များ

SAN MATEO 11:25

Chunꞌ ndiꞌin la ykwiꞌ Jesús loꞌo Ndiose Sti yu: ―Kuꞌni tnuǔn ꞌiin, Stiǐn; nuꞌwin lkaa Xꞌnan ba, loꞌo nde niꞌ kwan, loꞌo lo chalyuu ―ndukwin Jesús ꞌin Ndiose―. Ngwa xuꞌwe ꞌiin chaꞌ wa yꞌnii chaꞌ ngwa biyaꞌ tiꞌ nten nu ja jlyo suꞌwe tiꞌ nu ngwa sꞌni la. Xka ta nten nu tiya la tiꞌ, loꞌo nten nu nchka ꞌa ꞌin, loꞌo nten nu jlyo ꞌa tiꞌ nchga chaꞌ ꞌiin, nxkeꞌ tiꞌ neꞌ, loꞌo neꞌ kanꞌ ja nchka biyaꞌ la tiꞌ neꞌ kanꞌ.

SAN MATEO 16:17

―Suꞌwe nka tiye nuꞌwin Simón, sñiꞌ Jona ―ndukwin Jesús ꞌin yu bra kanꞌ―. Siꞌi nten chalyuu ti nu ngwaꞌu chaꞌ kanꞌ ꞌiin; Stiǐn Ndiose nu ndiꞌin nde niꞌ kwan, kanꞌ nu ytsaꞌ chaꞌ kanꞌ ꞌiin.

SAN MATEO 16:26

Ja ska chaꞌ suꞌwe kanun ꞌin nten bra nu kaja neꞌ, ni siya yꞌni ꞌa neꞌ kanan lo chalyuu; loꞌo kanaꞌ kasiya ꞌin neꞌ bra kanꞌ, chaꞌ ja ka ta nten liyaꞌ chaꞌ kaja kasiya ꞌin neꞌ xiyaꞌ.

LOS HECHOS 2:42

Suꞌwe ꞌa ynan nchga neꞌ kanꞌ chaꞌ nu ngwaꞌu neꞌ nu yꞌni xaꞌan chaꞌ ꞌin Jesucristo kulo ndukwa la. Suꞌwe nka tiye neꞌ kanꞌ, suꞌwa ti ndiꞌin neꞌ, taꞌa ti nchkwiꞌ neꞌ loꞌo Ndiose; suꞌwa ti nchku neꞌ, suꞌwa ti ngiꞌni tnun nchga neꞌ kanꞌ ꞌin Jesucristo.

ROMANOS 15:14

ꞌWan taꞌa ndiꞌin chaꞌ ꞌñaan loꞌo Krixtu, nsuꞌwi lyoǔn ꞌwan chaꞌ suꞌwe ꞌa tiye wan; suꞌwe ꞌa nchka biyaꞌ tiꞌ wan chaꞌ ꞌin Krixtu, kwiꞌ ngwañaꞌan nchka ꞌa ꞌwan chkwiꞌ wan chaꞌ ꞌin Ndiose loꞌo neꞌ taꞌa wan.

ROMANOS 16:17

ꞌWan taꞌa ndiꞌin chaꞌ ꞌñaan loꞌo Krixtu, lye ꞌa chkwiǐnꞌ loꞌo wan ni, chaꞌ tiya ti tiꞌ tyiꞌin wan lo chalyuu, chaꞌ ja kan ꞌa nten nu suꞌwa chaꞌ wsuun ꞌwan loꞌo taꞌa wan, chaꞌ ja tukunꞌ neꞌ kanꞌ chaꞌ nu ñi ꞌin Krixtu nu wa ynan wan. Ja xñi wan chaꞌ nchkwiꞌ neꞌ kanꞌ,

ROMANOS 6:17

Suꞌwe ꞌa nka tiyeěn chaꞌ tyukwi ti tiye wan ngiꞌni wan tñan ꞌin Ndiose, ti kwiꞌ ti chaꞌ nu ngwaꞌu neꞌ taꞌa ba ꞌwan, naꞌ Palyu ndukwiǐn chaꞌ re. Chaꞌ xaꞌan kanꞌ, kanꞌ nu ngwa ndloo la ꞌwan nu ngwa sꞌni; loꞌo wa ngulaa wan ꞌin chaꞌ xaꞌan kanꞌ ni, kanꞌ mdyisnan wan ngiꞌni wan tñan chaꞌ kaja xka chalyuu ꞌwan, ska chalyuu nu ka luwi kasiya ꞌwan, chaꞌ Ndiose nka ndloo la ꞌwan ni.

1 CORINTIOS 10:33

Nchga seꞌen ngiꞌniǐn tñan nduwe tiǎnꞌ ꞌin xka ta nten, si ka suꞌwe kasiya ꞌin neꞌ bra nu kuꞌniǐn tñan kanꞌ. Ni siya ja kaja chaꞌ suꞌwe ꞌñaan ti ykwiǐnꞌ tiǎn, nchka tiǎnꞌ chaꞌ ka suꞌwe kasiya ꞌin nchga nten, chaꞌ kaja ñaꞌan lyaa neꞌ ꞌin chaꞌ kuxi bra kanꞌ.

1 CORINTIOS 14:1

Kuꞌni wan chaꞌ xkwiꞌ ka suꞌwe ka tiye wan ñaꞌan wan ꞌin taꞌa nten wan sikwa. Kwiꞌ ngwañaꞌan, jñan wan chabiyaꞌ ꞌin Ndiose chaꞌ ka kuꞌni wan ti kwiꞌ tñan nu nda Tyiꞌi Ndiose ꞌñaan. Loꞌo ti ndiya xka tñan nu ndloo ꞌa ꞌwan, chaꞌ kuꞌni xaꞌan wan chkwiꞌ wan chaꞌ ꞌin Ndiose loꞌo nten, nchga chaꞌ nu nchka tiꞌ Ni chkwiꞌ Ni loꞌo neꞌ.

1 CORINTIOS 14:7

Nchga chkwan muska, ni siya kuwi kii, ni siya snen yulin, ndiꞌin chaꞌ xnen suꞌwean ꞌin ran si nchka tianꞌ chaꞌ kunan suꞌwe nten ni ñaꞌan nganen ran.

2 CORINTIOS 11:6

Ni siya ja nchka ꞌñaǎn chkwiǐnꞌ ñi loꞌo nten, nxkeꞌ tiꞌ wan, wa mdyii yꞌniin xaꞌaǎn suꞌwe chaꞌ ꞌin Jesús kanꞌ; kwiꞌ ngwañaꞌan, wa jlyo tiꞌ wan chaꞌ chañi ꞌa chaꞌ nu nchkwiǐnꞌ re, chaꞌ tyun yaꞌ wa naꞌan wan ꞌñaǎn, nchga tñan nu wa yꞌniǐn.

2 CORINTIOS 12:1

Ndiꞌin chaꞌ ti chkwiǐnꞌ la chinꞌ chaꞌ ꞌñaǎn, ti ykwiǐnꞌ tiǎn, ni siya ja suꞌwe chkwiǐnꞌ ngwañaꞌan loꞌo xka nten. Kitsaǎnꞌ ska chaꞌ ꞌwan sa ñaꞌan chaꞌ nu ykwiꞌ slaǎn. Laja slaǎn ngwaꞌu tloo ykwiꞌ Xꞌnaan ꞌñaǎn, ykwiꞌ Ni ska chaꞌ loꞌoǔn bra kanꞌ.

2 CORINTIOS 12:7

Bra kanꞌ mda Ndiose chabiyaꞌ chaꞌ nu mdijiǐn chinꞌ nu tiꞌí, chaꞌ ja ka siyeěnꞌ lye ꞌa loꞌo nten chunꞌ chaꞌ tnun nu wa naꞌaǎn laja slaǎn nde niꞌ kwan; mda Ni ska lo nu tiꞌí ꞌñaǎn nu tiꞌí ꞌa ngiꞌni loꞌoǔn. Wa lka ran ñaꞌan tiꞌ ska kicheꞌ tnun nu yojoꞌ tiꞌí laja kunaǎnꞌ, ñaꞌan tiꞌ si ndiꞌian yaꞌ kuneꞌ xaꞌan chaꞌ ta yu nu tiꞌí ꞌñaan, chaꞌ lye ꞌa ngiꞌni nu tiꞌí kanꞌ loꞌoǔn, chaꞌ ja ka siyeěnꞌ loꞌo xka ta nten.

EFESIOS 1:17

Tlyu ꞌa chaꞌ suꞌwe ndiꞌin ꞌin Ndiose Stian, ti kwiꞌ Ndiose nu lka Sti Xꞌnaan Jesucristo. Njnaǎn ꞌin Ni chaꞌ ta Ni Tyiꞌi ykwiꞌ Ni ꞌwan, chaꞌ ngwañaꞌan ka biyaꞌ tiꞌ wan nchga chaꞌ bra kanꞌ; kwaꞌu Tyiꞌi Ni ꞌwan sa ñaꞌan lka Ndiose, loꞌo kanꞌ ka xuꞌwi lyo suꞌwe la wan ꞌin Ni.

EFESIOS 3:4

Bra nu chkwiꞌ wan lo kityi re, bra kanꞌ ka biyaꞌ tiꞌ wan chaꞌ nu nchkwiǐnꞌ loꞌo wan chaꞌ ꞌin tñan nu nchka tiꞌ Krixtu kuꞌni lo chalyuu.

FILIPENSES 3:15

Suꞌwe ꞌa si kwiꞌ ngwañaꞌan tyaꞌan chaꞌ tiyean, taꞌaan nu wa msñiin suꞌwean chaꞌ ꞌin Jesús; Ndiose lka nu kwaꞌu ñi la ꞌwan bra kanꞌ, si nsuꞌwi xka la neꞌ taꞌa wan nu ndaꞌan tiye xka la chaꞌ.

2 TIMOTEO 2:14

Taꞌa ti chkwiiꞌ loꞌo neꞌ chaꞌ tukwa neꞌ nchga chaꞌ nu ndaꞌaǎn re. Wa jlyo tiꞌ Xꞌnaan nchga tñan nu ngiꞌni skaa neꞌ, kanꞌ chaꞌ kuloo tñan chaꞌ ja chkwiꞌ neꞌ kaꞌan ꞌa chaꞌ loꞌo taꞌa neꞌ chaꞌ ꞌin ya ñaꞌan ti kwentu nu nchkwiꞌ nten. Ja suꞌwe siyaꞌ ti ngwañaꞌan, chaꞌ lye ꞌa xtiyaaꞌ chaꞌ nu nsuꞌwi ke nten nu kunan chaꞌ kanꞌ.

2 TIMOTEO 3:10

Loꞌo ni, Timu, jlyo tiǎnꞌ chaꞌ suꞌwa ti nka tiyee loꞌoǔn, kanꞌ chaꞌ ngiꞌnii sa ñaꞌan nu ngwaꞌuǔn ꞌiin; nuꞌwin ngiꞌnii tñan sa ñaꞌan nu ngiꞌniǐn tñan, chaꞌ ndyaa ñaꞌan tiiꞌ chaꞌ ꞌin Jesús sa ñaꞌan nu ndyaa ñaꞌan tiǎnꞌ ꞌin Ni. Wa naꞌaan chaꞌ ndaloǔn ꞌaǎn ꞌin nten, chaꞌ suꞌwe ꞌa nka tiyeěn naꞌaǎn ꞌin nten, chaꞌ ndaloǔn,

2 TIMOTEO 3:16

Ndiose yꞌni chaꞌ mbiꞌya chaꞌ kanꞌ ke nten chalyuu, chaꞌ ngwaꞌan neꞌ xkwiꞌ chaꞌ ꞌin Ni lo kityi kanꞌ, kanꞌ chaꞌ suꞌwe ꞌa si ti kwaꞌuun laan chaꞌ nu ndukwa lo kityi kanꞌ ꞌin nten, chaꞌ ka biyaꞌ tiꞌ neꞌ nchga chaꞌ ꞌin Ndiose. Kanꞌ nu ka tukunꞌ chaꞌ ꞌin neꞌ chaꞌ ja kuꞌni ꞌa neꞌ chaꞌ kuxi. Loꞌo nduꞌu kityi kanꞌ ꞌñaan sa ñaꞌan ka xñiin suꞌween laan chaꞌ ꞌin Ndiose, nduꞌu ran ꞌñaan ni ñaꞌan kuꞌni xaꞌaan chaꞌ xkwiꞌ chaꞌ suꞌwe kuꞌnian.

2 TIMOTEO 4:2

Kuloǔn tñan ꞌiin chaꞌ kwaꞌuu chaꞌ ꞌin Ndiose ꞌin nten; ñaꞌan ti kwaꞌuu chaꞌ kanꞌ ꞌin nchga nten, ni siya nchka tiꞌ neꞌ kunan neꞌ chaꞌ kanꞌ, ni siya ja nchka tiꞌ neꞌ kunan neꞌ. Tyukwi ti tiyee kwaꞌuu ꞌin neꞌ, chaꞌ kiꞌya neꞌ kwenta ꞌin nchga chaꞌ kuxi nu nsuꞌwi niꞌ kasiya ꞌin neꞌ; ngwañaꞌan ka tayaaꞌ ꞌin neꞌ chaꞌ kulaa yaꞌ neꞌ chaꞌ kuxi kanꞌ. Chan taloo ꞌin neꞌ chaꞌ suꞌwe ti kwaꞌuu chaꞌ suꞌwe kanꞌ ꞌin neꞌ.

TITO 3:8

Ndiꞌin chaꞌ xñi suꞌwe wan chaꞌ nu ñi nu ndaꞌaǎn lo kityi re, kanꞌ chaꞌ lye chkwiiꞌ chaꞌ re loꞌo nchga nten nu msñi chaꞌ ꞌin Ndiose la kwa, chaꞌ xkwiꞌ chaꞌ suꞌwe kuꞌni wan bra kanꞌ. Suꞌwe ꞌa chaꞌ nu ñi re, ka kunanjoꞌo chaꞌ kanꞌ ꞌin ya ñaꞌan ti nten.

HEBREOS 13:9

Ja ta wan chabiyaꞌ kwaꞌu nten xka la chaꞌ ꞌwan, xka chaꞌ nu ja suꞌwa nchkwiꞌ loꞌo chaꞌ ꞌin Jesús, chaꞌ ja xiꞌin chunꞌ wan tuwiin nu ñi. Suꞌwe la si kanun tsaa nchga chaꞌ ꞌin Ndiose niꞌ kasiya ꞌñaan, chaꞌ nchga bra kuwe tianꞌ ꞌin nchga chaꞌ suꞌwe nu ngiꞌni Ni loꞌoan. Loꞌo ja ka kanun suꞌwe chaꞌ ꞌin Ndiose niꞌ kasiya ꞌñaan xa nu kunaan xka ta lee nu tatsaa nten ꞌñaan chaꞌ xñian, xa nu nchkwiꞌ neꞌ chaꞌ ja suꞌwe kuan ska loo nan nchkuan. Ni siya wa ynaan ꞌaan lee kanꞌ nu ngwa xkanꞌ, ja nganun suꞌwe la tiyean xa wa yꞌnian tñan kanꞌ.

2 SAN PEDRO 1:5

Kanꞌ chaꞌ tyukwi ti tiye wan, loꞌo tyukwi jwersa ꞌwan, kuꞌni wan xkwiꞌ chaꞌ suꞌwe kanꞌ, chaꞌ katsaꞌ wan ꞌin xka ta nten chaꞌ chañi chaꞌ wa msñi wan chaꞌ ꞌin Jesucristo. Kwiꞌ ngwañaꞌan, ndiꞌin chaꞌ ka biyaꞌ la tiꞌ wan nchga chaꞌ, sa ñaꞌan chaꞌ nu ndiya la tiꞌ Ndiose.

2 SAN PEDRO 3:18

Suꞌwe la si kuꞌni xaꞌan la wan chaꞌ suꞌwe ꞌin Jesucristo nu nka Xꞌnaan, nu wa ngulaa ꞌñaan; bra kanꞌ ka tyiꞌin suꞌwe la niꞌ kasiya ꞌwan chaꞌ ꞌin Xꞌnaan. ¡Kuꞌniin tnuan ꞌin Ndiose lo chalyuu, loꞌo ngwañaꞌan, ja tsaa tii ꞌa tsan nu kuꞌniin tnuan ꞌin Ni nde seꞌen ndiꞌin Ni! Ngwañaꞌan ka sikwa.

2 SAN JUAN 1:9

Nchga nten nu sten yuꞌwi loꞌo xka chaꞌ, ja ka tyiꞌin chaꞌ ꞌin neꞌ kanꞌ loꞌo Ndiose siyaꞌ ti. Nxkeꞌ tiꞌ neꞌ kanꞌ chaꞌ ti ndiꞌin kaꞌan la tñan chaꞌ kuꞌnian, xa wa ndyaa ñaꞌan tianꞌ ꞌin Krixtu. ¡Chaꞌ kwiñi lka kanꞌ! Si chañi chaꞌ msñian chaꞌ ꞌin Krixtu niꞌ kasiya ꞌñaan, bra kanꞌ suꞌwa ndiꞌin chaꞌ ꞌñaan loꞌo Ndiose, ngwañaꞌan loꞌo ykwiꞌ nu lka ska ti Sñiꞌ Ni.