1 CORINTIOS 14:34 - Chatino Zona Alta Occidental

³⁴ Ja nda neꞌ chabiyaꞌ chkwiꞌ neꞌ kunaꞌan seꞌen ngiꞌni tnun neꞌ ꞌin Ndiose; ndiꞌin chaꞌ tukwa nu kunaꞌan chaꞌ nu nchkwiꞌ yu kiꞌyu, chaꞌ ngwañaꞌan lka tñan nu ngulo Ni ꞌin neꞌ chaꞌ kuꞌni neꞌ.

1 CORINTIOS 14:34 ပူးပေါင်းရင်းမြစ်များ

1 CORINTIOS 11:13

Ykwiꞌ wan katsaꞌ ñi wan ꞌñaǎn si suꞌwe nxkeꞌ tiꞌ wan chaꞌ chkwiꞌ ska nu kunaꞌan loꞌo Ndiose bra nu ja nchkunꞌ ke neꞌ.

1 CORINTIOS 11:3

Nde ndiya ska chaꞌ nu nchka tiǎnꞌ chaꞌ ka biyaꞌ tiꞌ wan. Ndiose nka ndloo ꞌin Krixtu, kwiꞌ ngwañaꞌan Krixtu nka ndloo ꞌin nchga nten; kwiꞌ ngwañaꞌan ska yu kiꞌyu nka ndloo ꞌin kunaꞌan ꞌin yu.

1 CORINTIOS 11:5

Nu kunaꞌan ni, suꞌwe si suꞌwa neꞌ piyun ke neꞌ bra nu tyoꞌ tiꞌin nchga nten niꞌ lyaa; ni siya chkwiꞌ neꞌ loꞌo Ndiose, ni siya katsaꞌ neꞌ ska chaꞌ ꞌin Ndiose ꞌin nten, suꞌwa neꞌ piyun ke neꞌ, chaꞌ ja ta neꞌ kunaꞌan chaꞌ wjyuꞌu ꞌin kwilyoꞌo seꞌen ndyoꞌ tiꞌin neꞌ bra kanꞌ, chaꞌ ndloo la nka nu kiꞌyu ꞌin nu kunaꞌan. Ndlya wan kichanꞌ ke nu kunaꞌan nu lye nsuꞌwi kiꞌyu ꞌin, chaꞌ ka jyuꞌu tiꞌ; kwiꞌ ngwañaꞌan siyeꞌ ngiꞌni nu kunaꞌan nu ja nsuꞌwa piyun ke niꞌ lyaa. Kanꞌ chaꞌ ꞌwan, neꞌ kunaꞌan, si ja nchka tiꞌ wan kuꞌni siyeꞌ wan tloo kwilyoꞌo wan bra nu tyoꞌ tiꞌin wan loꞌo neꞌ, suꞌwe la si tukunꞌ wan teꞌ ke wan bra kanꞌ; ja ndiꞌin chaꞌ ka jyuꞌu tiꞌ wan bra kanꞌ.

1 CORINTIOS 14:21

Nde lka chaꞌ nu nchkwiꞌ kityi kula: “Chkwiǐnꞌ loꞌo nten re” ndukwin Ndiose, “suꞌwaǎn ꞌin xka ta nten nu tyoꞌo xka nasiyun tijyuꞌ la chaꞌ kan neꞌ chkwiꞌ neꞌ loꞌo neꞌ re; loꞌo ni siya kuꞌniǐn ngwañaꞌan, jlyo tiǎnꞌ chaꞌ ja xñi neꞌ re chaꞌ ꞌñaǎn.” Ngwañaꞌan ndukwin Ndiose nu nka Xꞌnaan.

1 CORINTIOS 14:35

Nde naꞌan tyi neꞌ ka kunichaꞌ nu kunaꞌan ꞌin kwilyoꞌo si ndiya ska chaꞌ nu nchka tiꞌ neꞌ chaꞌ ka biyaꞌ tiꞌ neꞌ. Ja suꞌwe si chkwiꞌ ska nu kunaꞌan bra nu ndyoꞌ tiꞌin nchga neꞌ taꞌaan.

EFESIOS 5:33

Loꞌo ngwañaꞌan, nchkwiꞌ kityi kanꞌ chaꞌ ꞌin nchga wan, chaꞌ ꞌwan yu kiꞌyu, chka tꞌnan tiꞌ wan ꞌin kwilyoꞌo wan sa ñaꞌan nu nchka tꞌnan tiꞌ wan ꞌwan, ti ykwiꞌ ti wan. Loꞌo ꞌwan neꞌ kunaꞌan wan, ndiꞌin chaꞌ kuꞌni tnun wan ꞌin kwilyoꞌo wan.

COLOSENSES 3:18

ꞌWan neꞌ kunaꞌan, tukwa wan chaꞌ nchkwiꞌ kwilyoꞌo wan. Ndiꞌin ꞌa chaꞌ kuꞌni wan ngwañaꞌan, chaꞌ wa ndiꞌin chaꞌ ꞌwan loꞌo Krixtu nu nka Xꞌnaan.

TITO 2:5

kuꞌni xaꞌan nu kunaꞌan kuneꞌ chaꞌ kuꞌni neꞌ kwenta ꞌin neꞌ, ti ykwiꞌ ti neꞌ, chaꞌ xkwiꞌ chaꞌ suꞌwe kuꞌni neꞌ, sa ñaꞌan nu ndiꞌin chaꞌ kuꞌni nten nu wa ngwa luwi kasiya ꞌin chaꞌ ꞌin Ndiose; kuꞌni xaꞌan neꞌ sa ñaꞌan nu suꞌwe ti kuꞌni neꞌ tñan naꞌan tyi neꞌ, sa ñaꞌan nu chka tꞌnan tiꞌ neꞌ ꞌin taꞌa nten neꞌ, sa ñaꞌan nu tukwa neꞌ chaꞌ nu nchkwiꞌ kwilyoꞌo neꞌ. Si xkwiꞌ suꞌwe ti kuꞌni nu kunaꞌan kuneꞌ, bra kanꞌ ja kaja ñaꞌan chkwiꞌ xka ta nten chaꞌ kuxi ꞌin Ndiose siꞌya neꞌ kanꞌ.