1 CORINTIOS 14:23 - Chatino Zona Alta Occidental

²³ Ja chan tiya bra nu kala chinꞌ xka ta nten seꞌen ndyoꞌ tiꞌin wan, nten nu ja ya xñi chaꞌ ꞌin Jesús, loꞌo nten nu ja lka taꞌa ngiꞌni tnun wan ꞌin Ndiose. Bra nu tiyan neꞌ kanꞌ seꞌen ndyoꞌ tiꞌin wan sa tlyu ti, bra nu ñaꞌan neꞌ ꞌwan chaꞌ xkwiꞌ chaꞌ nu nchkwiꞌ neꞌ xka kichen nchkwiꞌ wan, bra kanꞌ chkwiꞌ neꞌ kanꞌ, chaꞌ wa ngwa tintu wan.

1 CORINTIOS 14:23 ပူးပေါင်းရင်းမြစ်များ

SAN LUCAS 12:46

Loꞌo kanꞌ bra ti tyoꞌo tukwa xꞌnan yu ska tsan nu ja kii tiꞌ yu. Ja jlyo tiꞌ yu ni bra tyoꞌo tukwa ykwiꞌ xꞌnan yu xiyaꞌ, ti kwiꞌ ti chaꞌ ja ndyaa ñaꞌan tiꞌ yu si kala xꞌnan yu tsan kanꞌ. Bra kanꞌ lye ꞌa nu tiꞌí ta xꞌnan yu ꞌin yu nu xaꞌan kanꞌ. Suꞌwa ti tsaa yu nde lo jwlyaa chaꞌ kaja nu tiꞌí ꞌin yu loꞌo nten nu ja nnan chaꞌ ꞌin Ndiose siyaꞌ ti.

SAN JUAN 10:20

Ndiya ꞌa neꞌ nu ykwiꞌ chaꞌ re: ―Ñaꞌan tiꞌ ska kuneꞌ xaꞌan, ngwañaꞌan ngiꞌni yu kwa. Wa mnaꞌ chaꞌ tiya ꞌin yu. Ja ndiꞌin chaꞌ kunaan chaꞌ nu nchkwiꞌ yu kwa.

LOS HECHOS 2:13

Loꞌo xka ta nten mxtyi lyoꞌo neꞌ ꞌin nten ꞌin Jesucristo kanꞌ: ―Kuꞌwi ꞌa neꞌ kwa, kanꞌ chaꞌ nchkwiꞌ neꞌ ngwañaꞌan ―ndukwin neꞌ.

LOS HECHOS 26:24

Xa wa ykwiꞌ Palyu ngwañaꞌan loꞌo neꞌ, lye ykwiꞌ Festo loꞌo yu bra kanꞌ: ―¡Wa mnaꞌ chaꞌ tiya ꞌiin, Palyu! ―ndukwin Festo ꞌin yu―. Chaꞌ lye ꞌa nchkwiiꞌ lo kityi, kanꞌ chaꞌ wa mnaꞌ chaꞌ tiya ꞌiin, ja taꞌa ꞌa tyukwa kee ―ndukwin.

1 CORINTIOS 11:18

Wa ytsaꞌ neꞌ ꞌñaǎn chaꞌ ja suꞌwe ngiꞌni wan seꞌen ndyoꞌ tiꞌin wan chaꞌ ku siin wan. Ska ñaꞌan ngiꞌni wan ska wan, ndukwin neꞌ. Loꞌo kwiꞌ ngwañaꞌan ngiꞌni wan, nxkeꞌ tiǎnꞌ.