1 CORINTIOS 14:16 - Chatino Zona Alta Occidental

¹⁶ Bra nu chkwiǐnꞌ chaꞌ ñaǎn skaǎn tiǎn, bra kanꞌ ja kaja ñaꞌan chkwiꞌ xka la nten: “Ngwañaꞌan ka chaꞌ sikwa”, xa wa mdyii ykwiǐnꞌ loꞌo Ndiose bra kanꞌ. Chaꞌ ñaǎn tiǎn ykwiǐnꞌ bra nu ngiꞌniin tnuan ꞌin Ndiose ngwañaꞌan; ja kaja ñaꞌan chkwiꞌ nten bra kanꞌ, chaꞌ ja ngwa biyaꞌ tiꞌ neꞌ sa ñaꞌan chaꞌ nu ykwiǐnꞌ, ni siya suꞌwe ꞌa ndyaǎn xuꞌwe ꞌin Ndiose, bra nu mdiꞌiǐn seꞌen ndyoꞌ tiꞌin nchga nten.

1 CORINTIOS 14:16 ပူးပေါင်းရင်းမြစ်များ

SAN MATEO 15:36

Kanꞌ msñi Jesús kati jaxlya kanꞌ loꞌo kula kanꞌ, ndya yu xuꞌwe ꞌin Ndiose chaꞌ ꞌin nan ku neꞌ kanꞌ. Msuꞌwe yu jaxlya loꞌo kula kanꞌ, mda yu kwenta yuꞌwe ran ꞌin neꞌ nu ngiꞌni xaꞌan chaꞌ ꞌin yu chaꞌ kutsaa neꞌ ran ꞌin nten kaꞌan bra kanꞌ.

SAN MATEO 28:20

Kwaꞌu wan ꞌin neꞌ kanꞌ, chaꞌ kuꞌni neꞌ nchga tñan nu wa ngwaꞌuǔn ꞌwan. Loꞌo tyuꞌwi tiꞌ wan chaꞌ nu ykwiǐnꞌ loꞌo wan, chaꞌ naꞌ lkaǎn nu tyiꞌiǐn loꞌo wan nchga tsan sa ñaꞌan yaꞌ nu tsaa tii chalyuu. Sa kwa ti chaꞌ ykwiꞌ Jesús.

SAN MATEO 6:13

Ja taa chabiyaꞌ chaꞌ jwakii chaꞌ kuxi ꞌwa, kuloo ꞌwa yaꞌ kuneꞌ xaꞌan bra kanꞌ. Nuꞌwin ndloo tñan nchga chaꞌ; nchga chabiyaꞌ nu nsuꞌwi lo chalyuu, nchga chabiyaꞌ nu nsuꞌwi nde niꞌ kwan, nuꞌwin ndiya nchga chabiyaꞌ kanꞌ ꞌiin. Ja tsaa tii ꞌa chaꞌ tlyu la ti nuꞌwin. Ngwañaꞌan ka chaꞌ. Ngwañaꞌan chkwiꞌ wan loꞌo Ndiose.

SAN MARCOS 16:20

Loꞌo mdoꞌo neꞌ nu wa yꞌni xaꞌan chaꞌ ꞌin Jesús ndyaa neꞌ bra kanꞌ, nchga kichen ykwiꞌ neꞌ chaꞌ ꞌin Ni loꞌo nten. Lye ꞌa mdayaꞌ Xꞌnaan ꞌin neꞌ, chaꞌ ngwa biyaꞌ suꞌwe tiꞌ nten nchga kichen seꞌen ndyaa neꞌ kanꞌ, chaꞌ chañi ꞌa chaꞌ ꞌin Ndiose nu ngwaꞌu neꞌ; ngwa biyaꞌ tiꞌ nten kichen kanꞌ xa nu naꞌan neꞌ chaꞌ tnun nu yꞌni neꞌ kanꞌ chabiyaꞌ ꞌin Ndiose. Ngwañaꞌan ka chaꞌ.

SAN JUAN 21:25

Ti nsuꞌwi la kaꞌan ꞌa chaꞌ nu yꞌni Jesús; ni siya kwaꞌan neꞌ nchga chaꞌ kanꞌ lo kityi, ti nu ngula yu lo chalyuu, ja tyoꞌo skwa ñaꞌaan chalyuu chaꞌ tyoꞌ tukwa kityi kanꞌ, nxkeꞌ tiǎnꞌ. Sa kwa ti chaꞌ ndaꞌaǎn re.

SAN JUAN 7:15

Nduwe ꞌa tiꞌ neꞌ judío chaꞌ nchka ꞌa ꞌin Jesús: ―¿Ni chaꞌ nchka ꞌa ꞌin yu kwa nduꞌu yu ꞌin nten? Ja tyun yijan mdaꞌan yu xla, ja yꞌni xaꞌan suꞌwe yu kwa ―ndukwin neꞌ.

LOS HECHOS 4:13

Ynan neꞌ nu nka ndloo kanꞌ chaꞌ nu ykwiꞌ Tyu, loꞌo ñaꞌan kwiꞌya ꞌa neꞌ ꞌin Tyu loꞌo Xuwa bra kanꞌ: ―¿Ni chaꞌ lka ja ntsen yu re chkwiꞌ yu loꞌoan a? ―ndukwin neꞌ ꞌin taꞌa lka neꞌ tñan―. Siꞌi nten nu tnun nchka lka yu re, siꞌi nten nu yꞌni xaꞌan kityi lka yu re. Bra kanꞌ mgii tiꞌ yu kula kanꞌ, chaꞌ wa mdaꞌan yu loꞌo Jesús.

1 CORINTIOS 11:24

ndya yu xuꞌwe ꞌin Ndiose Stian, loꞌo kanꞌ msuꞌwe yu jaxlya kanꞌ; bra kanꞌ ykwiꞌ Jesús loꞌo taꞌa ndaꞌan yu: “Ku wan jaxlya re; ñaꞌan tiꞌ kunaǎnꞌ tyukwi ñaꞌaǎn, kwiꞌ ngwañaꞌan ka jaxlya re chaꞌ ꞌwan. Siꞌya wan kaja nu tiꞌí ꞌñaǎn lo wsi, kanꞌ chaꞌ ka tyaa yuꞌwi tiꞌ wan ꞌñaǎn bra nu ku wan jaxlya re” ndukwin Jesús ꞌin neꞌ kanꞌ.

1 CORINTIOS 14:14

Nde ñaꞌan nchka chaꞌ si chaꞌ ꞌin neꞌ xka kichen chkwianꞌ bra nu ngiꞌniin tnuan ꞌin Ndiose. Chañi chaꞌ niꞌ kasiya ꞌñaan nchkwianꞌ loꞌo Ni; sa kanꞌ ti chaꞌ nan, ti ykwiinꞌ tian, ja nchka biyaꞌ tianꞌ ni chaꞌ nchkwianꞌ.

1 CORINTIOS 14:2

Ska nten nu nchkwiꞌ chaꞌ nu nchkwiꞌ neꞌ xka kichen bra nu ndyoꞌ tiꞌin wan, siꞌi loꞌo wan nchkwiꞌ yu, chaꞌ ja nchka biyaꞌ tiꞌ wan sa ñaꞌan chaꞌ nchkwiꞌ yu; ska ti loꞌo Ndiose nchkwiꞌ yu kanꞌ, si Tyiꞌi Ndiose ngiꞌni chaꞌ nchkwiꞌ yu ska chaꞌ nu ja ndiꞌin chaꞌ kunan neꞌ taꞌa wan.

1 CORINTIOS 16:24

Tyuꞌwi tiꞌ wan ꞌñaǎn, chaꞌ suꞌwe ꞌa nka tiyeěn ñaꞌaǎn ꞌwan chunꞌ chaꞌ tnun nu wa yꞌni Jesucristo. Ngwañaꞌan ka sikwa.

2 CORINTIOS 1:20

ska ti Krixtu nu ngiꞌni chaꞌ chañi chaꞌ ka nchga chaꞌ nu nchkwiꞌ Ndiose loꞌoan; kanꞌ chaꞌ chabiyaꞌ ꞌin Jesucristo ka chkwianꞌ: “Amén, ngwañaꞌan ka sikwa”. Ngwañaꞌan chkwianꞌ bra nu kuꞌni tnuan ꞌin Ndiose.

EL APOCALIPSIS 22:20

Ykwiꞌ Jesús lka nu nchkwiꞌ chaꞌ chañi ꞌa lka nchga chaꞌ nu ndukwa re: ―Chañi chaꞌ kanꞌ. Ndse ti tyaǎn xiyaꞌ ―ndukwin Ni. Ngwañaꞌan ka sikwa. ¡Tyan wan xiyaꞌ, Ni Jesús!

EL APOCALIPSIS 5:14

Taꞌa jakwa ꞌni kti kwa ni, mxkwen iꞌ ꞌin neꞌ bra kanꞌ: ―¡Ngwañaꞌan ka sikwa! ―ndukwin iꞌ bra kanꞌ. Loꞌo mduun xtyinꞌ nu kala ndukwa jakwa yu kula kanꞌ, ngiꞌni tnun yu ꞌin Ndiose, chaꞌ luꞌu Ni nchga tyempu siyaꞌ ti.

EL APOCALIPSIS 7:12

Ykwiꞌ angajle kanꞌ bra kanꞌ: ¡Ngwañaꞌan ka sikwa! Kuꞌniin tnuan ꞌin Ndiose, suꞌwe ꞌa chkwianꞌ chaꞌ ꞌin Ni, tyaan xuꞌwe ꞌin Ni. Chkwianꞌ chaꞌ nchga chaꞌ jlyo tiꞌ Ni, nan ꞌin Ni lka nchga lo nan nu nsuꞌwi lo chalyuu; nchga lo tñan nchka ꞌin Ni kuꞌni Ni siyaꞌ ti, ska ti Ndiose nsuꞌwi chabiyaꞌ kuꞌni nchga tñan. Nchga bra ja tsaa tii ꞌa chaꞌ ngwañaꞌan ka ꞌin Ndiose Stian. Loꞌo chañi chaꞌ ngwañaꞌan ka. Ngwañaꞌan ykwiꞌ angajle loꞌo taꞌa bra kanꞌ.