1 CORINTIOS 11:5 - Chatino Zona Alta Occidental

^5-6 Nu kunaꞌan ni, suꞌwe si suꞌwa neꞌ piyun ke neꞌ bra nu tyoꞌ tiꞌin nchga nten niꞌ lyaa; ni siya chkwiꞌ neꞌ loꞌo Ndiose, ni siya katsaꞌ neꞌ ska chaꞌ ꞌin Ndiose ꞌin nten, suꞌwa neꞌ piyun ke neꞌ, chaꞌ ja ta neꞌ kunaꞌan chaꞌ wjyuꞌu ꞌin kwilyoꞌo seꞌen ndyoꞌ tiꞌin neꞌ bra kanꞌ, chaꞌ ndloo la nka nu kiꞌyu ꞌin nu kunaꞌan. Ndlya wan kichanꞌ ke nu kunaꞌan nu lye nsuꞌwi kiꞌyu ꞌin, chaꞌ ka jyuꞌu tiꞌ; kwiꞌ ngwañaꞌan siyeꞌ ngiꞌni nu kunaꞌan nu ja nsuꞌwa piyun ke niꞌ lyaa. Kanꞌ chaꞌ ꞌwan, neꞌ kunaꞌan, si ja nchka tiꞌ wan kuꞌni siyeꞌ wan tloo kwilyoꞌo wan bra nu tyoꞌ tiꞌin wan loꞌo neꞌ, suꞌwe la si tukunꞌ wan teꞌ ke wan bra kanꞌ; ja ndiꞌin chaꞌ ka jyuꞌu tiꞌ wan bra kanꞌ.

1 CORINTIOS 11:5 ပူးပေါင်းရင်းမြစ်များ

SAN LUCAS 2:36

Ndiya ska nu kunaꞌan nu ykwiꞌ chaꞌ ꞌin Ndiose loꞌo nten, nu ndiꞌin niꞌ lyaa kanꞌ; Ana naan nu kunaꞌan kanꞌ, sñiꞌ Fanuel lka, ti kwiꞌ taꞌa nten ꞌin neꞌ Aser lka nu kunaꞌan kanꞌ. Kula ꞌa nu kunaꞌan kanꞌ ni. Ti kuneꞌ nu kunaꞌan kanꞌ bra nu mjwi kwilyoꞌo; kati ti yijan mdiꞌin loꞌo kwilyoꞌo, loꞌo kanꞌ ngujwi yu kiꞌyu kanꞌ.

LOS HECHOS 2:17

Nu ka nde loo la, bra wa tyii ti chalyuu, ndukwin Ndiose, taǎn Tyiꞌiǐn ykwiǐnꞌ chaꞌ kanun niꞌ kasiya ꞌin nten chalyuu, ndukwin Ni. Loꞌo chkwiꞌ sñiꞌ wan chaꞌ ꞌñaǎn loꞌo nten bra kanꞌ. Kwiꞌ ngwañaꞌan, ñaꞌan nten kuneꞌ chaꞌ tnun nu ngiꞌni Ndiose, loꞌo chkwiꞌ sla neꞌ kula.

LOS HECHOS 21:9

Ndiya jakwa sñiꞌ Lpe, xkwiꞌ nu kunaꞌan nu ja ya kaja kwilyoꞌo lka neꞌ kanꞌ. Wa nda Ndiose chabiyaꞌ ꞌin neꞌ kunaꞌan kanꞌ, chaꞌ chkwiꞌ neꞌ nchga chaꞌ nu nchka tiꞌ Ndiose chkwiꞌ Ni loꞌo nten.

1 CORINTIOS 11:4

Kanꞌ chaꞌ ja tyukwa smlu ke yu kiꞌyu niꞌ lyaa seꞌen ndyoꞌ tiꞌin wan; ni siya chkwiꞌ yu loꞌo Ndiose, ni siya katsaꞌ yu ska chaꞌ ꞌin Ndiose ꞌin nten, ja tyukwa smlu ke yu. Ndloo nka Krixtu ꞌin yu, kanꞌ chaꞌ ja suꞌwe kuꞌni siyeꞌ yu ꞌin Ndiose ñaꞌan tiꞌ si tyukwa smlu ke yu.

1 CORINTIOS 14:34

Ja nda neꞌ chabiyaꞌ chkwiꞌ neꞌ kunaꞌan seꞌen ngiꞌni tnun neꞌ ꞌin Ndiose; ndiꞌin chaꞌ tukwa nu kunaꞌan chaꞌ nu nchkwiꞌ yu kiꞌyu, chaꞌ ngwañaꞌan lka tñan nu ngulo Ni ꞌin neꞌ chaꞌ kuꞌni neꞌ.