1 CORINTIOS 11:16 - Chatino Zona Alta Occidental

¹⁶ Si ndiya nten nu chkwiꞌ kuxi chaꞌ nu nchkunꞌ ke neꞌ, suꞌwe si ka biyaꞌ tiꞌ neꞌ kanꞌ, chaꞌ ska ñaꞌan ti ngiꞌni ba sa ñaꞌan nu ngiꞌni taꞌa nten ꞌin Jesucristo nchga kichen tyi neꞌ.

1 CORINTIOS 11:16 ပူးပေါင်းရင်းမြစ်များ

LOS HECHOS 21:21

Loꞌo ni, nchkwiꞌ neꞌ judío kanꞌ loꞌo taꞌa neꞌ chaꞌ xka chaꞌ nduꞌu nuꞌwin ꞌin neꞌ judío taꞌaan nu ndiꞌin xka kichen: nduꞌuu chaꞌ ja ndiꞌin chaꞌ tukwa neꞌ kanꞌ chaꞌ kula nu ngwaꞌan ayman Moisés lo kityi, kwiꞌ nduꞌuu chaꞌ ja ndiꞌin chaꞌ siꞌyu neꞌ kijin ꞌin sñiꞌ kiꞌyu neꞌ chaꞌ lkwan neꞌ, kwiꞌ nduꞌuu ꞌin neꞌ chaꞌ ja kuꞌni ꞌa neꞌ sa ñaꞌan nu ngiꞌnian taꞌaan nu lkaan neꞌ judío, ndukwin neꞌ kanꞌ.

LOS HECHOS 21:24

Tsaa loꞌoo ꞌin neꞌ kanꞌ niꞌ lyaa tnun, chaꞌ suꞌwa ti kuꞌni ji wan chaꞌ nu wa mskanꞌ neꞌ kanꞌ loꞌo Ndiose. Nuꞌwin taa liyaꞌ loo nchga nan nu ndiꞌin chaꞌ ka lomstan ꞌin neꞌ kanꞌ niꞌ lyaa. Bra kanꞌ ka siꞌyu neꞌ kichanꞌ ke neꞌ bra wa mdyii chaꞌ kanꞌ. Ngwañaꞌan ka biyaꞌ tiꞌ nchga nten, chaꞌ loꞌo nuꞌwin ndukwaa nchga tñan nu mdatsaa ayman ꞌñaan chaꞌ kuꞌnian. Loꞌo ja chañi chaꞌ nu wa ykwiꞌ nten chaꞌ ꞌiin sikwa ―ndukwin yu kula―.

1 CORINTIOS 11:15

Siꞌi ngwañaꞌan nxkeꞌ tianꞌ loꞌo nu kunaꞌan, suꞌwe ꞌa nxkeꞌ tianꞌ si tukwin kichanꞌ ke nu kunaꞌan. Kunanjoꞌo kichanꞌ ke neꞌ ꞌin neꞌ, chaꞌ ja ka jyuꞌu tiꞌ neꞌ.

1 CORINTIOS 16:1

Wa msuꞌwaǎn chaꞌ ndyaa seꞌen ndiꞌin taꞌa neꞌ nu ndyoꞌ tiꞌin chaꞌ kuꞌni tnun neꞌ ꞌin Ndiose nchga kichen nde lo yuu ꞌin Galacia; wa ytsaǎnꞌ ꞌin neꞌ sa ñaꞌan ndiꞌin chaꞌ kuꞌni neꞌ bra nu xoꞌ tiꞌin neꞌ lomstan. Kwiꞌ ngwañaꞌan kuꞌni wan bra nu xoꞌ tiꞌin wan lomstan kanꞌ, chaꞌ tayaꞌ wan ꞌin neꞌ tiꞌi taꞌa msñian chaꞌ ꞌin Jesús nu ndiꞌin nde lo yuu ꞌin Judea.

1 CORINTIOS 4:5

Loꞌo ꞌwan, ja ndiꞌin chaꞌ xtya wan kiꞌya ꞌin ska nten bra ti; kata wan chinꞌ sa bra nu kan ykwiꞌ Ni nu nka Xꞌnaan, kanꞌ lka nu kuꞌni biyaꞌ ꞌñaan taꞌaan. Bra kanꞌ tyija lyo ꞌin Ni nchga chaꞌ nu nsuꞌwi mnan niꞌ kasiya ꞌñaan, ni siya ska chaꞌ nu ja nchka tianꞌ katsaanꞌ ꞌin taꞌaan nten chalyuu. Katsaꞌ Ni nchga chaꞌ nu nsuꞌwi niꞌ kasiya ꞌin nchga nten chalyuu, loꞌo kanꞌ ta Ni nu suꞌwe ꞌñaan, nchga chaꞌ suꞌwe nu ndukwin Ni chaꞌ kaja ꞌñaan kwenta skaan bra kanꞌ.

1 CORINTIOS 7:17

Bra nu ti ji kulo suwi Ndiose ꞌñaan, ti bra kanꞌ wa lka mda Ni chabiyaꞌ ꞌñaan sa ñaꞌan tyiꞌian kwenta skaan lo chalyuu. Ndiose lka nu mda chalyuu kanꞌ ꞌñaan ti kulo, kwiꞌ ngwañaꞌan Ndiose lka nu ngulo suwi ꞌñaan chaꞌ xñian chaꞌ ꞌin Ni. Ti kwiꞌ chalyuu kanꞌ nsuꞌwi ꞌñaan ni, sa ñaꞌan chalyuu nu mjwi ꞌñaan ti kulo; sa kanꞌ ti chaꞌ, suꞌwe la nsuꞌwi tiyean tyiꞌian lo chalyuu kanꞌ ni. Ti kwiꞌ chaꞌ re lka sa ñaꞌan nu nchkwiǐnꞌ loꞌo neꞌ nchga kichen seꞌen ndiꞌin neꞌ nu msñi chaꞌ ꞌin Krixtu.

1 CORINTIOS 9:1

Wa ndiꞌin chabiyaꞌ ꞌñaǎn chaꞌ kuꞌniǐn nchga loo chaꞌ. Wa mdatsaa Ndiose ꞌñaǎn chaꞌ kuꞌniǐn tñan ꞌin Ni, bra nu naꞌaǎn ꞌin ykwiꞌ Jesús nu nka Xꞌnaan. Loꞌo ni, wa msñi wan chaꞌ ꞌin Jesús chunꞌ nu ngiꞌniǐn tñan chaꞌ ꞌin Ni,

1 CORINTIOS 9:6

Siꞌi skaǎn tiǎn loꞌo Bernabé nu ndiꞌin chaꞌ ngula kuꞌni ba tñan chaꞌ kaja nan ku ba, bra nu nduꞌu ba chaꞌ ꞌin Ndiose ꞌin nten.

1 TESALONICENSES 2:14

Sa ñaꞌan nu ngwa ti ngwa xkanꞌ, chaꞌ nu tiꞌí tiꞌ neꞌ judío ꞌin nchga taꞌa ndiꞌin chaꞌ ꞌñaan loꞌo Jesucristo la lo yuu ꞌin Judea, kwiꞌ ngwañaꞌan tiꞌí tiꞌ taꞌa kichen tyi wan ꞌwan bra kanꞌ. ꞌWan taꞌaan, ti kwiꞌ taꞌa nu tiꞌí ngwa ꞌwan sa ñaꞌan nu ngwa ꞌin neꞌ judío taꞌaan kanꞌ.