1 CORINTIOS 10:6 - Chatino Zona Alta Occidental

⁶ Loꞌo nan ni, ka tyaa yuꞌwi tianꞌ sa ñaꞌan nu yꞌni ayman kanꞌ nu ngwa sꞌni. Ja suꞌwe si xkwiꞌ chaꞌ kuxi xuꞌwi tiyean, chaꞌ kwiꞌ ngwañaꞌan yꞌni neꞌ kanꞌ ti bra kanꞌ.

1 CORINTIOS 10:6 ပူးပေါင်းရင်းမြစ်များ

ROMANOS 5:14

Ti bra nu mdiꞌin Adán kanꞌ lo chalyuu, ti bra kanꞌ mdyisnan ndiji nten siꞌya kiꞌya nu ndukwi neꞌ. Kwiꞌ ngwañaꞌan, bra nu mdiꞌin ayman Moisés, bra nu ytsaꞌ Ndiose nchga chaꞌ kula ꞌin yu, bra kanꞌ ngujwi nten siꞌya kiꞌya kaꞌan nu ndukwi neꞌ; ni siya ja suꞌwa chaꞌ kuxi nu yꞌni neꞌ kanꞌ loꞌo chaꞌ kuxi nu yꞌni ayman Adán ti kulo, bra nu ja mdukwa yu ska tñan nu ngulo Ndiose ꞌin yu, kwiꞌ ngwañaꞌan ngujwi nten. Ska lo ti tñan yꞌni ayman Adán; loꞌo Jesucristo nu tka mdiyan ti lo chalyuu, xka lo tñan yꞌni yu, suꞌwe la tñan yꞌni yu.

1 CORINTIOS 10:11

Nchga chaꞌ tnun kanꞌ ngwa ꞌin ayman kanꞌ nu ngwa sꞌni, chaꞌ kaja ñaꞌan nu tyaa yuꞌwi tiꞌ xka ta nten nu kan lo chalyuu nde loo la nan lka nu ngwa ꞌin ayman kanꞌ, ni chaꞌ lka ngwa ꞌin neꞌ kanꞌ ngwañaꞌan. Kwiꞌ ngwañaꞌan ti ndukwa chaꞌ kanꞌ lo kityi ni, chaꞌ kuwe tianꞌ ꞌin chaꞌ kanꞌ. Wa ndla ti tyii chalyuu seꞌen ndiꞌian ni;

HEBREOS 4:11

Nchga tsan lye kuꞌnian tñan sikwa, chaꞌ ti xuꞌwi chaꞌ ꞌñaan loꞌo Ndiose, chaꞌ ka tyiꞌiin suꞌwean bra kanꞌ. Ja kuꞌnian sa ñaꞌan nu yꞌni ayman kula kanꞌ, nu ja mdukwa chaꞌ nu ykwiꞌ Ndiose siyaꞌ ti, loꞌo ja ngwa ꞌa ꞌin neꞌ tsaa neꞌ seꞌen ndukwin Ni chaꞌ tsaa neꞌ bra kanꞌ.

HEBREOS 9:24

Kanꞌ chaꞌ ja yaa Krixtu ska niꞌ lyaa nu ngwiñan nten chalyuu ti chaꞌ kuꞌni Ni tñan kanꞌ, ni siya mdukwa ran chabiyaꞌ ꞌin Ndiose; nan wa ndyaa ñi Ni seꞌen ndiꞌin Ndiose nde niꞌ kwan. La kanꞌ nduun Ni ni, chaꞌ chkwiꞌ Ni loꞌo Ndiose chaꞌ ꞌñaan.

1 SAN PEDRO 3:21

Sa ñaꞌan nu ngulaa Ni ꞌin neꞌ nu mdiꞌin niꞌ yka naꞌan kanꞌ lo tyiꞌa nu ngwa sꞌni, chaꞌ mdukwa neꞌ kanꞌ chaꞌ nu ykwiꞌ Ni; ngwañaꞌan tyoꞌo laa wan ni, chaꞌ ndukwa wan chaꞌ nu nchkwiꞌ Ni. Wa ndyaa wan lo tyiꞌa chaꞌ tyukwatya wan. Siꞌi nan kata tian chku ndyoꞌo chaꞌ kanꞌ, siꞌi chaꞌ kuuꞌ kunaanꞌ, kanꞌ chaꞌ ndyukwatyaan. Nde ndiya sa ñaꞌan ndyoꞌo chaꞌ kanꞌ: Nan njñaan ꞌin Ndiose chaꞌ xnun luwi Ni kasiya ꞌñaan chunꞌ ndyuꞌu Jesucristo xiyaꞌ, kanꞌ chaꞌ ndyukwatyaan.

2 SAN PEDRO 2:6

Ti kwiꞌ ti chaꞌ, ngwa kuxi ꞌin neꞌ kichen Sodoma loꞌo ꞌin neꞌ kichen Gomorra, chaꞌ kuxi ꞌa yꞌni neꞌ kanꞌ; siyaꞌ ti yꞌni tyii Ni taꞌa tyukwaa kichen kanꞌ. Xa wa mdyii mkin kichen kanꞌ, jii loꞌo nsuwiꞌ ti nganun seꞌen mdiꞌin kichen kanꞌ nu ngwa xkanꞌ. Ngwañaꞌan yꞌni Ndiose nu ngwa bra kanꞌ, chaꞌ ka biyaꞌ tiꞌ nchga nten nu ndiya tiꞌ kuꞌni nchga lo chaꞌ kuxi, ni siya ni ti, ni siya chunꞌ ndiꞌin la, chaꞌ ta Ni nu tiꞌí ꞌin neꞌ kanꞌ bra nu wa tyii ti chaꞌ ꞌin neꞌ kanꞌ siyaꞌ ti.

SAN JUDAS 1:7

Kwiꞌ ngwañaꞌan, tyaa yuꞌwi tiꞌ wan ꞌin kichen Sodoma loꞌo kichen Gomorra loꞌo xka la kichen nu ndiꞌin kwiꞌ seꞌen ti; sa ñaꞌan nu yꞌni angajle kanꞌ chaꞌ kuxi, kwiꞌ ngwañaꞌan kaꞌan ꞌa chaꞌ kuxi yꞌni ayman nu mdiꞌin kichen kanꞌ, loꞌo chen ñaꞌan yꞌni neꞌ loꞌo taꞌa kiꞌyu neꞌ. Wa yjwi Ndiose nchga neꞌ kichen kanꞌ loꞌo kiiꞌ tnun nu msuꞌwa Ni bra kanꞌ. Ngwañaꞌan ka biyaꞌ tiꞌ nchga nten nchga chaꞌ tnun nu ka ꞌin Ndiose kuꞌni; kwiꞌ ngwañaꞌan, loꞌo ska kiiꞌ tnun nu ja ka ꞌa tyuwiꞌ ta Ni nu tiꞌí ꞌin nchga nten nu ngiꞌni chaꞌ kuxi.