1 CORINTIOS 10:27 - Chatino Zona Alta Occidental

²⁷ Ja kuwe tiꞌ wan bra nu chkwiꞌ ska nten loꞌo wan chaꞌ ku wan chinꞌ seꞌen ndiꞌin neꞌ, ni siya ska nten nu ja ndiꞌin chaꞌ ꞌin loꞌo Ndiose lka neꞌ kanꞌ. Suꞌwe si tsaa wan seꞌen ndiꞌin neꞌ kanꞌ si suꞌwe nka tiye wan sikwa. Loꞌo kanꞌ ku wan nan lka nu ta ti neꞌ ꞌwan; ja ndiꞌin chaꞌ kuwe tiꞌ wan chaꞌ ꞌin nan nchku wan kanꞌ, si suꞌwe ran, si ja suꞌwe ran chaꞌ ꞌwan.

1 CORINTIOS 10:27 ပူးပေါင်းရင်းမြစ်များ

SAN LUCAS 15:23

Loꞌo kanꞌ tsaa ꞌya wan kuta kuneꞌ nu taan la chaꞌ kujwi wan chaꞌ kuan. ¡Kuꞌnian ska taꞌa!

SAN LUCAS 19:7

Bra nu naꞌan nten chaꞌ ndyaa Jesús seꞌen ndiꞌin Zaqueo kanꞌ, nchga neꞌ lye ꞌa nchkwiꞌ neꞌ ni chaꞌ ndyaa Jesús niꞌ ñaꞌan tyi ska neꞌ kuxi, ska nten nu ndiꞌin ꞌa kiꞌya ꞌin.

1 CORINTIOS 10:25

Ka ku wan nchga nan nu ndujwiꞌ neꞌ lo kiyaꞌ; ja nꞌni chaꞌ kuwe tiꞌ wan nan ka lka ran, si suꞌwe, si ja suꞌwe lka ran chaꞌ ꞌwan.

2 CORINTIOS 1:13

Sa kanꞌ ti chaꞌ ngwaꞌan ba lo kityi nu ngula seꞌen ndiꞌin wan ti kulo, ska chaꞌ nu ka chkwiꞌ wan, ska chaꞌ nu ka ka biyaꞌ tiꞌ wan. Ni siya ni ti, wa nchka biyaꞌ chinꞌ tiꞌ wan chaꞌ kanꞌ, loꞌo nchka tiꞌ ba chaꞌ ti ka biyaꞌ suꞌwe la tiꞌ wan chaꞌ kanꞌ. Loꞌo bra nu tiya tsan nu kan Xꞌnaan Jesús xiyaꞌ, bra kanꞌ ka suꞌwe ka tiye wan ñaꞌan wan ꞌwa; ngwañaꞌan bare ka suꞌwe ka tiye ba ñaꞌan ba ꞌwan bra kanꞌ.

2 CORINTIOS 4:2

Wa ngulaa yaꞌ ba nchga chaꞌ kuxi nu ngiꞌni nten mnan ti, ya ñaꞌan ti chaꞌ nu njyuꞌu ꞌa tiꞌ nten kuꞌni neꞌ. Ja nñilyoꞌo ba ꞌin nten, kwiꞌ ngwañaꞌan ja nxaꞌan ba chaꞌ ꞌin Ndiose loꞌo xka la chaꞌ, bra nu nchkwiꞌ ba chaꞌ kanꞌ loꞌo nten; suꞌwe ti nduꞌu ba nchga chaꞌ nu ꞌin Jesús ꞌin neꞌ. Loꞌo chañi ꞌa chaꞌ kanꞌ, chaꞌ ngwañaꞌan ka biyaꞌ tiꞌ nchga nten chaꞌ tyukwi ti tiye ba ngiꞌni ba tñan ꞌin Ni, sa ñaꞌan lka si nduun ba tloo ykwiꞌ Ndiose.

2 CORINTIOS 5:11

Chunꞌ nduwe ꞌa tiꞌ ba chaꞌ ñaꞌan Ndiose ꞌwa, kanꞌ chaꞌ nchkwiꞌ ꞌa ba chaꞌ ꞌin Jesús loꞌo xka ta nten. Suꞌwe ꞌa nsuꞌwi lyo Ndiose ꞌwa, sa ñaꞌan ngiꞌni skaa ba. Kwiꞌ ngwañaꞌan ꞌwan, nchka tiꞌ ba chaꞌ suꞌwe ꞌa xuꞌwi lyo wan ꞌwa;