1 CORINTIOS 10:15 - Chatino Zona Alta Occidental

¹⁵ Nxkeꞌ tiǎnꞌ chaꞌ suꞌwe ꞌa nnan wan ska chaꞌ, wa lka ndaꞌan suꞌwe chaꞌ tiye wan, nxkeꞌ tiǎnꞌ, kanꞌ chaꞌ nchkwiǐnꞌ loꞌo wan ngwañaꞌan. Ka kiꞌya wan kwenta chaꞌ chañi lka chaꞌ nu nchkwiǐnꞌ loꞌo wan ni.

1 CORINTIOS 10:15 ပူးပေါင်းရင်းမြစ်များ

1 CORINTIOS 10:14

ꞌWan taꞌa suꞌwe nsuꞌwiǐn, suꞌwe ꞌa nka tiyeěn ñaꞌaǎn ꞌwan, kanꞌ chaꞌ nchkwiǐnꞌ ꞌaǎn loꞌo wan ni, chaꞌ ja kuꞌni tnun wan siyaꞌ ti ꞌin nkwin joꞌo ꞌin neꞌ, ja tsaa wan seꞌen ndukwa nkwin joꞌo kanꞌ.

1 CORINTIOS 10:16

Bra nu ndyoꞌ tiꞌian suꞌwa ti loꞌo neꞌ taꞌa msñian chaꞌ ꞌin Jesús ni, nchkuan loꞌo ndiꞌyoan bra kanꞌ; ngwañaꞌan ngiꞌnian chunꞌ chaꞌ nkwan Jesús nan nchkuan ti kulo. Kanꞌ chaꞌ kulo ndukwa la nchkwianꞌ ngwa xuꞌwe ꞌin Ndiose chaꞌ ꞌin tñan nu yꞌni Jesús kanꞌ. Bra nu koꞌoan mñun kanꞌ, bra kanꞌ suꞌwa ndiꞌin chaꞌ ꞌñaan loꞌo ti kwiꞌ Jesús loꞌo nchga neꞌ taꞌaan; ti kwiꞌ bra kanꞌ tyuꞌwi tianꞌ chaꞌ wa ngalu tnen ykwiꞌ Jesús chaꞌ ngujwi Ni lo wsi siꞌyaan. Bra nu nchkuan jaxlya kanꞌ, kwiꞌ ngwañaꞌan lka chaꞌ kanꞌ, suꞌwa ndiꞌin chaꞌ ꞌñaan loꞌo Jesús loꞌo nchga neꞌ taꞌaan; ti kwiꞌ bra kanꞌ tyuꞌwi tianꞌ chaꞌ mda Jesús tyukwi ñaꞌaan ykwiꞌ chaꞌ ngujwi Ni lo wsi siꞌyaan.

1 CORINTIOS 11:13

Ykwiꞌ wan katsaꞌ ñi wan ꞌñaǎn si suꞌwe nxkeꞌ tiꞌ wan chaꞌ chkwiꞌ ska nu kunaꞌan loꞌo Ndiose bra nu ja nchkunꞌ ke neꞌ.

1 CORINTIOS 14:20

ꞌWan taꞌa msñian chaꞌ ꞌin Krixtu, suꞌwe la si ja jlyo tiꞌ wan siyaꞌ ti nan ka lka ska chaꞌ kuxi, ñaꞌan tiꞌ ska nu xuwe nu ja ya ka jlyo tiꞌ chaꞌ kuxi. Loꞌo ni, ndiꞌin chaꞌ tyaꞌan suꞌwe la chaꞌ tiye wan, sa ñaꞌan ndaꞌan chaꞌ tiye ska yu kula, siꞌi sa ñaꞌan nu ndaꞌan chaꞌ tiye ska nu xuwe.

1 CORINTIOS 4:10

¡Ja chan wa mnaꞌ chaꞌ tiya ꞌwa chunꞌ yten ba chaꞌ ꞌin Krixtu! Loꞌo ꞌwan ni, nxkeꞌ tiꞌ wan chaꞌ suꞌwe ꞌa jlyo tiꞌ wan chaꞌ ꞌin Krixtu. ¡Chinꞌ la tñan ngiꞌni bare, ngula la tñan ngiꞌni wan, nxkeꞌ tiꞌ wan! ¡Chañi chaꞌ chen la ñaꞌan ngiꞌni nten loꞌo bare; loꞌo ꞌwan, lye la ngiꞌni tnun neꞌ ꞌwan!

1 CORINTIOS 6:5

Nchkwiǐnꞌ chaꞌ re chaꞌ ka jyuꞌu tiꞌ wan tloo Ndiose. ¿Ta ja ndiya ska nten taꞌa wan nu ka ꞌin kuꞌni biyaꞌ chaꞌ ꞌwan loꞌo taꞌa wan a?

1 CORINTIOS 8:1

Nde kwaꞌaǎn xka chaꞌ lo kityi re, chaꞌ ka biyaꞌ tiꞌ wan sa ñaꞌan ndyoꞌo chaꞌ nu ngiꞌni wan bra nu nchku wan lomstan nu wa mstya neꞌ tloo joꞌo ti kulo. Ndiya wan nu nchkwiꞌ wan: “Jlyo tiꞌ ba, wa ngwiꞌya ba kwenta chaꞌ ja ndiꞌin chaꞌ kti ꞌin joꞌo kwa; ka ku ba lomstan kanꞌ” ndukwin wan. Chañi ꞌa chaꞌ kanꞌ. Loꞌo siyeanꞌ loꞌo taꞌa ntean bra nu chkwianꞌ ngwañaꞌan. Ska ti si suꞌwe ka tiyean ñaꞌaan ꞌin taꞌa ntean, si kuwe tianꞌ ꞌin neꞌ kanꞌ, bra kanꞌ ka tayaanꞌ ꞌin neꞌ.

1 TESALONICENSES 5:21

kuꞌni biyaꞌ wan ꞌin nchga chaꞌ nu chkwiꞌ neꞌ kanꞌ, chaꞌ ka jlyo tiꞌ wan si suꞌwe, o ta ja suꞌwe chaꞌ kanꞌ. Bra kanꞌ xñi wan chaꞌ suꞌwe kanꞌ,