1 CORINTIOS 1:21 - Chatino Zona Alta Occidental

²¹ Yꞌni Ndiose chaꞌ ja ka xuꞌwi lyo nten chalyuu ꞌin Ni chaꞌ ke ti neꞌ, loꞌo jlyo ꞌa tiꞌ Ndiose. Loꞌo ni, ndlaa Ni ꞌin nten nu sten chaꞌ ꞌin Ni, ti kwiꞌ chaꞌ nu ngitsaꞌ ba ꞌin neꞌ, ni siya chaꞌ tintu nchkwiꞌ ba, ndukwin nten bra kanꞌ.

1 CORINTIOS 1:21 ပူးပေါင်းရင်းမြစ်များ

SAN MATEO 11:25

Chunꞌ ndiꞌin la ykwiꞌ Jesús loꞌo Ndiose Sti yu: ―Kuꞌni tnuǔn ꞌiin, Stiǐn; nuꞌwin lkaa Xꞌnan ba, loꞌo nde niꞌ kwan, loꞌo lo chalyuu ―ndukwin Jesús ꞌin Ndiose―. Ngwa xuꞌwe ꞌiin chaꞌ wa yꞌnii chaꞌ ngwa biyaꞌ tiꞌ nten nu ja jlyo suꞌwe tiꞌ nu ngwa sꞌni la. Xka ta nten nu tiya la tiꞌ, loꞌo nten nu nchka ꞌa ꞌin, loꞌo nten nu jlyo ꞌa tiꞌ nchga chaꞌ ꞌiin, nxkeꞌ tiꞌ neꞌ, loꞌo neꞌ kanꞌ ja nchka biyaꞌ la tiꞌ neꞌ kanꞌ.

SAN LUCAS 10:21

Ska bra ti kanꞌ suꞌwe ꞌa yuꞌwi tiye Jesús chaꞌ ndiꞌin Tyiꞌi Ndiose loꞌo yu. Kanꞌ chaꞌ ykwiꞌ Jesús loꞌo Ndiose Sti yu bra kanꞌ: ―Stiǐn, kuꞌni tnuǔn ꞌin nuꞌwin ni. Nuꞌwin lkaa Ndiose nu lka ndloo la ti nde niꞌ kwan, ngwañaꞌan nuꞌwin lkaa ndloo la lo chalyuu. Wa yuꞌwi kutsiꞌ ti chaꞌ kanꞌ, chaꞌ ꞌin nten nu ngwa ti sꞌni la, chaꞌ ja ngwa biyaꞌ tiꞌ siyaꞌ ti nten nu ngwa ꞌa ꞌin chaꞌ joꞌo; ngwa xuꞌwe ꞌiin chaꞌ sa bra ni, wa ngwaꞌuu suꞌwe chaꞌ kanꞌ ꞌin nten nu ja siyeꞌ, nten nu ja jlyo suꞌwe tiꞌ. Ngiꞌni tnuǔn ꞌiin chaꞌ ngwañaꞌan ngwa tiiꞌ chaꞌ ka ―ndukwin Jesús ꞌin Ndiose.

SAN LUCAS 12:32

’Ja kutsen wan. Nten ꞌñaǎn lka wan, ni siya chinꞌ ti neꞌ taꞌa wan nu lka wan nten ꞌin Ndiose; wa mjwi chalyuu suꞌwe ꞌwan chaꞌ Ndiose Stiǐn lka ndloo la ꞌwan, chaꞌ ngwañaꞌan nchka tiꞌ Ni.

SAN JUAN 12:31

Wa ndiya bra nu kuꞌni biyaꞌ Ndiose ꞌin nchga nten chalyuu, wa ndiya bra nu tyijiǐn lyoǔn ꞌin kuneꞌ xaꞌan nu nka ndloo lo chalyuu ―ndukwin Jesús ꞌin neꞌ―.

ROMANOS 1:28

Ngwañaꞌan ndiꞌin chaꞌ ꞌin nten chalyuu, chaꞌ ja nchka tiꞌ neꞌ xuꞌwi lyo neꞌ ꞌin Ndiose; kanꞌ chaꞌ ngulaa yaꞌ Ndiose ꞌin neꞌ chaꞌ kuꞌni neꞌ chaꞌ xaꞌan kanꞌ, nda Ni chinꞌ tyempu ꞌin neꞌ chaꞌ kuꞌni neꞌ ñaꞌaan chaꞌ kuxi nu nchka tiꞌ neꞌ kuꞌni neꞌ.

ROMANOS 11:33

¡Tlyu ꞌa chaꞌ suꞌwe nsuꞌwi seꞌen ndiꞌin Ndiose; nchga chaꞌ nchka biyaꞌ tiꞌ Ni, nchga chaꞌ jlyo tiꞌ Ni! Ska ti Ndiose jlyo tiꞌ nan lka nu ndijyan nde loo la, ska ti Ndiose jlyo tiꞌ nan lka nu ngiꞌni Ni. Nde ndiya ska chaꞌ nu ndukwa lo kityi kula:

1 CORINTIOS 1:18

Nten nu ngiꞌni ñuꞌun ꞌin ti ykwiꞌ ti siꞌya chaꞌ xaꞌan nu ngiꞌni neꞌ, ja nchka ꞌa ka biyaꞌ tiꞌ neꞌ chaꞌ ꞌin Krixtu; xtyi lyoꞌo neꞌ ꞌñaan si chkwianꞌ loꞌo neꞌ sa ñaꞌan ndiꞌin chaꞌ ꞌin Krixtu, chaꞌ ngujwi Ni lo wsi siꞌyaan, chaꞌ kuꞌni tyii Ni kiꞌya nu ndukwian. Nan ni, nu mdoꞌo laan ꞌin kiꞌya nu ndukwian chunꞌ tñan nu yꞌni Krixtu, tnun ꞌa chaꞌ yꞌni Ndiose, nxkeꞌ tianꞌ.

1 CORINTIOS 1:23

Loꞌo bare ni, ska loo ti chaꞌ ngitsaꞌ ba ꞌin nten chaꞌ ꞌin Krixtu nu wa ngujwi lo wsi chaꞌ kulaa ꞌñaan ꞌin nchga chaꞌ xaꞌan. Kanꞌ kuxi ꞌa nka tiye neꞌ judío xa wa ynan neꞌ chaꞌ nu nchkwiꞌ bare. Loꞌo neꞌ xka laꞌa tsuꞌ, chaꞌ tintu ꞌa nchkwiꞌ ba, nka tiye neꞌ kanꞌ; ja nsuꞌwi chaꞌ tiya ꞌñaan siyaꞌ ti, nka tiye neꞌ kanꞌ.

1 CORINTIOS 1:24

Loꞌo nan ni, xka ñaꞌan nka tiyean xa nu ngulo suwi Ndiose ꞌñaan, ni siya lkaan neꞌ judío, ni siya lkaan neꞌ xka laꞌa tsuꞌ. Ska ti chaꞌ ꞌin Krixtu nchkwianꞌ. Ska ti Krixtu ndiya nchga chabiyaꞌ, nchga chaꞌ suꞌwe nu nchka tiꞌ Ndiose chaꞌ ka biyaꞌ tianꞌ.

1 CORINTIOS 1:25

Suꞌwe ꞌa ndyoꞌo nchga chaꞌ nu nchkwiꞌ Ndiose, ni siya nchkwiꞌ nten chalyuu chaꞌ tintu ꞌa chaꞌ kanꞌ; kuxi la ndyoꞌo nchga chaꞌ tnun nu nchkwiꞌ nten chalyuu nu nxkeꞌ tiꞌ chaꞌ nchka ꞌa nchkwiꞌ. Kwiꞌ ngwañaꞌan tnun la ti nchga loo tñan nu ngiꞌni Ndiose, ni siya nchkwiꞌ nten chaꞌ ja nchka ꞌin Ni kuꞌni Ni tñan; loꞌo kuxi la ndyaa toꞌo tñan ngiꞌni nten ti ykwiꞌ ti.

1 CORINTIOS 1:27

Ti kwiꞌ ꞌwan nu nchkwiꞌ nten chaꞌ ja suꞌwe wan siyaꞌ ti, loꞌo ni, lka wan nten nu ndiya la tiꞌ Ndiose. Ngwañaꞌan nchka tiꞌ Ndiose ta chaꞌ wjyuꞌu ꞌin nten nu nxkeꞌ tiꞌ chaꞌ nchka ꞌa nchkwiꞌ; kanꞌ chaꞌ wa ngulo suwi Ni ꞌwan, ni siya nten tiꞌi lka wan. Loꞌo nda Ni chaꞌ wjyuꞌu ꞌin nten nu tnun ꞌa chaꞌ nchka ꞌin, nxkeꞌ tiꞌ neꞌ; kanꞌ chaꞌ ngulo suwi Ni ꞌwan, ni siya ja nchka lye ꞌwan.

1 CORINTIOS 11:32

Ngiꞌni tlá Ni ꞌñaan, kwiꞌ ngwañaꞌan nda Ni nu tiꞌí ꞌñaan siꞌya chaꞌ kuxi nu ngiꞌnian, chaꞌ nu chunꞌ ndiꞌin la, xa wa mdyii chalyuu ja tsaan nde lo jwlyaa loꞌo nten nu ja ndukwa chaꞌ ꞌin Ni siyaꞌ ti.

1 CORINTIOS 2:14

Nten nu ja suꞌwa chaꞌ ꞌin loꞌo Ndiose, ja ka ka biyaꞌ tiꞌ neꞌ kanꞌ ska tñan nu ngiꞌni Ndiose loꞌo Tyiꞌi Ni; ja nchka ka biyaꞌ tiꞌ neꞌ chaꞌ kanꞌ, ja ngiꞌni suꞌwe chaꞌ kanꞌ siyaꞌ ti, nxkeꞌ tiꞌ neꞌ kanꞌ. Ska ti si ndiꞌin Tyiꞌi Ndiose niꞌ kasiya ꞌñaan, bra kanꞌ ka biyaꞌ tianꞌ sa ñaꞌan lka chaꞌ kanꞌ,

1 CORINTIOS 4:10

¡Ja chan wa mnaꞌ chaꞌ tiya ꞌwa chunꞌ yten ba chaꞌ ꞌin Krixtu! Loꞌo ꞌwan ni, nxkeꞌ tiꞌ wan chaꞌ suꞌwe ꞌa jlyo tiꞌ wan chaꞌ ꞌin Krixtu. ¡Chinꞌ la tñan ngiꞌni bare, ngula la tñan ngiꞌni wan, nxkeꞌ tiꞌ wan! ¡Chañi chaꞌ chen la ñaꞌan ngiꞌni nten loꞌo bare; loꞌo ꞌwan, lye la ngiꞌni tnun neꞌ ꞌwan!

1 CORINTIOS 6:2

Wa jlyo tiꞌ wan chaꞌ ti kwiꞌ taꞌaan ndiꞌin chaꞌ kuꞌni biyaanꞌ ꞌin nchga nten chalyuu xa wa tyii ti chaꞌ, chaꞌ wa ndiꞌin chaꞌ ꞌñaan loꞌo Ndiose. Si ngwañaꞌan ka tñan nu kuꞌni wan chunꞌ ndiꞌin la, ¿ni chaꞌ ja ka ꞌwan kuꞌni biyaꞌ wan ꞌin ska chaꞌ xuwe ti lo chalyuu re ni?

GÁLATAS 1:15

Loꞌo ndla la yꞌni Ndiose; bra nu ja ya kalaǎn wa ngulo suwi Ni ꞌñaǎn chaꞌ kaǎn nten ꞌin Ni, chaꞌ ngwañaꞌan ngwa tiꞌ Ni chaꞌ ka. Nan wa ngulo suwi Ni ꞌñaǎn chaꞌ suꞌwe ꞌa nka tiye Ni loꞌoǔn.

GÁLATAS 4:8

Sꞌni la, bra nu ti ji ka biyaꞌ suꞌwe tiꞌ wan chaꞌ ꞌin Ndiose, msñi wan chaꞌ ꞌin xka ta joꞌo, chaꞌ kuꞌni wan tñan ꞌin ran, joꞌo nu siꞌi Ndiose nu chañi lka.

EFESIOS 1:9

Sa ñaꞌan nu ngwiꞌya chaꞌ ke Ni ti sꞌni, ngwañaꞌan yꞌni Ni bra kanꞌ; ni siya ja ytsaꞌ Ni ꞌin nten chalyuu nu ngwa sꞌni sa ñaꞌan ndiꞌin chaꞌ kanꞌ, ti bra kanꞌ ngwa tiꞌ Ni chaꞌ kala Krixtu lo chalyuu re. Loꞌo ni, wa ngwa biyaꞌ suꞌwe tianꞌ sa ñaꞌan nu ngwa tiꞌ Ndiose chaꞌ kuꞌni Ni xa nu yan Krixtu;

EFESIOS 3:10

loꞌo ni, ka biyaꞌ tiꞌ nchga kwiꞌin nu nka ndloo la nde niꞌ kwan, bra nu ñaꞌan kwiꞌin kanꞌ ꞌin nten chalyuu nu ngiꞌni tnun ꞌin Krixtu sa tlyu ti. Loꞌo kwiꞌin nu ngwa tiꞌ tyijin lyo ꞌin Ndiose nu ngwa sꞌni, loꞌo kwiꞌin kanꞌ ka biyaꞌ tiꞌ chaꞌ nchka la ꞌin Ndiose ke ska nan nu ngwiñan Ni.

COLOSENSES 1:19

Wa ndukwin Ndiose chaꞌ ka Sñiꞌ sa ñaꞌan nu lka ykwiꞌ Ni,

HEBREOS 1:14

Nchga angajle nu ndiya nde niꞌ kwan ni, nchga tsan ngiꞌni angajle kanꞌ tñan nu ndlo Ndiose; kwiꞌin nu suꞌwe ꞌa lka angajle kanꞌ. Ndlo Ndiose tñan ꞌin angajle kanꞌ ndijyan lo chalyuu, chaꞌ tayaꞌ ꞌin nchga nten chalyuu nu wa tyoꞌo laa ꞌin chaꞌ kuxi chunꞌ Jesús, chaꞌ nu wa tsaa tii chalyuu re.

HEBREOS 2:3

Kwiꞌ ngwañaꞌan ka ꞌñaan ni, ja kaja ñaꞌan lyaan ꞌin Ndiose xa wa mdyii chalyuu, bra nu kuꞌni biyaꞌ Ni ꞌin nchga nten, si ja kunaan chaꞌ nu wa ykwiꞌ Ni, chaꞌ nu tyoꞌo laan ꞌin chaꞌ kuxi. Kulo ndukwa la ytsaꞌ ykwiꞌ Jesús nu nka Xꞌnaan chaꞌ kanꞌ ꞌin nten nu yꞌni xaꞌan chaꞌ ꞌin yu. Ynan neꞌ chaꞌ nu ykwiꞌ yu bra kanꞌ; chunꞌ ndiꞌin la loꞌoan ytsaꞌ neꞌ kanꞌ ꞌñaan. Kanꞌ chaꞌ jlyo tianꞌ chaꞌ chañi lka chaꞌ kanꞌ.

HEBREOS 7:25

Nchga bra, ni siya ni, ni siya nde loo la, ka ꞌin Ni kulaa Ni ꞌin nchga nten nu xñi chaꞌ ꞌin Ndiose. Nchga tyempu ndiꞌin Jesús nde seꞌen ndiꞌin Ndiose, chaꞌ chkwiꞌ Ni loꞌo Sti Ni chaꞌ ꞌñaan.

SANTIAGO 4:4

¡Wa ngulaa yaꞌ wan ꞌin Ndiose, wa ndiꞌin chaꞌ ꞌwan loꞌo ska chaꞌ nu kuxi ꞌa, si ngwañaꞌan ngiꞌni wan! ¿Ja nchka biyaꞌ tiꞌ wan chaꞌ nu nxuan loꞌo Ndiose si xkwiꞌ chaꞌ ꞌñaan, ti ykwiinꞌ tian, ndaꞌan chaꞌ tiyean a? Nan nxuan loꞌo Ndiose, si kuꞌnian ska ti chaꞌ loꞌo chaꞌ kuxi nu nsuꞌwi lo chalyuu.

SANTIAGO 5:15

Chkaa nu tiꞌí kanꞌ bra kanꞌ, chaꞌ nu ndyaa ñaꞌan tiꞌ wan chaꞌ nu wa ykwiꞌ wan loꞌo Ndiose. Ti ta Ni chalyuu ꞌin nu tiꞌí kanꞌ xiyaꞌ, kwiꞌ ngwañaꞌan kuꞌni Ni chaꞌ tlyu tiꞌ ꞌin yu nchga kiꞌya nu ndukwi yu.

SANTIAGO 5:20

Si ndiya ska wan nu ka chkwiꞌ loꞌo taꞌa nten yu chaꞌ ja kuꞌni ꞌa neꞌ chaꞌ kuxi, chaꞌ ka kwaꞌu wan chaꞌ ꞌin Ndiose ꞌin neꞌ kanꞌ xiyaꞌ, suꞌwe ꞌa tñan kuꞌni yu bra kanꞌ; ka kulaa yu ꞌin neꞌ kanꞌ bra kanꞌ, chaꞌ ja kanaꞌ kasiya ꞌin neꞌ. Kwiꞌ ngwañaꞌan, kaja ñaꞌan nu kuꞌni Ndiose chaꞌ tlyu tiꞌ ꞌin neꞌ chaꞌ ꞌin nchga kiꞌya nu ndiꞌin ꞌin neꞌ kanꞌ.