1 CORINTIOS 1:14 - Chatino Zona Alta Occidental

¹⁴ Ja tukwin mdukwatyaǎn seꞌen ndiꞌin wan. Suꞌwe la ngwañaꞌan chaꞌ ꞌin Ndiose, nxkeꞌ tiǎnꞌ; siꞌi naꞌ nu yꞌniǐn tñan kanꞌ, ni siya mdukwatyaǎn ꞌin Crispo loꞌo Gayu ti,

1 CORINTIOS 1:14 ပူးပေါင်းရင်းမြစ်များ

LOS HECHOS 10:48

Loꞌo ykwiꞌ Tyu loꞌo Cornelio loꞌo taꞌa yu bra kanꞌ: ―Suꞌwe la si tukwatya ba ꞌwan ni, chabiyaꞌ ꞌin Jesucristo, chaꞌ ka biyaꞌ tiꞌ nten kichen re chaꞌ nten ꞌin Jesucristo lka wan. Xa wa ngwa chaꞌ kanꞌ, lye ngunin neꞌ ꞌin Tyu chaꞌ ti kanun la yu tukwa snan la tsan loꞌo neꞌ.

LOS HECHOS 18:8

Loꞌo Crispo nu lka ska yu kula nu nka ndloo niꞌ lyaa ꞌin neꞌ judío, loꞌo yu msñi yu chaꞌ ꞌin Ndiose nu nka Xꞌnaan. Ndyaa ñaꞌan tiꞌ Crispo kanꞌ ꞌin Ndiose, kwiꞌ ngwañaꞌan ndyaa ñaꞌan tiꞌ nchga nten ꞌin yu. Kaꞌan ꞌa neꞌ Corinto msñi neꞌ chaꞌ ꞌin Jesús, kanꞌ chaꞌ ngwatya neꞌ kanꞌ bra kanꞌ.

ROMANOS 16:23

Loꞌo Gayu nchkwiꞌ yu loꞌoǔn chaꞌ chkwiǐnꞌ loꞌo wan chaꞌ ꞌin yu; kwiꞌ naꞌan tyi yu nda yu chaꞌ ndiꞌiǐn, loꞌo nda yu naꞌan tyi yu chaꞌ ndyoꞌ tiꞌin nchga neꞌ re nu ndiꞌin chaꞌ ꞌin loꞌo Krixtu. Bra kanꞌ loꞌo Rastu nu nka ndloo ꞌin tñi kichen re, nchka tiꞌ yu ta yu kasiya ꞌwan; ti kwiꞌ ti chaꞌ nchka tiꞌ Cuarto, yu taꞌaǎn.

1 CORINTIOS 1:15

ja ka chkwiꞌ nten chaꞌ ndyukwatya wan chaꞌ ꞌñaǎn sikwa.

1 CORINTIOS 1:4

Nchga tsan ndyaǎn xuꞌwe ꞌin Ndiose chaꞌ ꞌwan, chaꞌ nda ꞌa Ni chaꞌ suꞌwe ꞌwan chunꞌ tñan nu yꞌni Jesucristo.

1 CORINTIOS 14:18

Loꞌo naꞌ, chabiyaꞌ ꞌin Ndiose, suꞌwe ꞌa nka tiyeěn chaꞌ nchka ꞌñaǎn nchkwiǐnꞌ kaꞌan la chaꞌ nu nchkwiꞌ neꞌ xka kichen; nchka la ꞌñaǎn, chinꞌ la chaꞌ nchka ꞌwan, nxkeꞌ tiǎnꞌ.

2 CORINTIOS 2:14

Lye ꞌa tyaan xuꞌwe ꞌin Ndiose chaꞌ ska ti chaꞌ ꞌñaan loꞌo Krixtu. Sa ñaꞌan lka si ndaꞌaan loꞌo Ndiose tuwiin sa tlyu ti chaꞌ ngiꞌniin tnuan ꞌin Jesucristo, chaꞌ wa mdijin lyo yu ꞌin nu kuxi. Ngwañaꞌan loꞌo ꞌñaan ta Ni seꞌen tyaꞌaan laja nten kanꞌ, chaꞌ loꞌoan nchkwianꞌ chaꞌ ꞌin Krixtu seꞌen ndiꞌin neꞌ nchga kichen; ngitsaanꞌ chaꞌ ꞌin Ndiose seꞌen ndiꞌin nten, ni siya nchkwianꞌ loꞌo nten nu nchka ꞌa tiꞌ tyoꞌo laa ꞌin chaꞌ kuxi, ni siya nchkwianꞌ loꞌo xka ta nten nu ja nchka tiꞌ kunan chaꞌ suꞌwe kanꞌ. Ñaꞌan tiꞌ ska nan nu xi tyiꞌi nu ndyukwa ꞌa tyiꞌi nchga seꞌen, kwiꞌ ngwañaꞌan lka tñan nu ngiꞌnian chabiyaꞌ ꞌin Ndiose. Ndiya ꞌa tiꞌ Ndiose ꞌin ran, kwiꞌ ngwañaꞌan ndiya tiꞌ Ni tñan nu ngiꞌni Krixtu lo chalyuu loꞌoan.

EFESIOS 5:20

Nchga bra suꞌwe chaꞌ tya wan xuꞌwe ꞌin Ndiose Stian chabiyaꞌ ꞌin Xꞌnaan Jesucristo; tya wan xuꞌwe ꞌin Ni chaꞌ ꞌin nchga chaꞌ nu nchka ꞌwan, ni siya chaꞌ suꞌwe, ni siya chaꞌ nu ja suꞌwe.

COLOSENSES 3:15

Tiin ti tyiꞌin kasiya ꞌwan sikwa, chaꞌ Ndiose nka ndloo ꞌwan; wa ngulo suwi Ni ꞌwan, loꞌo ꞌin xka la nten taꞌa wan, chaꞌ ka wan ska ta ti nten chaꞌ ꞌin Ndiose. Loꞌo ngwañaꞌan, suꞌwe si nchga bra tya wan xuꞌwe ꞌin Ndiose chaꞌ ꞌin nchga lo nan.

COLOSENSES 3:17

Nchga tñan nu nchka tiꞌ wan kuꞌni wan, nchga chaꞌ nu nchka tiꞌ wan chkwiꞌ wan loꞌo nten, chabiyaꞌ ꞌin Jesús nu nka Xꞌnaan kuꞌni wan ꞌin ran sikwa. Loꞌo ngwañaꞌan, ti kwiꞌ bra kanꞌ tya wan xuꞌwe ꞌin Ndiose Stian chaꞌ ꞌin Jesús.

1 TESALONICENSES 5:18

Kwiꞌ ngwañaꞌan, tya wan xuꞌwe ꞌin Ndiose chaꞌ ꞌin nchga chaꞌ nu nchka ꞌwan. Nchka tiꞌ Ni chaꞌ kuꞌni wan ngwañaꞌan si chañi chaꞌ msñi wan chaꞌ ꞌin Jesucristo.

1 TIMOTEO 1:12

Ndyaǎn ꞌa xuꞌwe ꞌin Jesucristo nu nka Xꞌnaan chaꞌ nu yꞌni Ni chaꞌ ngwa ꞌñaǎn kuꞌniǐn tñan ꞌin Ni; ndyaǎn xuꞌwe ꞌin Ni chaꞌ ngulo suwi Ni ꞌñaǎn chaꞌ kuꞌniǐn tñan ꞌin Ni, chunꞌ jlyo tiꞌ Ni chaꞌ ndukwaǎn tñan nu ndlo Ni.

FILEMÓN 1:4

Ndyaǎn xuꞌwe ꞌin Ndiose chaꞌ ꞌiin, Filemón, nchga bra nu nchkwiǐnꞌ loꞌo Ndiose.