Romanos 8:8 - Porciones del Nuevo Testamento

⁸ Zharadꞌebemane nʉmerã Daizezeba krĩñane nʉme ẽã.

Romanos 8:8 ပူးပေါင်းရင်းမြစ်များ

Mateo 3:17

Maʉ̃ne Daizezeta bãjãneba bedꞌeabʉrʉta mawũãsia: Naʉ̃ mʉ Warra mʉãrã kʉãgꞌa, mʉrã izhi kꞌarea sobia bꞌʉa.

Juan 3:3

Mawũãĩ Jesúsbara panaʉ̃ mawũãsia: Mʉã wãrĩnu bʉaa jaraya, iabꞌa wakusa tobʉrʉ ẽãrã Daizezeta Nokꞌodꞌebema ẽã.

Juan 8:29

Mʉ zokꞌadꞌara mʉ ũme bꞌʉa, aramaʉ̃ne mʉ Zezebara mʉrã dobꞌa kenabꞌari ẽã, mʉãrã ewariza obꞌʉba izha krĩñata.

Romanos 1:21

Daizezedꞌebema kꞌawua bꞌeta Daizezera ibia jaradꞌa ẽã, miã zhibia jida ẽã, aramaʉ̃ne sãwũãta kꞌawuadꞌa ẽã, aramaʉ̃ne sodꞌebara kꞌawuadꞌa ẽkĩrãkꞌa bꞌeba so pãrĩgu bꞌea.

Romanos 7:5

Kꞌazhiruadꞌe zharadꞌebemane bꞌeasidꞌera kꞌazhiruara wuaabʉrʉ okrĩñasidꞌa Moisé ũrãgꞌaba o ẽbaita jara bꞌʉta, aramaʉ̃ne dazhi kꞌakuaba obꞌʉbara dazhira aduaita beui basia.

Romanos 8:9

Mawũãmina marã zharadꞌebemane nʉme ẽã, awuarabʉrʉ Jawurebiadꞌeba nʉmeã Jawurebia Daizezedꞌeta marãne edꞌa bꞌʉbʉrʉ. Iabꞌaʉta Jawurebia Cristodꞌeta ne ẽbʉrʉ izhidꞌe ẽã.