Romanos 8:6 - Porciones del Nuevo Testamento

⁶ Zharadꞌebemata krĩcha bꞌʉra aduaita beuya, mawũãmina Jawurebiadꞌebemata krĩcha bꞌʉra Daizeze ũme bꞌai jõ ẽã bꞌaya adu-a.

Romanos 8:6 ပူးပေါင်းရင်းမြစ်များ

Juan 14:27

Adu-a bꞌaidꞌebemata mʉã marãĩta ãmaẽña, adu-a bꞌaidꞌebemata mʉrẽta mʉã marãã diaya. Maʉ̃ mʉãrã dedꞌeka ẽã ẽjũãne bꞌeba aritiaedꞌa diabada kĩrãkꞌa. Mawũẽ sopuarãũdua, miã perarãũdua.

Juan 14:6

Mawũãĩ Jesúsbara mawũãsia: Mʉta oa, mʉta wãrã, mʉta bꞌai jõ ẽãnebema. Mawũẽ miõta mʉ Zezema jũẽ ẽã, awuarabʉrʉ jũẽña mʉneba.

Juan 17:5

Kꞌõbebʉrʉ Zeze, mʉrã bʉ kꞌaita zhi zromata bꞌʉdua, bʉ ũme zhi zromata bꞌadꞌa kĩrãkꞌa ẽjũã nʉmeĩ nawedꞌa.

Romanos 13:14

Awuarabʉrʉ Nokꞌo Jesucristo kĩrãkꞌa bꞌeba orãũdua zharaba krĩñata.

Romanos 14:17

Daizezeta Nokꞌodꞌebemata nʉmaĩrã zhikodꞌeba kꞌãrẽ dobadadꞌeba nʉma ẽã, awuarabʉrʉ maʉ̃ne nʉmaña kĩrãẽpa bꞌʉdꞌeba, adu-a bꞌʉdꞌeba, sobia bꞌʉdꞌeba Jawurebiadꞌeba.

Romanos 5:1

Ĩjã bꞌedꞌeba bedꞌea ne ẽã duanukꞌãrĩba dazhirã Daizeze bawara bedꞌea ne ẽã bꞌea dazhirã Nokꞌo Jesucristodꞌeba.

Romanos 5:10

Izhi ũme zhi jurata bꞌedꞌe Daizezebara dazhira izhi bawara zhibiata bꞌʉsia zhi warra bebudꞌeba, mawũã zhibiata bꞌʉdꞌaba ẽdrʉdꞌaya Cristota bꞌʉdꞌeba.

Romanos 6:21

¿Bia ẽãta obꞌeadꞌadꞌebara kꞌãrẽ biata jidasidꞌa, maʉ̃nebara idꞌidꞌera marã pera duanu ẽka? Maʉ̃nebara aduaita beuya.

Romanos 6:23

Kꞌazhiruata obꞌʉdꞌebara aduaita beuya. Mawũãneba Daizezebara izhi ũme bꞌai jõ ẽãta bari dia bꞌʉa Jesucristo dazhirã Nokꞌodꞌeba.

Romanos 7:11

Kꞌazhiruabara Moisé ũrãgꞌaba jara bꞌʉra obi ẽãba mʉrã sewasia, aramaʉ̃ne mʉrã aduabiita beai basia.

Romanos 7:5

Kꞌazhiruadꞌe zharadꞌebemane bꞌeasidꞌera kꞌazhiruara wuaabʉrʉ okrĩñasidꞌa Moisé ũrãgꞌaba o ẽbaita jara bꞌʉta, aramaʉ̃ne dazhi kꞌakuaba obꞌʉbara dazhira aduaita beui basia.

Romanos 8:13

Zharadꞌebemane nʉmeãĩbʉrʉ aduaita beudꞌaya. Mawũãmina Jawurebiadꞌeba beubibʉdata zharadꞌebemata odꞌa ẽãrã Daizeze ũme bꞌai jõ ẽã bꞌeaya.

Romanos 8:27

Mawũãmina Daizezebara dazhi sora ũdu kꞌawua bꞌʉba kꞌawua bꞌʉa Jawurebiaba kꞌãrẽ widꞌi bꞌʉra, izhira Daizezeba krĩñane zhiwidꞌi bꞌʉa izhidꞌerãĩta.

Romanos 8:7

Zharadꞌebemata krĩcha bꞌedꞌeba Daizezeba jurata bꞌebara Daizeze ũrãgꞌara aribꞌaedꞌa ẽã, miã bꞌedꞌa ẽã.