Romanos 8:35 - Porciones del Nuevo Testamento

³⁵ ¿Dazhira kꞌaiba ãĩ tʉipe Cristoba kʉãgꞌata bꞌera? ¿Zuburia nʉmʉbara, sopua nʉmʉbara, bĩ ẽã odꞌaita pẽwã nʉmebara, jarrabadꞌe nʉmʉbara, wua ne ẽã nʉmʉbara, menajachadꞌe nʉmʉbara, kuchoba beaita nʉmebara ãĩ tʉika?

Romanos 8:35 ပူးပေါင်းရင်းမြစ်များ

Juan 10:28

Mʉãrã dedꞌekaya Daizeze ũme bꞌai jõ ẽãta, mawũẽ aduadꞌa ẽã, miõba jãrĩkua ẽã mʉ juwuadꞌebara.

Juan 13:1

Egiptodꞌeba ẽzoadꞌata krĩcha fiesta obada nawedꞌa, Jesúsbara kꞌawua bꞌasia ewari arabata naʉ̃ ẽjũãnebara zhi Zezema wãĩta, izhi pẽwã bꞌeta naʉ̃ ẽjũãne bꞌera kʉãgꞌaba kʉãgꞌasia druadꞌe bꞌʉ ewarita jõbʉrʉidꞌu.

Juan 16:33

Mʉã maʉ̃ta marãã jarabʉrʉa mʉneba adu-a bꞌeamarẽã. Naʉ̃ ẽjũãnerã marã zuburiaya, mawũãmina wãnigua bꞌeaudua, mʉã edre bꞌaebisia ãtõmiã zareata ẽjũãne nʉmʉrã.

Hechos 14:22

Maʉ̃zara wãnigua bꞌeamarẽã jarasidꞌa Jesúsdꞌebema ĩjã bꞌea, aramaʉ̃ne soidꞌu bꞌeamarẽã ũrãgꞌa mawũãsidꞌa: Ne biodꞌe zuburiai bara dazhi edꞌa wãĩrã Daizezeta Nokꞌota bꞌʉ maẽ.

Romanos 2:9

Izha pua kꞌawua obʉrʉdꞌera zuburia bꞌeaya, sopua bꞌeaya bia ẽãta obꞌera judíorãta judíorã ẽãta.

Romanos 8:17

Mawũã zhi warrarã baera Daizezeba ne erubꞌʉta jidadꞌaya Cristo bawarauba, izhi zuburiadꞌa kĩrãkꞌa zuburiadꞌara Daizezebara Cristo bawara bia bꞌʉya.

Romanos 8:37

Maʉ̃ zuburiara dazhirãbara jõma edre bꞌaebibada Jesucristodꞌeba dazhirã kʉãgꞌadꞌeba.

Romanos 8:39

jaita ʉ̃tʉ, eidꞌu nʉmʉbara, miã ne awʉrʉbara dazhira ãĩ tʉ bꞌe ẽã Daizezeba kʉãgꞌata bꞌera Jesucristo dazhirã Nokꞌodꞌeba.