Romanos 8:26 - Porciones del Nuevo Testamento

²⁶ Aramaʉ̃ kĩrãkꞌa dazhira Jawurebiaba kꞌareba bꞌʉa dazha bꞌe ẽãnebemane. Daizezea kꞌãrẽ bigata widꞌiira dazhara kꞌawua ẽã. Mawũãmina Jawurebiata dazhibari ʉ̃ĩ-ʉ̃ĩã zhiwidꞌi bꞌʉa, maʉ̃ sãwũãta jaraidꞌe bꞌʉ ẽã.

Romanos 8:26 ပူးပေါင်းရင်းမြစ်များ

Mateo 10:20

Aramaʉ̃nerã marãta bedꞌea ẽã, awuarabʉrʉ Jawurebia marã Zezedꞌeta bedꞌeaya marãneba.

Mateo 20:22

Mawũãĩ Jesúsbara panaʉ̃ mawũãsia: Marãbara kꞌawuadꞌa ẽã kꞌãrẽ widꞌi panʉrã. ¿Marã zuburiaita panʉka mʉ zuburiai kĩrãkꞌara? Mawũãĩ ãzhara mawũãsidꞌa: Daibara bꞌedꞌaya.

Lucas 22:44

Mawũẽ sopua kꞌobꞌʉidꞌu zhiwidꞌisia audre zarea. Maʉ̃nerã izhi jʉara wa kĩrãkꞌa waibꞌʉa erezoasia bꞌae bʉsita egoroidꞌu.

Juan 14:16

Mawũãrã mʉta zuburia bedꞌeaya mʉ Zezea, mobedꞌeba marãã diaya awʉrʉ marã Kꞌarebata, aramaʉ̃ne marã bawara bꞌamarẽã ewariza.

Romanos 15:1

Dazhi zarea nʉmebara kꞌarebadꞌaibara zarea nʉme ẽãrã, aramaʉ̃ne dazhiitabʉrʉ bia nʉmeã ẽã.

Romanos 7:24

¡Mʉrã zuburia bꞌʉa! ¿Mʉrã kꞌaiba ẽdrʉbiipe mʉ kꞌakuaba mʉ aduabiita beaita nʉmʉrã?

Romanos 8:15

Marãba Jawurebiata jidadꞌabara marã nezokꞌata bꞌʉ ẽbasia, mawũẽ nezokꞌata bꞌeadꞌa kĩrãkꞌa wakusa pera bꞌeaidꞌe bꞌʉ ẽã, awuarabʉrʉ Jawurebiara jidasidꞌa marã Daizeze warrarã babidꞌata. Izhidꞌeba dazhirãbara Daizezea ¡Zeze! abada.