Romanos 8:2 - Porciones del Nuevo Testamento

² Bꞌai zhiwidꞌita Jawurebiaba Jesucristodꞌeba dia bꞌʉba dazhira kꞌazhiruadꞌeba ẽdrʉbisia aduaita beui badꞌata.

Romanos 8:2 ပူးပေါင်းရင်းမြစ်များ

Juan 4:10

Mawũãĩ Jesúsbara panaʉ̃ mawũãsia: Daizezeba dia bꞌʉdꞌebemata sãwũãta bʉa kꞌawuara, kꞌaiba baniã mʉã doita diadua abʉrʉta bʉa kꞌawuara, bʉara baniã widꞌikꞌausia, mobedꞌeba mʉãrã diakꞌausia baniã dazhi bꞌabi bꞌʉta.

Juan 4:14

Mawũãmina baniã mʉã diabʉrʉta dobʉrʉra obisiakꞌa baya, awuarabʉrʉ baniã mʉã diabʉrʉra izhidꞌe drʉ nʉmaña Daizeze ũme bꞌai jõ ẽãta.

Juan 6:63

Jawurebiabʉrʉ dia bꞌʉa Daizeze ũme bꞌai jõ ẽãta, zharabara dia ẽã. Bedꞌeata mʉã marãã jara bꞌʉra Jawurebiadꞌebemata Daizeze ũme bꞌai jõ ẽãnebema.

Juan 8:32

Mawũãrã kꞌawuadꞌaya Daizezedꞌebema wãrãta, wãrãbara ẽdrʉbigaya.

Juan 8:36

Mawũẽ mʉta Daizeze Warraba ẽdrʉbigara, wãrĩnu ẽdrʉdꞌaya.

Romanos 16:3

Saludo diaudua Priscila dewara Aquila, ãzhira mʉ kĩrãkꞌa Jesucristodꞌebema kꞌaudꞌa panʉã.

Romanos 3:27

¿Aramaʉ̃nerã arakꞌãwũãrã bia nʉmaĩka? ¡Arakꞌãwũãrã ãĩ bꞌʉya! ¿Bia nʉmaĩka Moisé ũrãgꞌadꞌebara? ¿Bia nʉmaĩka maʉ̃ ũrãgꞌata aribꞌae bꞌʉdꞌebara? Mawũã ẽã, awuarabʉrʉ bia nʉmaña Jesúsdꞌebema ũrãgꞌata ĩjã bꞌʉba.

Romanos 5:21

Kꞌazhiruata obadaba aduaita beubada, mawũãmina Daizezebara izhi biaba bedꞌea ne ẽã bꞌʉya izhi ũme bꞌai jõ ẽã bꞌabiita Jesucristo dazhirã Nokꞌodꞌeba.

Romanos 6:14

Kꞌazhiruabara marã kꞌabꞌari nʉmaĩne bꞌʉ ẽã. Marã Moisé ũrãgꞌa edre nʉmeba ẽdrʉita nʉmʉ ẽã, awuarabʉrʉ ẽdrʉya Daizezeba izhi biaba ẽdrʉbidꞌa edre nʉmeba.

Romanos 6:18

Kꞌazhiruadꞌebara ẽdrʉdꞌape Daizeze nezokꞌarãta duanesia biata odꞌaita.

Romanos 6:22

Mawũãmina idꞌidꞌera kꞌazhiruadꞌebara ẽdrʉdꞌape Daizeze nezokꞌata bꞌeba izhiita nʉmeã, mawũẽ izhi ũme bꞌai jõ ẽã bꞌeaya.

Romanos 7:21

Mawũẽ mʉã biata okrĩña bꞌʉdꞌera bia ẽãta mʉne bꞌʉba idaribi ẽã.

Romanos 7:23

Mawũãmina ne awʉrʉta mʉne bꞌʉa mʉ krĩchata idaribi ẽãta, maʉ̃bara obi edea kꞌazhiruata mʉne bꞌʉta.

Romanos 7:4

Mebẽrã, marã aramaʉ̃ kĩrãkꞌa Moisé ũrãgꞌaitara ya beusidꞌa Cristota beudꞌadꞌeba. Aramaʉ̃ne awʉrʉdꞌeta bꞌeta Cristo beudꞌata piradrʉdꞌadꞌeta bꞌeba biata odꞌaya Daizezeita.

Romanos 8:1

Idꞌira Jesucristo ũme bꞌera bedꞌea bara duanu ẽã, mawũã duanu ẽã zharadꞌebemane duanu ẽãta, awuarabʉrʉ mawũã bꞌea Jawurebiadꞌeba bꞌeta.