Romanos 8:15 - Porciones del Nuevo Testamento

¹⁵ Marãba Jawurebiata jidadꞌabara marã nezokꞌata bꞌʉ ẽbasia, mawũẽ nezokꞌata bꞌeadꞌa kĩrãkꞌa wakusa pera bꞌeaidꞌe bꞌʉ ẽã, awuarabʉrʉ Jawurebiara jidasidꞌa marã Daizeze warrarã babidꞌata. Izhidꞌeba dazhirãbara Daizezea ¡Zeze! abada.

Romanos 8:15 ပူးပေါင်းရင်းမြစ်များ

Mateo 25:25

Maʉ̃ba mʉrã perasia, mawũẽ wãpe bʉ plata aduabi ẽbaita egorodꞌe merãsia, mawũẽ bʉ moneda za bꞌʉa.

Marcos 14:36

Izhara mawũãsia: Zeze, bʉitara ne jõma borekea, mawũẽ mʉrã zuburiabirãrũã, mawũãmina aribꞌaerãrũã mʉã krĩñata, awuarabʉrʉ aribꞌaedua bʉzha krĩñata.

Lucas 11:2

Mawũãĩ Jesúsbara mawũãsia: Marã zhiwidꞌibʉdadꞌera mawũãũdua: Bʉra Daizezeta ʉ̃tre bꞌʉa, bʉra wawiadꞌaidꞌe bꞌʉa. Dai Nokꞌota nʉmadua. Bʉa krĩñata odꞌaidꞌe bꞌʉa ʉ̃tre obꞌe kĩrãkꞌa, mawũã odꞌaidꞌe bꞌʉa druadꞌebidꞌa.

Lucas 22:42

mawũãsia: Zeze, bʉma bigabʉrʉ mʉrã zuburiabirãrũã, mawũãmina aribꞌaerãrũã mʉã krĩñata, awuarabʉrʉ aribꞌaedua bʉzha krĩñata.

Lucas 8:28

Jesústa ũdui kꞌãbãẽã bꞌiasia, mobe Jesús jẽrũ kꞌaita ju kꞌobꞌepe nemi jĩgua mawũãsia: ¿Bʉra mʉ ũme kꞌãrẽta sãwũã bꞌʉ Jesús Daizeze Ʉ̃trebema Warra? Mʉ biata odua mʉta zuburia orãrũã.

Lucas 8:37

Mobebʉrʉ kꞌabanata Gadara druadꞌebemarã Jesúa zuburia bedꞌeasidꞌa wãmarẽã ãzhi maẽbara, ãzhira kꞌãbãẽã pera kꞌobꞌeasia. Mawũẽ Jesús jãbadꞌe bꞌaripe wãsia.

Juan 16:8

Izhi zebʉrʉdꞌera ẽjũãne bꞌea kꞌawuabigaya kꞌazhiruadꞌe bꞌeta, waya mʉrã bedꞌea ne ẽã bꞌʉta, kꞌawuabigaya zhãrã Daizezebara kꞌawua oita.

Juan 20:17

Maʉ̃ne Jesúsbara mawũãsia: Mʉta jiru nʉmerãrũã, mʉrã wadꞌi wãrĩze ẽã mʉ Zezema, mawũẽ mʉ mebẽrãma wãpe jaradua: Mʉrã wãrĩzeita mʉ Zezema, marã Zezema, mʉ Zhibarima, marã Zhibarima.

Hechos 16:29

Mawũãĩ izhara widꞌisia ĩbĩrãta, mobe ĩñabasia edꞌa wãẽbape pidꞌidꞌia sãkꞌokꞌodꞌe kꞌobꞌesia Pablo jẽrũ kꞌaita, Sila jẽrũ kꞌaita.

Hechos 2:37

Maʉ̃ta ũrĩnaĩ sopuadꞌape Pedroa dewaraurã Jesúsba zokꞌakuadꞌarãã mawũãsidꞌa: Mebẽrã, ¿daibara kꞌãrẽta odꞌaipe?

Romanos 8:16

Abꞌaʉ Jawurebiaba dazhi jawurea kꞌawuabi bꞌʉa dazhira Daizeze warrarãta.

Romanos 8:23

Bari maʉ̃rãtrʉ pua duanu ẽã, awuarabʉrʉ Jawurebiata naara jidadꞌapeadꞌata dazhirãsidꞌa puaba ʉ̃ĩ-ʉ̃ĩã bꞌedꞌe jʉ̃ã bꞌea Daizezeba zhi warrarã jʉre edemarẽã, aramaʉ̃ne beukꞌata bꞌʉmarẽã dazhi kꞌakuara.

Romanos 8:26

Aramaʉ̃ kĩrãkꞌa dazhira Jawurebiaba kꞌareba bꞌʉa dazha bꞌe ẽãnebemane. Daizezea kꞌãrẽ bigata widꞌiira dazhara kꞌawua ẽã. Mawũãmina Jawurebiata dazhibari ʉ̃ĩ-ʉ̃ĩã zhiwidꞌi bꞌʉa, maʉ̃ sãwũãta jaraidꞌe bꞌʉ ẽã.

Romanos 9:4

Ãzhira israelitarãta bꞌea, ãzhira Daizezeba zhi warrarã babigadꞌa, izhi kĩrãwãrẽãta ũdubigadꞌa, izha kꞌãrẽ oita jarakꞌadꞌa, izhi ũrãgꞌata Moisédꞌeba dedꞌekadꞌa, izhira sãwũã ibia jaradꞌaidꞌe bꞌʉta kꞌawuabigadꞌa, izha kꞌãrẽ diaita jarakꞌadꞌa.