Romanos 8:1 - Porciones del Nuevo Testamento

¹ Idꞌira Jesucristo ũme bꞌera bedꞌea bara duanu ẽã, mawũã duanu ẽã zharadꞌebemane duanu ẽãta, awuarabʉrʉ mawũã bꞌea Jawurebiadꞌeba bꞌeta.

Romanos 8:1 ပူးပေါင်းရင်းမြစ်များ

Juan 14:20

Mawũã ũdubʉda ewadera marãbara kꞌawuadꞌaya mʉrã mʉ Zezedꞌe bꞌʉta, marãta mʉne bꞌeta, mʉta marãne bꞌʉta.

Juan 15:4

Mʉ ũme bꞌeaudua, mobedꞌeba mʉrã marãne bꞌʉa. Uva jʉ̃kꞌara izhikusara zau ẽã zhi kꞌarra maẽba nʉmʉ ẽbʉrʉ, aramaʉ̃ kĩrãkꞌa marãbara Daizezeba krĩñarã obꞌedꞌa ẽã mʉ ũme duanu ẽbʉrʉ.

Juan 5:24

Mʉã wãrĩnu marãã jaraya: Iabꞌaʉba mʉ bedꞌeata ũrĩ bꞌʉba mʉ zokꞌadꞌadꞌebemata ĩjã bꞌʉra erubꞌʉa Daizeze ũme bꞌai jõ ẽãta, mawũẽ Daizezebara pua kꞌawua o ẽbaya, awuarabʉrʉ aduaita bꞌadꞌata zhi berabꞌarima baya Daizeze ũme bꞌai jõ ẽãma.

Romanos 16:3

Saludo diaudua Priscila dewara Aquila, ãzhira mʉ kĩrãkꞌa Jesucristodꞌebema kꞌaudꞌa panʉã.

Romanos 16:7

Saludo diaudua Andrónico dewara Junia, ãzhira mʉ ʉrerãta panʉã, mʉ bawara panasia cárceldꞌe, ãzhira bia jara panʉã Jesúsba zokꞌakuadꞌabara. Ãzhara Cristodꞌebema ĩjãsidꞌa mʉ nawedꞌa.

Romanos 5:1

Ĩjã bꞌedꞌeba bedꞌea ne ẽã duanukꞌãrĩba dazhirã Daizeze bawara bedꞌea ne ẽã bꞌea dazhirã Nokꞌo Jesucristodꞌeba.

Romanos 5:16

Daizezeba izhi biaba bari diadꞌara Adánba kꞌazhiruata odꞌa kĩrãkꞌa ẽã. Wãrãnebai mawũã abꞌaʉba kꞌazhiruata odꞌadꞌeba Daizezebara aduabigaidꞌe nʉmʉsia, mawũãmina izha bari diadꞌata nʉmʉkꞌãrĩã zhãrãba kꞌazhiruata bio osidꞌamina bedꞌea ne ẽã bꞌʉkuaita.

Romanos 7:17

Mawũẽ mʉ ẽã maʉ̃ mawũã obarira, awuarabʉrʉ obaria kꞌazhiruata bꞌʉba mʉne.

Romanos 7:20

Mʉã krĩña ẽãta obʉrʉra mʉã o ẽã, awuarabʉrʉ obaria kꞌazhiruata bꞌʉba mʉne.

Romanos 8:11

Jawurebiata Jesús beudꞌata piradrʉbidꞌadꞌeta marãne edꞌa bꞌʉbʉrʉ, Jesucristo beudꞌata piradrʉbidꞌabara marã kꞌakua beuita bꞌʉra izhabꞌa piradrʉbiya izhi Jawurebiata bꞌʉdꞌeba marãne edꞌa.

Romanos 8:14

Jõma Daizeze Jawurebiadꞌeba nʉmerã Daizeze warrarã.

Romanos 8:2

Bꞌai zhiwidꞌita Jawurebiaba Jesucristodꞌeba dia bꞌʉba dazhira kꞌazhiruadꞌeba ẽdrʉbisia aduaita beui badꞌata.

Romanos 8:34

¿Kꞌaiba bedꞌea bara bꞌʉa aipe? Miõba bedꞌea bara bꞌʉa a ẽã Cristota dazhibari beudꞌaba. Beudꞌata piradrʉpe Daizeze juwua araare bꞌʉa, zhiwidꞌi bꞌʉa dazhirãbari.

Romanos 8:39

jaita ʉ̃tʉ, eidꞌu nʉmʉbara, miã ne awʉrʉbara dazhira ãĩ tʉ bꞌe ẽã Daizezeba kʉãgꞌata bꞌera Jesucristo dazhirã Nokꞌodꞌeba.

Romanos 8:4

Mawũã osia Moisé ũrãgꞌata dazhirãba aribꞌae bꞌedꞌamarẽã, mawũẽ zharadꞌebemane nʉme ẽã, awuarabʉrʉ nʉmeã Jawurebiadꞌeba.

Romanos 8:9

Mawũãmina marã zharadꞌebemane nʉme ẽã, awuarabʉrʉ Jawurebiadꞌeba nʉmeã Jawurebia Daizezedꞌeta marãne edꞌa bꞌʉbʉrʉ. Iabꞌaʉta Jawurebia Cristodꞌeta ne ẽbʉrʉ izhidꞌe ẽã.