Romanos 7:6 - Porciones del Nuevo Testamento

⁶ Mawũãmina idꞌira Moisé ũrãgꞌadꞌebara ẽdrʉsidꞌa, maʉ̃ ũrãgꞌa edre duanu ẽãba dazhira ya beusia maʉ̃ ũrãgꞌaitara. Mawũẽ Daizezeba jara bꞌʉta zhiwidꞌita Jawurebiadꞌeba aribꞌaedꞌaya, aramaʉ̃nerã Moisé ũrãgꞌata zhi zõrã edre duana ẽã.

Romanos 7:6 ပူးပေါင်းရင်းမြစ်များ

Romanos 1:9

Mʉãrã Daizezera soidꞌu aribꞌae bꞌʉba bedꞌea biata jara bꞌʉa zhi Warradꞌeta, izhara kꞌawua bꞌʉa mʉã marã ewariza jara tau ẽãta mʉ zhiwidꞌibʉrʉdꞌera.

Romanos 12:2

Naʉ̃ ẽjũãne bꞌedꞌe bꞌearãũdua, awuarabʉrʉ krĩcha zhiwidꞌidꞌe nʉmeba kĩrãẽpa bꞌeaudua, mawũãrã kꞌawuadꞌaya Daizezeba kꞌãrẽ krĩñata, jipa biata krĩñata.

Romanos 6:11

Marãsidꞌa aramaʉ̃ kĩrãkꞌa bꞌeta kꞌazhiruara odꞌa ẽãba ya beusita bꞌeaudua kꞌazhiruaitara, aramaʉ̃ne Daizezeita zokꞌai bꞌeaudua Jesucristo dazhirã Nokꞌodꞌeba.

Romanos 6:19

Mʉãrã mawũã nezokꞌadꞌebemata jara nʉmʉã mʉã jara bꞌʉta marãbara sãwũãta kꞌawuadꞌa ẽãba. Nawedꞌara marã kꞌakuara bia ẽã chãbꞌarisidꞌa ne mitiata dazhi perata odꞌaita. Waya idꞌidꞌera marã kꞌakuara Daizezea chãbꞌariudua biata odꞌaita.

Romanos 6:2

¡Mawũã ẽã! Kꞌazhiruara odꞌa ẽãba dazhira ya beusia kꞌazhiruaitara. ¿Mawũẽ sãwũã wadꞌi kꞌazhiruadꞌe bꞌeaipe?

Romanos 6:22

Mawũãmina idꞌidꞌera kꞌazhiruadꞌebara ẽdrʉdꞌape Daizeze nezokꞌata bꞌeba izhiita nʉmeã, mawũẽ izhi ũme bꞌai jõ ẽã bꞌeaya.

Romanos 6:4

Buru kꞌoedꞌadꞌeba dazhira izhi ũme jou kꞌobꞌadꞌe wãsia, mawũẽ Cristo beudꞌata zhi Zezeba izhi zareaba piradrʉbidꞌa kĩrãkꞌa dazhisidꞌa piradrʉbisia zokꞌai nimibamarẽã zhiwidꞌidꞌe.

Romanos 7:1

Mebẽrã, mʉrã marã Moisé ũrãgꞌa kꞌawua bꞌea bedꞌeaya, ¿marãba kꞌawua bꞌedꞌera dazhira Moisé ũrãgꞌadꞌe bꞌʉ ẽka wadꞌi zokꞌai bꞌʉdꞌera?

Romanos 7:2

Aramaʉ̃ kĩrãkꞌa wũẽrã miã kꞌãĩpe bꞌʉra Moisé ũrãgꞌadꞌebara zhi kĩma ũme bꞌaibara zhi kĩma wadꞌi zokꞌai bꞌʉdꞌera. Mawũãmina zhi kĩmata beura, maʉ̃ wũẽrã Moisé ũrãgꞌadꞌebara ẽdrʉbʉrʉa zhi kĩma ũme bꞌadꞌara.

Romanos 7:4

Mebẽrã, marã aramaʉ̃ kĩrãkꞌa Moisé ũrãgꞌaitara ya beusidꞌa Cristota beudꞌadꞌeba. Aramaʉ̃ne awʉrʉdꞌeta bꞌeta Cristo beudꞌata piradrʉdꞌadꞌeta bꞌeba biata odꞌaya Daizezeita.