Romanos 7:14 - Porciones del Nuevo Testamento

¹⁴ Dazhirãbara kꞌawua bꞌea Moisé ũrãgꞌara Jawurebiadꞌebemata. Mawũãmina mʉrã zharadꞌebemane bꞌʉba kꞌazhiruaa zhi nendoma.

Romanos 7:14 ပူးပေါင်းရင်းမြစ်များ

Mateo 16:23

Mawũãĩ Jesús pʉrʉwape Pedroa bedꞌeabʉrʉ kĩrãkꞌa mawũãsia: Ãĩ wãrũã mʉ kĩrãbitaubara ãtõmiã. Bʉara mʉrã bꞌaebiya nʉmʉã, bʉra krĩcha ẽã Daizeze kĩrãkꞌara, awuarabʉrʉ krĩcha bꞌʉa beubari bꞌe kĩrãkꞌa.

Mateo 18:25

Maʉ̃bara pagꞌa bꞌe ẽãba reybara nendodꞌamarẽã jarasia izhita, zhi kĩmata, zhi warrarãta, izha ne erubꞌʉta jõma, aramaʉ̃ne izhaa deweta pagꞌamarẽã.

Mateo 5:22

Mawũãmina mʉã marãã jaraya, iabꞌa zhi mebea ũme kĩrũbʉrʉra Daizezeba pua kꞌawua oya. Iabꞌaʉba zhi mebeata krĩcha ne ẽã bꞌaribꞌʉa abʉrʉra nokꞌorã wagꞌaurãba pua kꞌawua odꞌaya. Iabꞌaʉba zhi mebeata ikꞌazhirua jarabʉrʉra wãbidꞌaya tebʉ pureadꞌe.

Mateo 5:28

Mawũãmina mʉã marãã jaraya, bariduba wũẽrãta erukꞌãĩ krĩña akʉra, izhi sodꞌe maʉ̃ wũẽrã ũme kꞌazhiruata obʉrʉa.

Lucas 5:8

Maʉ̃ta Simón Pedroba ũdui Jesús kĩrãbita sãkꞌokꞌodꞌe kꞌobꞌepe mawũãsia: Nokꞌó, mʉ maẽbara ãĩ wãrũã, mʉrã kꞌazhirua omiãta bꞌʉa.

Lucas 7:6

Mawũãnaĩ Jesús wãsia ãzhi bawara. Mawũãmina de kꞌaita babʉdadꞌera soldaorã nokꞌobara izhi bawara zhibiata ʉ̃kʉrʉ izhima zokꞌabʉrʉta jarabuesia mawũãnamarẽã: Nokꞌó, mʉrã biata bꞌʉ ẽã bʉ mʉ dedꞌa deidꞌu zeira.

Romanos 3:9

¿Mawũẽ sãwũãpe? ¿Dazhirã judíorãta audre biarãkꞌa awʉrʉrã kꞌãñabara? ¡Mawũã ẽã! Daibara kꞌawuabisidꞌa jõma judíorãta judíorã ẽãta kꞌazhirua edre bꞌeta.

Romanos 6:6

Maʉ̃ta kꞌawuaidꞌera dazhita na bꞌadꞌara izhi ũme cruzdꞌe kꞌachibʉrʉba kꞌakua kꞌazhiruadꞌebemata beasia. Mawũẽ dazhira wueta kꞌazhirua nezokꞌa ẽã.

Romanos 7:18

Mʉãrã kꞌawua bꞌʉa mʉnerã mʉ zharadꞌera ne ẽã biara, biata okrĩñaĩrã mʉne bꞌʉa, mawũãmina o ẽã.