Romanos 6:4 - Porciones del Nuevo Testamento

⁴ Buru kꞌoedꞌadꞌeba dazhira izhi ũme jou kꞌobꞌadꞌe wãsia, mawũẽ Cristo beudꞌata zhi Zezeba izhi zareaba piradrʉbidꞌa kĩrãkꞌa dazhisidꞌa piradrʉbisia zokꞌai nimibamarẽã zhiwidꞌidꞌe.

Romanos 6:4 ပူးပေါင်းရင်းမြစ်များ

Juan 11:40

Mawũãĩ Jesúsbara mawũãsia: ¿Mʉã bʉaa jarasi ẽka bʉa mʉnebemata ĩjãrã ũduita zarea Daizezedꞌera?

Juan 2:11

Maʉ̃ ũdudꞌakꞌata naarabemata obʉrʉra Jesúsbara osia Caná pʉwʉrʉdꞌe Galilea druadꞌe, aramaʉ̃ne ũdubigasia izhira zhi zromata, mawũẽ izha jʉrʉkuadꞌabara wuaabʉrʉ ĩjãsidꞌa izhidꞌebemata.

Hechos 2:24

Maʉ̃ta Daizezeba beudꞌata piradrʉbibʉrʉba bebuta puadꞌebara ẽdrʉbisia, bebuba kꞌabꞌariita bꞌasi ẽbaera.

Hechos 2:32

Maʉ̃ Jesúra beudꞌata piradrʉbisia Daizezeba, maʉ̃ dai jõmaʉ̃ba ũdusidꞌa.

Romanos 6:19

Mʉãrã mawũã nezokꞌadꞌebemata jara nʉmʉã mʉã jara bꞌʉta marãbara sãwũãta kꞌawuadꞌa ẽãba. Nawedꞌara marã kꞌakuara bia ẽã chãbꞌarisidꞌa ne mitiata dazhi perata odꞌaita. Waya idꞌidꞌera marã kꞌakuara Daizezea chãbꞌariudua biata odꞌaita.

Romanos 6:3

¿Kꞌawuadꞌa ẽka buru kꞌoedꞌadꞌeba bꞌeta Jesucristodꞌebemata, aramaʉ̃ne duanu ẽka izhi ũme beudꞌata?

Romanos 6:8

Dazhira Cristo ũme beudꞌaba ĩjã bꞌea duanaĩta izhi ũme.

Romanos 6:9

Kꞌawua bꞌea Cristo beudꞌata piradrʉdꞌara ya beu ẽã, bebura wueta zarea ne ẽã izhi ʉ̃rʉ̃rã.

Romanos 7:6

Mawũãmina idꞌira Moisé ũrãgꞌadꞌebara ẽdrʉsidꞌa, maʉ̃ ũrãgꞌa edre duanu ẽãba dazhira ya beusia maʉ̃ ũrãgꞌaitara. Mawũẽ Daizezeba jara bꞌʉta zhiwidꞌita Jawurebiadꞌeba aribꞌaedꞌaya, aramaʉ̃nerã Moisé ũrãgꞌata zhi zõrã edre duana ẽã.

Romanos 8:11

Jawurebiata Jesús beudꞌata piradrʉbidꞌadꞌeta marãne edꞌa bꞌʉbʉrʉ, Jesucristo beudꞌata piradrʉbidꞌabara marã kꞌakua beuita bꞌʉra izhabꞌa piradrʉbiya izhi Jawurebiata bꞌʉdꞌeba marãne edꞌa.