Romanos 6:23 - Porciones del Nuevo Testamento

²³ Kꞌazhiruata obꞌʉdꞌebara aduaita beuya. Mawũãneba Daizezebara izhi ũme bꞌai jõ ẽãta bari dia bꞌʉa Jesucristo dazhirã Nokꞌodꞌeba.

Romanos 6:23 ပူးပေါင်းရင်းမြစ်များ

Mateo 25:46

Maʉ̃rã wãña zuburiata jõ ẽãma, waya biata bꞌera wãña Daizeze ũme bꞌai jõ ẽãma.

Juan 10:28

Mʉãrã dedꞌekaya Daizeze ũme bꞌai jõ ẽãta, mawũẽ aduadꞌa ẽã, miõba jãrĩkua ẽã mʉ juwuadꞌebara.

Juan 17:2

Zhãrã jõmaʉ̃ ʉ̃rʉ̃ bʉara mʉãã zareata diasia, aramaʉ̃ne bʉ ũme bꞌai jõ ẽãta diamarẽã bʉa mʉãã diadꞌata jõmaʉ̃ã.

Juan 3:36

Zhi Warradꞌebemata ĩjã bꞌʉbara erubꞌʉa Daizeze ũme bꞌai jõ ẽãta, mawũãmina zhi Warradꞌebemata ĩjã ẽãbara erubꞌa ẽã Daizeze ũme bꞌai jõ ẽãrã, awuarabʉrʉ Daizezeba kĩrũbiba pua kꞌawua oya.

Juan 4:14

Mawũãmina baniã mʉã diabʉrʉta dobʉrʉra obisiakꞌa baya, awuarabʉrʉ baniã mʉã diabʉrʉra izhidꞌe drʉ nʉmaña Daizeze ũme bꞌai jõ ẽãta.

Juan 4:36

Ne bꞌʉa nʉmʉbara ne jida bꞌʉa, aramaʉ̃ kĩrãkꞌa nʉmʉbara jara bꞌʉa mʉnebemata ĩjãnamarẽã Daizeze ũme bꞌai jõ ẽãnebemata, mawũẽ ne ubarita ne bꞌʉabari ũme sobiabada kĩrãkꞌa bꞌʉa.

Juan 5:24

Mʉã wãrĩnu marãã jaraya: Iabꞌaʉba mʉ bedꞌeata ũrĩ bꞌʉba mʉ zokꞌadꞌadꞌebemata ĩjã bꞌʉra erubꞌʉa Daizeze ũme bꞌai jõ ẽãta, mawũẽ Daizezebara pua kꞌawua o ẽbaya, awuarabʉrʉ aduaita bꞌadꞌata zhi berabꞌarima baya Daizeze ũme bꞌai jõ ẽãma.

Juan 6:27

Kꞌãrẽ obʉdata bari zhiko jõbari kꞌarea orãũdua, awuarabʉrʉ kꞌãrẽ oudua pan jõkꞌa kꞌarea, Daizeze ũme bꞌai jõ ẽã kꞌarea, mʉ Beubari Bape bꞌʉba maʉ̃ pan marãã diaya, mʉrã maʉ̃ kꞌarea bꞌʉsia mʉ Zhibari mʉ Zezeba.

Juan 6:40

Mʉ Zeze mʉ zokꞌadꞌabara krĩña bꞌʉa zhi Warra mʉta krĩcha bꞌebara, mʉnebemata ĩjã bꞌebara jõmaʉ̃ba erubꞌeamarẽã Daizeze ũme bꞌai jõ ẽãta. Aramaʉ̃nerã maʉ̃rãta beudꞌapeadꞌara mʉã piradrʉbigaya ewari nʉmʉta jõbʉrʉdꞌera.

Juan 6:68

Mawũãĩ Simón Pedroba panaʉ̃ mawũãsia: Nokꞌó, ¿daira kꞌaima wãĩpe? Bʉabʉrʉ bedꞌeata erubꞌʉa Daizeze ũme bꞌai jõ ẽãta.

Romanos 1:32

Mawũã bꞌebara kꞌawua bꞌea Daizezebara pua kꞌawua oita, aramaʉ̃nerã maʉ̃ kꞌaudꞌa bꞌera aduaita beuya. Mawũãsiidꞌu maʉ̃ kꞌaudꞌa bꞌea, aramaʉ̃ne sobia bꞌea maʉ̃ kꞌaudꞌa bꞌe bawara.

Romanos 2:7

Izhi ũme bꞌai jõ ẽãta diaya biata obꞌeba jʉrʉ bꞌea izha bia jaramarẽã, beukꞌata bꞌʉmarẽã.

Romanos 5:12

Kꞌazhiruara naʉ̃ ẽjũãẽna zesia ũmakĩrã abꞌaʉdꞌeba, maʉ̃ kꞌazhiruadꞌeba nʉmesia bebuta. Aramaʉ̃ne jõma beu nʉmesia jõmaʉ̃ba obadaba kꞌazhiruata.

Romanos 5:17

Abꞌaʉba kꞌazhiruata odꞌadꞌeba jõma beu nʉmʉbʉrʉ, audrebai Daizezebara izhi ũme bꞌai jõ ẽã bꞌeabiya abꞌaʉdꞌeba Jesucristodꞌeba, mawũã bꞌeabiya izhi biaba bari bedꞌea ne ẽã obʉrʉrãta.

Romanos 5:21

Kꞌazhiruata obadaba aduaita beubada, mawũãmina Daizezebara izhi biaba bedꞌea ne ẽã bꞌʉya izhi ũme bꞌai jõ ẽã bꞌabiita Jesucristo dazhirã Nokꞌodꞌeba.

Romanos 6:16

¿Kꞌawuadꞌa ẽka marãta zhãrã edre nezokꞌata nʉmebʉrʉdꞌera maʉ̃ bedꞌeata aribꞌae nʉmebari ẽka, aramaʉ̃ kĩrãkꞌa nʉmʉ ẽka kꞌazhirua nezokꞌara aduaita beuita, waya Daizeze bedꞌeata aribꞌae bꞌʉra nʉmʉ ẽka bia nʉmaĩ kꞌarea?

Romanos 6:21

¿Bia ẽãta obꞌeadꞌadꞌebara kꞌãrẽ biata jidasidꞌa, maʉ̃nebara idꞌidꞌera marã pera duanu ẽka? Maʉ̃nebara aduaita beuya.

Romanos 8:13

Zharadꞌebemane nʉmeãĩbʉrʉ aduaita beudꞌaya. Mawũãmina Jawurebiadꞌeba beubibʉdata zharadꞌebemata odꞌa ẽãrã Daizeze ũme bꞌai jõ ẽã bꞌeaya.

Romanos 8:38

Mawũẽ mʉã kꞌawuaidꞌera bebubara, zuburia nʉmʉbara, ángelerãbara, zhi zromarãbara, zareata jairãnebara, idꞌibemabara, nubemabara,

Romanos 8:39

jaita ʉ̃tʉ, eidꞌu nʉmʉbara, miã ne awʉrʉbara dazhira ãĩ tʉ bꞌe ẽã Daizezeba kʉãgꞌata bꞌera Jesucristo dazhirã Nokꞌodꞌeba.

Romanos 8:6

Zharadꞌebemata krĩcha bꞌʉra aduaita beuya, mawũãmina Jawurebiadꞌebemata krĩcha bꞌʉra Daizeze ũme bꞌai jõ ẽã bꞌaya adu-a.