Romanos 6:22 - Porciones del Nuevo Testamento

²² Mawũãmina idꞌidꞌera kꞌazhiruadꞌebara ẽdrʉdꞌape Daizeze nezokꞌata bꞌeba izhiita nʉmeã, mawũẽ izhi ũme bꞌai jõ ẽã bꞌeaya.

Romanos 6:22 ပူးပေါင်းရင်းမြစ်များ

Mateo 13:40

Chirua kꞌazhiruata ẽũkuadꞌape tebʉdꞌe babuebada kĩrãkꞌa berabꞌariya ewari nʉmʉta jõbʉrʉdꞌera.

Mateo 13:43

Maʉ̃nerã biata bꞌera ʉ̃madau kĩrãkꞌa uruzhadꞌaya ãzhi Zezeta Nokꞌota bꞌʉ maẽ. Ne ũrĩ bꞌʉbara maʉ̃ta kĩrãkuita ũrĩdua.

Mateo 19:29

Bariduba deta ãmaẽrã, zhi mebẽrã zhũmakĩrãrãta, nawekꞌaurãta ãmaẽrã, zezeta, papata, wũẽrãta, warrarãta, druata, mʉ kꞌarea ãmaẽrã, jidama cien jidaya ãmaña. Mobe Daizeze ũme bꞌai jõ ẽãta jidaya.

Mateo 25:46

Maʉ̃rã wãña zuburiata jõ ẽãma, waya biata bꞌera wãña Daizeze ũme bꞌai jõ ẽãma.

Juan 15:16

Mʉta marãba jʉrʉdꞌa ẽbasia, awuarabʉrʉ mʉã marãta jʉrʉkuasia, aramaʉ̃ne mʉã marã duanusia wãnape mʉ Zezeba krĩñata obꞌeamarẽã, jipa maʉ̃trʉ obꞌeamarẽã. Mawũãrã jõma kꞌãrẽ mʉ Zezea mʉneba widꞌibʉdara izhara marãã diaya.

Juan 15:2

Jʉ̃kꞌara mʉ kꞌarradꞌebema zhi zau ẽãrã izha tiaweya. Mawũãmina zhi zaubʉdara zhi tae seri ẽãtrʉ kꞌõkua araa oya audre zaumarẽã.

Juan 4:36

Ne bꞌʉa nʉmʉbara ne jida bꞌʉa, aramaʉ̃ kĩrãkꞌa nʉmʉbara jara bꞌʉa mʉnebemata ĩjãnamarẽã Daizeze ũme bꞌai jõ ẽãnebemata, mawũẽ ne ubarita ne bꞌʉabari ũme sobiabada kĩrãkꞌa bꞌʉa.

Juan 8:32

Mawũãrã kꞌawuadꞌaya Daizezedꞌebema wãrãta, wãrãbara ẽdrʉbigaya.

Romanos 6:14

Kꞌazhiruabara marã kꞌabꞌari nʉmaĩne bꞌʉ ẽã. Marã Moisé ũrãgꞌa edre nʉmeba ẽdrʉita nʉmʉ ẽã, awuarabʉrʉ ẽdrʉya Daizezeba izhi biaba ẽdrʉbidꞌa edre nʉmeba.

Romanos 6:18

Kꞌazhiruadꞌebara ẽdrʉdꞌape Daizeze nezokꞌarãta duanesia biata odꞌaita.

Romanos 6:21

¿Bia ẽãta obꞌeadꞌadꞌebara kꞌãrẽ biata jidasidꞌa, maʉ̃nebara idꞌidꞌera marã pera duanu ẽka? Maʉ̃nebara aduaita beuya.

Romanos 7:25

Mʉãrã Daizezea zhibia ji bꞌʉa izhabʉrʉ ẽdrʉbiya Jesucristo dazhirã Nokꞌodꞌeba. Mʉãrã krĩchabara aribꞌae krĩña Daizeze ũrãgꞌata, mawũãmina zharabara okrĩña kꞌazhiruata.

Romanos 7:4

Mebẽrã, marã aramaʉ̃ kĩrãkꞌa Moisé ũrãgꞌaitara ya beusidꞌa Cristota beudꞌadꞌeba. Aramaʉ̃ne awʉrʉdꞌeta bꞌeta Cristo beudꞌata piradrʉdꞌadꞌeta bꞌeba biata odꞌaya Daizezeita.

Romanos 8:2

Bꞌai zhiwidꞌita Jawurebiaba Jesucristodꞌeba dia bꞌʉba dazhira kꞌazhiruadꞌeba ẽdrʉbisia aduaita beui badꞌata.