Romanos 6:19 - Porciones del Nuevo Testamento

¹⁹ Mʉãrã mawũã nezokꞌadꞌebemata jara nʉmʉã mʉã jara bꞌʉta marãbara sãwũãta kꞌawuadꞌa ẽãba. Nawedꞌara marã kꞌakuara bia ẽã chãbꞌarisidꞌa ne mitiata dazhi perata odꞌaita. Waya idꞌidꞌera marã kꞌakuara Daizezea chãbꞌariudua biata odꞌaita.

Romanos 6:19 ပူးပေါင်းရင်းမြစ်များ

Mateo 4:23

Aramaʉ̃ne Galilea drua jõma Jesús pʉrrʉa wãbʉrʉta de zhi jʉrebadata nʉme maẽ miã ũrãgꞌa wãsia, bedꞌea biata jarakꞌa wãsia Daizezeta Nokꞌodꞌebemata. Kꞌaya bꞌeta, pua bꞌeta jõma bꞌebi wãsia pʉwʉrʉ tabꞌe maẽ.

Romanos 15:1

Dazhi zarea nʉmebara kꞌarebadꞌaibara zarea nʉme ẽãrã, aramaʉ̃ne dazhiitabʉrʉ bia nʉmeã ẽã.

Romanos 3:5

Dazha bia ẽãta obꞌʉba Daizezera biata ũdubi bꞌʉbʉrʉ, ¿kꞌãrẽta jaradꞌaipe? ¿Daizezera bia ẽka bia ẽãta obʉrʉ kꞌarea zuburia obʉrʉdꞌera? Mʉrã bedꞌea kꞌobꞌʉa zhãrã mawũã bedꞌea bꞌedꞌe.

Romanos 6:13

Marã kꞌakuara idu kꞌazhiruaa chãbꞌarirãũdua bia ẽãta oita. Awuarabʉrʉ marã Daizezea chãbꞌariudua zokꞌai duaĩnaba kꞌazhiruadꞌe beu bꞌeadꞌata, aramaʉ̃ne marã kꞌakuara Daizezea chãbꞌariudua biata oita.

Romanos 7:23

Mawũãmina ne awʉrʉta mʉne bꞌʉa mʉ krĩchata idaribi ẽãta, maʉ̃bara obi edea kꞌazhiruata mʉne bꞌʉta.

Romanos 8:26

Aramaʉ̃ kĩrãkꞌa dazhira Jawurebiaba kꞌareba bꞌʉa dazha bꞌe ẽãnebemane. Daizezea kꞌãrẽ bigata widꞌiira dazhara kꞌawua ẽã. Mawũãmina Jawurebiata dazhibari ʉ̃ĩ-ʉ̃ĩã zhiwidꞌi bꞌʉa, maʉ̃ sãwũãta jaraidꞌe bꞌʉ ẽã.