Romanos 5:21 - Porciones del Nuevo Testamento

²¹ Kꞌazhiruata obadaba aduaita beubada, mawũãmina Daizezebara izhi biaba bedꞌea ne ẽã bꞌʉya izhi ũme bꞌai jõ ẽã bꞌabiita Jesucristo dazhirã Nokꞌodꞌeba.

Romanos 5:21 ပူးပေါင်းရင်းမြစ်များ

Mateo 25:46

Maʉ̃rã wãña zuburiata jõ ẽãma, waya biata bꞌera wãña Daizeze ũme bꞌai jõ ẽãma.

Juan 1:14

Bedꞌeara Beubari Bape dazhirãne edꞌa bꞌasia, kʉãgꞌaba bira bꞌʉba kꞌawuabiga bꞌasia Daizezedꞌebema wãrãta. Daibara ũdusidꞌa izhira zhi zromata, zhi Warra abꞌa bꞌʉta zhi zroma basia zhi Zezedꞌeba.

Juan 10:28

Mʉãrã dedꞌekaya Daizeze ũme bꞌai jõ ẽãta, mawũẽ aduadꞌa ẽã, miõba jãrĩkua ẽã mʉ juwuadꞌebara.

Romanos 4:13

Daizezeba naʉ̃ ẽjũãta Abrahanʉã diaya adꞌara o izhidꞌeba zedꞌairãã diaya adꞌara mawũã ẽbasia ũrãgꞌata aribꞌaebʉrʉba, awuarabʉrʉ mawũãsia bedꞌea ne ẽã bꞌidꞌapʉba izha jarabʉrʉta ĩjãbʉrʉdꞌeba.

Romanos 5:12

Kꞌazhiruara naʉ̃ ẽjũãẽna zesia ũmakĩrã abꞌaʉdꞌeba, maʉ̃ kꞌazhiruadꞌeba nʉmesia bebuta. Aramaʉ̃ne jõma beu nʉmesia jõmaʉ̃ba obadaba kꞌazhiruata.

Romanos 5:14

Mawũãmina kꞌazhiruata obꞌeba beu nʉmesia Adán ewaridꞌeba Moisé ewariidꞌu, Daizezeba jaradꞌata Adánba ũrĩ ẽbadꞌa kĩrãkꞌara kꞌazhiruara odꞌa ẽbasia. Adánneba jõma zuburia nʉmena kĩrãkꞌa jõma bia nʉmesia Cristo zeita bꞌadꞌadꞌeba.

Romanos 5:17

Abꞌaʉba kꞌazhiruata odꞌadꞌeba jõma beu nʉmʉbʉrʉ, audrebai Daizezebara izhi ũme bꞌai jõ ẽã bꞌeabiya abꞌaʉdꞌeba Jesucristodꞌeba, mawũã bꞌeabiya izhi biaba bari bedꞌea ne ẽã obʉrʉrãta.

Romanos 6:12

Kꞌazhiruaa idu kꞌabꞌaribirãũdua marã kꞌakua beubarita, aramaʉ̃ne orãũdua bia ẽãta obi krĩñabʉrʉra.

Romanos 6:14

Kꞌazhiruabara marã kꞌabꞌari nʉmaĩne bꞌʉ ẽã. Marã Moisé ũrãgꞌa edre nʉmeba ẽdrʉita nʉmʉ ẽã, awuarabʉrʉ ẽdrʉya Daizezeba izhi biaba ẽdrʉbidꞌa edre nʉmeba.

Romanos 6:16

¿Kꞌawuadꞌa ẽka marãta zhãrã edre nezokꞌata nʉmebʉrʉdꞌera maʉ̃ bedꞌeata aribꞌae nʉmebari ẽka, aramaʉ̃ kĩrãkꞌa nʉmʉ ẽka kꞌazhirua nezokꞌara aduaita beuita, waya Daizeze bedꞌeata aribꞌae bꞌʉra nʉmʉ ẽka bia nʉmaĩ kꞌarea?

Romanos 6:23

Kꞌazhiruata obꞌʉdꞌebara aduaita beuya. Mawũãneba Daizezebara izhi ũme bꞌai jõ ẽãta bari dia bꞌʉa Jesucristo dazhirã Nokꞌodꞌeba.

Romanos 8:10

Mawũãmina Cristota marãne edꞌa bꞌʉbʉrʉ, wãrãnebai kꞌakuara kꞌazhiruata odꞌadꞌeba beuimina jawurera zokꞌai bꞌʉa Daizezeba bedꞌea ne ẽã bꞌʉdꞌaba.