Romanos 5:2 - Porciones del Nuevo Testamento

² Jesucristodꞌebemata ĩjã bꞌedꞌebemanerã dazhirã Daizezebara izhi biaba nʉmʉkꞌãrĩã, dazhirã maʉ̃ne jipa nʉmeã. Aramaʉ̃ne sobia krĩcha bꞌea Daizeze kĩrãwãrẽãnebemata jidadꞌaita.

Romanos 5:2 ပူးပေါင်းရင်းမြစ်များ

Mateo 25:21

Mawũãĩ izhi nokꞌobara mawũãsia: Biga, bʉra nezokꞌa biaba bia obʉrʉa, wĩkata bia obʉrʉba mʉãrã bio chãbꞌari bꞌʉya, edꞌa zerua mʉta bʉzhi nokꞌo ũme sobiarua.

Juan 10:7

Mawũẽ Jesúsbara wakusa mawũãsia: Mʉã wãrĩnu marãã jaraya: Mʉta puerta ovejarãneã.

Juan 10:9

Mʉta puerta. Mʉneba edꞌa wãbʉrʉra ẽdrʉya. Aramaʉ̃ne adu-a bꞌaya mʉã bia erunʉmʉba.

Juan 14:6

Mawũãĩ Jesúsbara mawũãsia: Mʉta oa, mʉta wãrã, mʉta bꞌai jõ ẽãnebema. Mawũẽ miõta mʉ Zezema jũẽ ẽã, awuarabʉrʉ jũẽña mʉneba.

Juan 5:24

Mʉã wãrĩnu marãã jaraya: Iabꞌaʉba mʉ bedꞌeata ũrĩ bꞌʉba mʉ zokꞌadꞌadꞌebemata ĩjã bꞌʉra erubꞌʉa Daizeze ũme bꞌai jõ ẽãta, mawũẽ Daizezebara pua kꞌawua o ẽbaya, awuarabʉrʉ aduaita bꞌadꞌata zhi berabꞌarima baya Daizeze ũme bꞌai jõ ẽãma.

Hechos 14:27

Jũẽnape mebẽrã ãba jʉredꞌape jarasidꞌa Daizezeba ne bia zroma odꞌata ãzhi bawara, aramaʉ̃ne sãwũã ewa nʉminapʉta Jesúsdꞌebema ĩjãnamarẽã judíorã ẽãba.

Romanos 11:20

Wãrĩnuã, Cristodꞌebemata ãzha ĩjãna ẽãba bꞌʉatukuasia, mawũãmina marãbara ĩjãbʉdaba mama kꞌarakuasia. Maʉ̃ba marã biarãta krĩcharãũdua ãzhi kꞌãñabara, awuarabʉrʉ Daizezeta wawiaudua.

Romanos 12:12

Daizezedꞌeba kꞌãrẽ jidaita krĩcha jʉ̃ã bꞌeba sobia bꞌeaudua, zuburia nʉmʉrã zrogꞌaudua, baridua zhiwidꞌiudua.

Romanos 14:4

¿Bʉra kꞌaipe nezokꞌa awʉrʉdꞌeta jara nʉmaĩrã? Zhibaribʉrʉ jaraya bia nʉmʉta o bꞌaebʉrʉta. Mawũãmina jipa nʉmaña Nokꞌo Daizezera zhi zromaneba jipa nʉmabiita.

Romanos 15:13

Daizezebara izhita krĩchabi bꞌʉa, mawũẽ marã kꞌãbãẽã sobia adu-a soidꞌu bꞌeabiya, aramaʉ̃ne jipa izhitrʉ krĩcha bꞌeamarẽã Jawurebia zareadꞌeba.

Romanos 2:7

Izhi ũme bꞌai jõ ẽãta diaya biata obꞌeba jʉrʉ bꞌea izha bia jaramarẽã, beukꞌata bꞌʉmarẽã.

Romanos 3:23

Jõmaʉ̃ba kꞌazhiruara obada, mawũẽ ãĩ bꞌea Daizezeta kĩrãwãrẽãnebara.

Romanos 5:5

Mawũã jidaira dazhirãĩtara sewa ẽãta Daizezebara kʉãgꞌata izhidꞌeta dazhirã sodꞌe diasia Jawurebiata dazhirãã diadꞌaba.

Romanos 8:1

Idꞌira Jesucristo ũme bꞌera bedꞌea bara duanu ẽã, mawũã duanu ẽã zharadꞌebemane duanu ẽãta, awuarabʉrʉ mawũã bꞌea Jawurebiadꞌeba bꞌeta.

Romanos 8:24

Dazhira maʉ̃ta jʉ̃ãĩta ẽdrʉsia. Dazha maʉ̃ta ũdu bꞌʉbʉrʉ jʉ̃ã ẽã. Iabꞌaʉba ne ũdu bꞌʉra ¿kꞌãrẽã jʉ̃ãĩpe?