Romanos 5:10 - Porciones del Nuevo Testamento

¹⁰ Izhi ũme zhi jurata bꞌedꞌe Daizezebara dazhira izhi bawara zhibiata bꞌʉsia zhi warra bebudꞌeba, mawũã zhibiata bꞌʉdꞌaba ẽdrʉdꞌaya Cristota bꞌʉdꞌeba.

Romanos 5:10 ပူးပေါင်းရင်းမြစ်များ

Juan 14:19

Mʉnebema ẽãta ẽjũãne bꞌebara dããrã ẽãne mʉrã wueta ũdudꞌa ẽã. Mawũãmina marãbara mʉrã ũdudꞌaya. Mʉta bꞌʉba marãsidꞌa bꞌeaya.

Juan 5:26

Mʉ Zezebara erubꞌʉa izhi ũme bꞌai jõ ẽãta, mawũẽ mʉ zhi Warraabidꞌa diasia erubꞌamarẽã izhi ũme bꞌai jõ ẽãta.

Juan 6:40

Mʉ Zeze mʉ zokꞌadꞌabara krĩña bꞌʉa zhi Warra mʉta krĩcha bꞌebara, mʉnebemata ĩjã bꞌebara jõmaʉ̃ba erubꞌeamarẽã Daizeze ũme bꞌai jõ ẽãta. Aramaʉ̃nerã maʉ̃rãta beudꞌapeadꞌara mʉã piradrʉbigaya ewari nʉmʉta jõbʉrʉdꞌera.

Juan 6:57

Mʉ Zeze mʉ zokꞌadꞌata bꞌʉ kĩrãkꞌa, mʉrã bꞌʉa mʉ Zezedꞌeba, aramaʉ̃ kĩrãkꞌa mʉta kꞌo bꞌʉra bꞌaya mʉneba.

Romanos 11:28

Jesúsdꞌebema bedꞌea biata judíorãba krĩñana ẽãba Daizeze bawara zhi jurata bꞌera marãta izhidꞌeta bꞌeaidꞌebema. Mawũãmina izha jʉrʉkuadꞌaba izha kʉãgꞌata bꞌea ãzhi zhibarirãneba.

Romanos 5:11

Bari maʉ̃ba ẽã, awuarabʉrʉ Daizeze bawara sobia bꞌea dazhirã Nokꞌo Jesucristodꞌeba. Izhikꞌareuba idꞌira Daizeze bawara zhibiata bꞌea.

Romanos 5:6

Dazhira ẽdrʉidꞌe bꞌʉ ẽãne ewarita arababʉrʉdꞌera Cristora beusia dazhi bia ẽãta bꞌebari.

Romanos 8:32

Daizezebara miã zhi Warrasidꞌa wããgꞌa ẽbasia, awuarabʉrʉ bebuidꞌu chãbꞌarisia dazhirã jõmaʉ̃bari. ¿Mawũẽ dazhirãã sãwũã ne jõma dia ẽbaipe zhi Warra bawaraua?

Romanos 8:34

¿Kꞌaiba bedꞌea bara bꞌʉa aipe? Miõba bedꞌea bara bꞌʉa a ẽã Cristota dazhibari beudꞌaba. Beudꞌata piradrʉpe Daizeze juwua araare bꞌʉa, zhiwidꞌi bꞌʉa dazhirãbari.

Romanos 8:7

Zharadꞌebemata krĩcha bꞌedꞌeba Daizezeba jurata bꞌebara Daizeze ũrãgꞌara aribꞌaedꞌa ẽã, miã bꞌedꞌa ẽã.