Romanos 5:1 - Porciones del Nuevo Testamento

¹ Ĩjã bꞌedꞌeba bedꞌea ne ẽã duanukꞌãrĩba dazhirã Daizeze bawara bedꞌea ne ẽã bꞌea dazhirã Nokꞌo Jesucristodꞌeba.

Romanos 5:1 ပူးပေါင်းရင်းမြစ်များ

Lucas 19:38

Maʉ̃nerã mawũãsidꞌa: ¡Ibia jaradꞌaya Reyta Daizezedꞌeba zebʉrʉra, kꞌõbebaira Daizeze bawara adu-a bꞌeaya ʉ̃trera, izhira zhi zroma ʉ̃trera! (Salmos 118:25-26)

Lucas 19:42

mawũãsia: ¡Biga bakꞌausia idꞌi ewade bʉabidꞌa kꞌawuasibʉrʉ bʉ kꞌaidꞌeba adu-a nʉmaĩnebemata! Mawũãmina maʉ̃ bʉara kꞌawua ẽãba ũdu ẽã.

Lucas 2:14

¡Daizezera ibia jaraudua ʉ̃trera, druadꞌera adu-a bꞌeaya izha bia erunʉmʉta bꞌera!

Juan 14:27

Adu-a bꞌaidꞌebemata mʉã marãĩta ãmaẽña, adu-a bꞌaidꞌebemata mʉrẽta mʉã marãã diaya. Maʉ̃ mʉãrã dedꞌeka ẽã ẽjũãne bꞌeba aritiaedꞌa diabada kĩrãkꞌa. Mawũẽ sopuarãũdua, miã perarãũdua.

Juan 16:33

Mʉã maʉ̃ta marãã jarabʉrʉa mʉneba adu-a bꞌeamarẽã. Naʉ̃ ẽjũãnerã marã zuburiaya, mawũãmina wãnigua bꞌeaudua, mʉã edre bꞌaebisia ãtõmiã zareata ẽjũãne nʉmʉrã.

Juan 20:31

Mawũãmina naʉ̃ bꞌʉsidꞌa ĩjãnamarẽã Jesúra zhãrã Ẽdrʉbita Daizeze Warrata. Maʉ̃ta ĩjãbʉdaba izhikꞌareuba erubꞌeamarẽã Daizeze ũme bꞌai jõ ẽãta.

Juan 5:24

Mʉã wãrĩnu marãã jaraya: Iabꞌaʉba mʉ bedꞌeata ũrĩ bꞌʉba mʉ zokꞌadꞌadꞌebemata ĩjã bꞌʉra erubꞌʉa Daizeze ũme bꞌai jõ ẽãta, mawũẽ Daizezebara pua kꞌawua o ẽbaya, awuarabʉrʉ aduaita bꞌadꞌata zhi berabꞌarima baya Daizeze ũme bꞌai jõ ẽãma.

Hechos 10:36

Daizezebara Israel bꞌea bedꞌeata jarabuebʉrʉta bedꞌea biata adu-a bꞌeaidꞌebemata jarasia Jesucristodꞌeba, maʉ̃ta jõmaʉ̃ Nokꞌoa.

Romanos 1:17

Maʉ̃ bedꞌea biadꞌeba Daizezebara kꞌawuabi bꞌʉa izhara bedꞌea ne ẽã bꞌʉbarita ĩjãbʉrʉdꞌeba. Maʉ̃ẽnabemata zhi bꞌʉmata mawũã bꞌʉa: Daizezema bedꞌea ne ẽã bꞌʉra ĩjã bꞌʉdꞌeba izhi ũme bꞌai jõ ẽã bꞌaya.

Romanos 1:7

Jõma marã Roma pʉwʉrʉdꞌebemata bꞌera Daizezeba kʉãgꞌata bꞌea, marã jʉrʉkuasia izhidꞌeta bꞌeamarẽã: Mawũẽ izhi biaba marã adu-a bꞌeabiya dazhi Zhibari dazhirã Zezeba dewara Nokꞌo Jesucristoba.

Romanos 10:10

Mawũã sodꞌeba ĩjãbʉrʉra bedꞌea ne ẽã bꞌʉya, mawũã dazhi iba jarabʉrʉra ẽdrʉbiya.

Romanos 10:15

¿Sãwũã jaradꞌaipe jaradꞌe zokꞌakuadꞌa ẽbʉrʉ? Maʉ̃ẽnabemata zhi bꞌʉmata mawũã bꞌʉa: ¡Kꞌãbãẽã kĩrãwãrẽã adu-a bꞌaidꞌebemata jara bꞌera bedꞌea biata!

Romanos 14:17

Daizezeta Nokꞌodꞌebemata nʉmaĩrã zhikodꞌeba kꞌãrẽ dobadadꞌeba nʉma ẽã, awuarabʉrʉ maʉ̃ne nʉmaña kĩrãẽpa bꞌʉdꞌeba, adu-a bꞌʉdꞌeba, sobia bꞌʉdꞌeba Jawurebiadꞌeba.

Romanos 15:13

Daizezebara izhita krĩchabi bꞌʉa, mawũẽ marã kꞌãbãẽã sobia adu-a soidꞌu bꞌeabiya, aramaʉ̃ne jipa izhitrʉ krĩcha bꞌeamarẽã Jawurebia zareadꞌeba.

Romanos 15:33

Daizeze dazhi adu-a bꞌabi bꞌʉra nʉmaña marã jõmaʉ̃ bawara. Amén.

Romanos 3:22

Zhi jarama Daizezebara bedꞌea ne ẽã bꞌʉita Jesucristodꞌebemata ĩjãbʉrʉdꞌeba, maʉ̃ta izhidꞌebemata ĩjãbʉda jõmaʉ̃ĩtabema, mawũẽ miõta awuara eda ẽã.

Romanos 3:30

Maʉ̃ẽnabema Daizezera abꞌabai bꞌʉa. Mawũẽ izhara Jesúsdꞌebema ĩjãbʉrʉdꞌeba bedꞌea ne ẽã bꞌʉya kꞌakua eta kꞌõ bꞌera, Jesúsdꞌebema ĩjãbʉrʉdꞌeba bedꞌea ne ẽã bꞌʉya kꞌakua eta kꞌõ ẽã bꞌera.

Romanos 4:5

Mawũãmina kꞌãrẽ o ẽãne bia ẽãta bꞌʉra Daizezebara bedꞌea ne ẽã bꞌʉbarita ĩjãrã, mawũã ĩjãbʉrʉdꞌeba bedꞌea ne ẽã bꞌʉya.

Romanos 5:11

Bari maʉ̃ba ẽã, awuarabʉrʉ Daizeze bawara sobia bꞌea dazhirã Nokꞌo Jesucristodꞌeba. Izhikꞌareuba idꞌira Daizeze bawara zhibiata bꞌea.

Romanos 5:18

Abꞌaʉba kꞌazhiruata odꞌadꞌeba Daizezebara zhãrã jõma aduabigaidꞌe nʉmʉsia, aramaʉ̃ kĩrãkꞌa abꞌaʉba biata odꞌadꞌeba bedꞌea ne ẽã oira zhãrã jõmaʉ̃ĩtabemata izhi ũme bꞌai jõ ẽã bꞌabiya.

Romanos 6:23

Kꞌazhiruata obꞌʉdꞌebara aduaita beuya. Mawũãneba Daizezebara izhi ũme bꞌai jõ ẽãta bari dia bꞌʉa Jesucristo dazhirã Nokꞌodꞌeba.

Romanos 9:30

¿Mawũẽ kꞌasia adꞌaipe? Judíorã ẽãrã bedꞌea ne ẽbaidꞌebemane nʉme ẽãta, Daizezebara bedꞌea ne ẽã bꞌʉkua nʉmʉã Cristodꞌebemata ĩjãbʉdaba.